ಪಾಕ್​ಗೆ ಮೊದಲ ಚಿನ್ನ ತಂದು ಕೊಟ್ಟ ಅರ್ಷದ್​ ನದೀಮ್

ಒಲಿಂಪಿಕ್ಸ್​ಗೆ ಕಳುಹಿಸಲು ಪಾಕ್​ ಬಳಿ ಹಣವಿಲ್ಲ.. ಕೊನೆಗೆ ಪ್ಯಾರಿಸ್​ ಹೋಗಿದ್ದೇಗೆ?

27 ವರ್ಷದ ಅರ್ಷದ್​ ನದೀಮ್ ಸಾಹಸಗಾಥೆ ವಿಭಿನ್ನ.. ಇದು ಗುರುವಿಲ್ಲದೆ ಗುರಿ ತಲುಪಿದ ಕತೆ

ಕಷ್ಟ ಯಾರಿಗೆ ಇರಲ್ಲ ಹೇಳಿ?. ಕಷ್ಟವನ್ನು ದಾಟಿ ಮುಂದೆ ಬರೋದೇ ಜೀವನ. ಸತತ ಪ್ರಯತ್ನ ಮುಂದೊಂದು ದಿನ ಜೀವನದ ದಿಕ್ಕನ್ನೇ ಬದಲಾಯಿಸಬಹುದು ಎಂಬುದಕ್ಕೆ ಈ ಘಟನೆಯೇ ಸಾಕ್ಷಿ. ಜಾವೆಲಿನ್​ ಖರೀದಿಸಲು ಹಣವಿಲ್ಲದ ವ್ಯಕ್ತಿ ಇಂದು ದೇಶಕ್ಕಾಗಿ ಚಿನ್ನಗೆದ್ದ ಸಾಹಸಗಾಥೆ ಇದು.

ಹೆಸರು ​​ಅರ್ಷದ್​ ನದೀಮ್​​. ನೆರೆಯ ಪಾಕಿಸ್ತಾನ ದೇಶದವರು. ನಿನ್ನೆ ಪ್ಯಾರಿಸ್​ ಒಲಿಂಪಿಕ್ಸ್​ನಲ್ಲಿ ದೇಶಕ್ಕಾಗಿ ಚಿನ್ನ ಗೆದ್ದು ಕೀರ್ತಿ ಪತಾಕೆ ಹಾರಿಸಿದ್ದಾರೆ. ಆದರೆ ಒಲಿಂಪಿಕ್ಸ್​​ಗೆ ಬರೋದಕ್ಕೂ ಮುನ್ನ ಅವರು ಪಟ್ಟ ಕಷ್ಟ ಅಷ್ಟಿಷ್ಟಲ್ಲ.

ಇದನ್ನೂ ಓದಿ: ಮೆಟ್ರೋ ನಿಲ್ದಾಣದಲ್ಲಿ ಮತ್ತೊಂದು ಅವಘಡ.. ಆತ್ಮಹ* ಮಾಡಿಕೊಂಡ 49 ವರ್ಷದ ವ್ಯಕ್ತಿ

27 ವರ್ಷದ ಅರ್ಷದ್​ ನದೀಮ್​​ ಪಂಜಾಬ್​ನ ಖನೇವಾಲ್​​ ಗ್ರಾಮದ ನಿವಾಸಿ. 6 ಅಡಿ ಎತ್ತರದ ಇವರು ನಿನ್ನೆ ಜಾವೆಲಿನ್​ ವಿಭಾಗದಲ್ಲಿ 92.97 ಮೀಟರ್​​ ಎಸೆದು ಇತಿಹಾಸ ನಿರ್ಮಿಸಿದ್ದಾರೆ. ಅಂತಿಮ ಸುತ್ತಿನಲ್ಲಿ ಭಾರತದ ನೀರಜ್​ ಚೋಪ್ರಾ ಅವರಿಗೆ ಪೈಪೋಟಿ ನೀಡಿ ಮೊದಲ ಸ್ಥಾನ ಕಬಳಿಸಿದ್ದಾರೆ.

ಇದನ್ನೂ ಓದಿ: ದಂಡಪಿಂಡ ಅಂತ ಕರೆದಿದ್ದಕ್ಕೆ ಚಾಕು ಎಸೆದ ಅಣ್ಣ.. ತಮ್ಮನ ಎದೆಗೆ ಬಂದು ಚುಚ್ಚಿದ ಚೂರಿ.. ಅಲ್ಲೇ ಸಾವು

ಗುರುವಿಲ್ಲದೆ ಗುರಿ ಹೊಡೆದ ನದೀಮ್

ನೀರಜ್​ ಚೋಪ್ರಾ ಭಾರತಕ್ಕೆ ಚಿನ್ನದ ಪದಕ ಪಡೆಯಲೆಂದು 2 ವರ್ಷಗಳಿಂದ ಸತತ ಅಭ್ಯಾಸ ಮಾಡಿದ್ದಾರೆ. ಫಿನ್​ಲ್ಯಾಂಡ್​​ ಮತ್ತು ಜರ್ಮನಿಯಲ್ಲಿ ತಯಾರಿ ನಡೆಸಿದ್ದಾರೆ. ಆದರೆ ಅರ್ಷದ್​ ನದೀಮ್ ಕತೆ ಹಾಗಲ್ಲ. ಅವರ ಬಳಿ ಜಾವೆಲಿನ್​ ಖರೀದಿಸಲು ಹಣವೇ ಇರಲಿಲ್ಲ. ತರಬೇತುದಾರರು ಯಾರಿಲ್ಲ. ಮತ್ತೊಂದೆಡೆ ನದೀಮ್​ರನ್ನ ಒಲಿಂಪಿಕ್ಸ್​ಗೆ ಕಳುಹಿಸಲು ಪಾಕ್​ ಸರ್ಕಾರದ ಬಳಿ ಫಂಡ್​ ಕೂಡ ಇರಲಿಲ್ಲ.

ಇದನ್ನೂ ಓದಿ: ಮೊದಲ ಮದುವೆ ಮುಚ್ಚಿಟ್ಟ, 2ನೇ ಮದುವೆಗೆ ಮುಂದಾದ.. ಹೆಣ್ಣು ಕೊಡೋಕೆ ಒಪ್ಪದ ಕುಟುಂಬದ ಮೇಲೆ ಸರ್ಕಾರಿ ನೌಕರ ದ್ವೇಷ

ಪಾಕ್​ಗೆ ಮೊದಲ ಚಿನ್ನ ಗಿಫ್ಟ್​

ಅರ್ಷದ್​ ನದೀಮ್ ಚಿನ್ನ ಗೆದ್ದಿದ್ದೇ ತಡ ಆತನ ತಂದೆ ಮಾಧ್ಯಮದ ಮುಂದೆ ಮನಬಿಚ್ಚಿ ಮಾತನಾಡಿದ್ದಾರೆ. ‘ಅರ್ಷದ್​​ ಈ ಸ್ಥಾನಕ್ಕೆ ಹೇಗೆ ತಲುಪಿದರು ಎಂದು ಜನರಿಗೆ ತಿಳಿದಿಲ್ಲ. ಆತನ ತರಬೇತಿಗೆ, ಆಟದಲ್ಲಿ ಭಾಗವಹಿಸಲು ಗ್ರಾಮಸ್ಥರು ಮತ್ತು ಸಂಬಂಧಿಕರು ಹೇಗೆ ಹಣದ ಸಹಾಯ ಮಾಡಿದ್ದಾರೆ ಎಂಬುದು ನನಗಷ್ಟೇ ಗೊತ್ತು’ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: 2024 Olympics: ಪ್ಯಾರಿಸ್ ಒಲಿಂಪಿಕ್ಸ್​ನಲ್ಲಿ ಬೆಳ್ಳಿ ಪದಕ ಗೆದ್ದ ನೀರಜ್ ಚೋಪ್ರಾ

ಅಚ್ಚರಿಯ ಸಂಗತಿ ಎಂದರೆ ಪಾಕಿಸ್ತಾನ ಈ ಬಾರಿಯ ಒಲಿಂಪಿಕ್ಸ್​ನಲ್ಲಿ ಮೊದಲ ಚಿನ್ನವನ್ನು ಗೆದ್ದುಕೊಂಡಿದೆ. ಅರ್ಷದ್​ ನದೀಮ್ ಅವರು ದೇಶಕ್ಕಾಗಿ ಚಿನ್ನ ಗೆದ್ದಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ