SRH ತಂಡಕ್ಕೆ ಕ್ಯಾಪ್ಟನ್​ ಯಾರಾಗ್ತಾರೆ.. ನಾಯಕ ಕಮಿನ್ಸ್​ ದಿಢೀರ್​ ಅಂತ ತವರಿಗೆ ಹೋಗಿ ಬಿಟ್ರಾ?

ಸನ್​​ರೈಸರ್ಸ್​ ಹೈದ್ರಾಬಾದ್ ತಂಡ ಈ ವರ್ಷದ ರಾಜಸ್ಥಾನ್​ ವಿರುದ್ಧದ ಆರಂಭಿಕ ಪಂದ್ಯದಲ್ಲಿ 286 ರನ್​ ಗಳಿಸಿ ದಾಖಲೆ ಬರೆದಿತ್ತು. ಆದರೆ ಇದಾದ ಮೇಲೆ ಆಡಿದ ಪಂದ್ಯಗಳಲ್ಲಿ ತೀರ ಹೀನಾಯ ಸ್ಥಿತಿಗೆ ತಲುಪಿದೆ. ಏಕೆಂದರೆ ಈಗಾಗಲೇ ಟೂರ್ನಿಯಲ್ಲಿ 7 ಪಂದ್ಯ ಆಡಿದ ಎಸ್​ಆರ್​ಹೆಚ್​ 5 ಪಂದ್ಯಗಳಲ್ಲಿ ಸೋತಿದೆ. ಪರಿಸ್ಥಿತಿ ಹೀಗಿರುವಾಗಲೇ ಕ್ಯಾಪ್ಟನ್​ ಪ್ಯಾಟ್ ಕಮಿನ್ಸ್​ ತವರಿಗೆ ಮರಳಿದ್ದಾರೆ ಎನ್ನಲಾಗುತ್ತಿದೆ.

ಹೈದ್ರಾಬಾದ್ ತಂಡದ ನಾಯಕ ಪ್ಯಾಟ್ ಕಮಿನ್ಸ್ ಅವರು ಅವರ ಹೆಂಡತಿ ಜೊತೆ ಆಸ್ಟ್ರೇಲಿಯಾಕ್ಕೆ ಹೋಗಿದ್ದಾರೆ ಎಂದು ಹೇಳಲಾಗುತ್ತಿದೆ. ಈಗಾಗಲೇ ಐಪಿಎಲ್​ನಲ್ಲಿ 7 ಪಂದ್ಯಗಳನ್ನು ಆಡಿರುವ ಹೈದ್ರಾಬಾದ್​ ಇನ್ನು 7 ಪಂದ್ಯಗಳನ್ನು ಆಡಬೇಕಿದೆ. ಆದ್ರೆ ತಂಡದ ನಾಯಕನಾಗಿದ್ದ ಕಮಿನ್ಸ್​ ಅವರು ತವರಿಗೆ ಹೋದ್ರೆ, ತಂಡದ ನಾಯಕ ಯಾರು ಎಂಬುದು ಯಕ್ಷ ಪ್ರಶ್ನೆಯಾಗಿದೆ

ಪ್ಯಾಟ್​ ಕಮಿನ್ಸ್ ಸನ್ ರೈಸರ್ಸ್ ತಂಡದ ಸಕ್ಸಸ್​ಫುಲ್ ಕ್ಯಾಪ್ಟನ್​. ನಾಯಕತ್ವದ ಚುಕ್ಕಾಣಿ ಹಿಡಿದ ಮೊದಲ ಸೀಸನ್​ನಲ್ಲೇ ತಂಡವನ್ನ ರನ್ನರ್​​ಅಪ್​ ಮಾಡಿದ ಹೀರೋ. ಈ, ಯಶಸ್ವಿ ನಾಯಕನೇ ತಂಡದಿಂದ ದೂರ ನಡೆದ್ರೆ, ಯಾರು ಕ್ಯಾಪ್ಟನ್ ಆಗ್ತಾರೆ ಎಂಬ ಕುತೂಹಲ ಅಭಿಮಾನಿಗಳಲ್ಲಿ ಕಾಡ್ತಿದೆ. ಟಿ20 ಸ್ಪೆಷಲಿಸ್ಟ್ ಹೆನ್ರಿಚ್ ಕ್ಲಾಸೆನ್ ಹೆಸರು ಮುನ್ನಲೆಗೆ ಬಂದಿದೆ. ಯುವ ಆಲ್​ರೌಂಡರ್​​ ನಿತಿಶ್ ಕುಮಾರ್ ರೆಡ್ಡಿ, ಇಶನ್​ ಕಿಶನ್​ ಹೆಸರು ಕೂಡ ಚರ್ಚೆಯಲ್ಲಿದೆ.

ಪ್ಯಾಟ್​ ಕಮಿನ್ಸ್​ ತವರಿಗೆ ವಾಪಾಸ್ಸಾಗಿದ್ದಾರೋ, ತಂಡದ ಜೊತೆಯಲ್ಲೇ ಉಳಿದಿದ್ದಾರೋ ಅನ್ನೋದರ ಬಗ್ಗೆ ಈವರೆಗೆ ಯಾವುದೇ ಕ್ಲಾರಿಟಿ ಸಿಕ್ಕಿಲ್ಲ. ಆದ್ರೆ, ಪ್ಯಾಟ್ ಪತ್ನಿ ಹಂಚಿಕೊಂಡ ಪೋಸ್ಟ್​ ಮಾತ್ರ ಕ್ರಿಕೆಟ್​ ವಲಯದಲ್ಲಿ ಸಾಕಷ್ಟು ಚರ್ಚೆಗೆ ಕಾರಣವಾಗಿದೆ. ಮುಂದಿನ ಪಂದ್ಯದೊಳಗೆ ಈ ಸುದ್ದಿಗೆ ಅಧಿಕೃತ ಉತ್ತರ ಸಿಗಲಿದೆ.

‘ಗುಡ್​ ಬೈ ಇಂಡಿಯಾ’

ಗುಡ್​ ಬೈ ಇಂಡಿಯಾ.. ನಾವು ಈ ಅದ್ಭುತ ದೇಶಕ್ಕೆ ಮತ್ತೊಮ್ಮೆ ಭೇಟಿ ನೀಡಲು ಇಷ್ಟಪಡುತ್ತೇವೆ- ರೆಬೆಕಾ ಕಮಿನ್ಸ್​ , ಪ್ಯಾಟ್​ ಕಮಿನ್ಸ್ ಹೆಂಡತಿ.

ಪ್ಯಾಟ್ ಕಮಿನ್ಸ್​ ಪತ್ನಿ ರೆಬೆಕಾ ಮಾಡಿರುವ ಈ ಒಂದು ಪೋಸ್ಟ್ ಸನ್​ರೈಸರ್ಸ್​ ಹೈದ್ರಾಬಾದ್ ಅಭಿಮಾನಿಗಳ ವಲಯವನ್ನ ತಲ್ಲಣಗೊಳಿಸಿದೆ. ಮುಂಬೈ ಏರ್​​ಪೋರ್ಟ್​ನಲ್ಲಿ ನಿಂತು ರೆಬೆಕಾ ಪೋಸ್ಟ್ ಶೇರ್ ಮಾಡಿದ್ದಾರೆ. ​ಈ ಪೋಸ್ಟ್​ನಲ್ಲಿ ಪ್ಯಾಟ್​ ಕಮಿನ್ಸ್​ ಕೂಡ ಇದ್ದಾರೆ. ಹೀಗಾಗಿ ಕಮಿನ್ಸ್​ ತಮ್ಮ ದೇಶಕ್ಕೆ ವಾಪಸ್ ಹೋಗಿದ್ದಾರೋ, ಇಲ್ವೋ ಎನ್ನುವುದು ಸ್ಪಷ್ಟವಾಗಿಲ್ಲ. ಐಪಿಎಲ್​ ಟೂರ್ನಿ ಮಧ್ಯೆ ಹಾಕಿರುವ ಈ ಗುಡ್​ ಬೈ ಪೋಸ್ಟ್​ ತೀವ್ರ ಚರ್ಚೆಗೆ ಕಾರಣವಾಗಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ