ಚಹಾಲ್​​ ಮ್ಯಾಜಿಕ್, 95 ರನ್​​​ಗೆ KKR ಆಲೌಟ್.. ಐಪಿಎಲ್​​ನಲ್ಲಿ ಐತಿಹಾಸಿಕ ದಾಖಲೆ..!

ಯಾರ್​​​​ ಹೇಳಿದ್ದು ಐಪಿಎಲ್​ ಬ್ಯಾಟ್ಸ್​​ಮನ್​ಗಳ ಗೇಮ್​ ಅಂತಾ. ಬೌಲರ್​​ಗಳು ತಿರುಗಿಬಿದ್ರೆ ಬ್ಯಾಟ್ಸ್​ಮನ್​​ಗಳ ಖೇಲ್​ ಖತಂ ಅಷ್ಟೇ. ನಿನ್ನೆ ನಡೆದ ಲೋ ಸ್ಕೋರಿಂಗ್​ ಥ್ರಿಲ್ಲರ್​​ ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​. ಚಂಡಿಗಢದ ಮುಲ್ಲಾಂಪುರದಲ್ಲಿ ಬ್ಯಾಟ್ಸ್​​ಮನ್​ಗಳ ಬೌಲರ್​​ಗಳು ಗಿರ್​​ಗಿಟ್ಲೆ ಆಡಿಸಿಬಿಟ್ರು.

ಒಂದೊಂದು ಓವರ್​ ರೋಚಕ.. ಒಂದೊಂದು ಎಸೆತಕ್ಕೂ ಕುತೂಹಲ.. ಪಂಜಾಬ್​-ಕೊಲ್ಕತ್ತಾ ಲೋ ಸ್ಕೋರಿಂಗ್​ ಥ್ರಿಲ್ಲರ್​ ಗೇಮ್​ ನಿನ್ನೆ ಅಭಿಮಾನಿಗಳನ್ನ ತುದಿಗಾಲಲ್ಲಿ ನಿಲ್ಲಿಸಿತ್ತು. ಸ್ಟಾರ್ಟಿಂಗ್​ನಲ್ಲಿ ಎಲ್ಲರಿಗೂ ಹೈ ಸ್ಕೋರಿಂಗ್​ ಗೇಮ್​​ನ ನಿರೀಕ್ಷೆಯಿತ್ತು. ಫಸ್ಟ್​ ಹಾಫ್​ ಗೇಮ್​ ನೋಡಿದ ಒನ್​ ಸೈಡೆಡ್​ ಮ್ಯಾಚ್​ ಅನ್ನಿಸಿತ್ತು. ಆದ್ರೆ, ಸೆಕೆಂಡ್​ ಹಾಫ್​​ನ ಅಂತ್ಯ ರಣ ರೋಚಕವಾಗಿತ್ತು.
ಟಾಸ್​ ಗೆದ್ದು ಪಂಜಾಬ್​ ಪರ ಅಗ್ರೆಸ್ಸಿವ್​ ಆಗಿ ಇನ್ನಿಂಗ್ಸ್​ ಓಪನ್ ಮಾಡಿದ ​​​ಪ್ರಿಯಾಂಶ್​ ಆರ್ಯ, ಪ್ರಭ್​​ ಸಿಮ್ರನ್​​ ಸಿಂಗ್ ಬಿಗ್​ ಸ್ಕೋರ್​​ ಕಲೆ ಹಾಕೋ ಸೂಚನೆಯನ್ನ ನೀಡಿದ್ರು. ಪವರ್​​ ಪ್ಲೇನಲ್ಲೇ ಕೆಕೆಆರ್​​ ಬೌಲರ್ಸ್​​ ಪಂಜಾಬ್​ ಕಿಂಗ್ಸ್​ನ ಪವರ್​ ಕಟ್​​ ಮಾಡಿದ್ರು​​. 4ನೇ ಓವರ್​ನಲ್ಲಿ ಬೌಲಿಂಗ್​ಗೆ ಬಂದ​ ಹರ್ಷಿತ್​ ರಾಣಾ 2ನೇ ಎಸೆತದಲ್ಲೇ ಪ್ರಿಯಾಂಶ್​ ಆರ್ಯ ವಿಕೆಟ್​ ಉರುಳಿಸಿದ್ರು. ಶ್ರೇಯಸ್​​ ಅಯ್ಯರ್​​ ಅದೇ ಓವರ್​ನಲ್ಲಿ ಡಕೌಟ್​ ಆದ್ರು.

ಇದನ್ನೂ ಓದಿ: ಚೆನ್ನೈ ಗೆಲುವಿಗೆ ಟಾಸ್ ಫಿಕ್ಸಿಂಗ್ ಅನುಮಾನ? ಮ್ಯಾಚ್ ರೆಫರಿ ಕಿವಿಯಲ್ಲಿ ಧೋನಿ ಹೇಳಿದ್ದೇನು? VIDEO

ವರುಣ್​ ಚಕ್ರವರ್ತಿ ಬೌಲಿಂಗ್​ನಲ್ಲಿ ಕ್ಲೀನ್​ಬೋಲ್ಡ್​ ಆದ ಜೋಶ್​ ಇಂಗ್ಲೀಸ್​​ ಬಂದಷ್ಟೇ ವೇಗವಾಗಿ ನಿರ್ಗಮಿಸಿದ್ರು. ಇದ್ರ ಬೆನ್ನಲ್ಲೇ ಮತ್ತೊಂದು ಶಾಕ್​ ಕೊಟ್ಟ ರಾಣಾ, ಪ್ರಭ್​ ಸಿಮ್ರನ್​ ಸಿಂಗ್​ ವಿಕೆಟ್​ ಉರುಳಿಸಿದ್ರು. ನೆಹಾಲ್​ ವಡೇರಾ ಎನ್ರಿಚ್​ ನೋಕಿಯಾಗೆ ಬಲಿಯಾದ್ರೆ ಗ್ಲೇನ್​ ಮ್ಯಾಕ್ಸ್​ವೆಲ್​ ಮತ್ತೊಂದು ಫ್ಲಾಪ್​ ಶೋ ನೀಡಿ ನಿರ್ಗಮಿಸಿದ್ರು.

ಸುರ್ಯಾಂಶ್​ ಶೆಡ್ಗೆ, ಮಾರ್ಕೋ ಯಾನ್ಸೆನ್​​ ಬಂದಷ್ಟೇ ವೇಗವಾಗಿ ಪೆವಿಲಿಯನ್​ ಸೇರಿದ್ರು. ಶಶಾಂಕ್​ ಸಿಂಗ್​ ಆಟ 18 ರನ್​ಗಳಿಗೆ ಅಂತ್ಯವಾಯ್ತು. 11 ರನ್​ಗಳಿಸಿದ್ದ Xavier Bartlett ರನೌಟ್​ ಆದ್ರು. ಕೇವಲ 111 ರನ್​ಗಳಿಗೆ ಪಂಜಾಬ್​ ಕಿಂಗ್ಸ್​ ಆಲೌಟ್​ ಆಯ್ತು.
112 ರನ್​ಗಳ ಟಾರ್ಗೆಟ್​​ ಅಲ್ವಾ? ಆದಷ್ಟು ಬೇಗ ಮ್ಯಾಚ್​​ ಮುಗ್ಸಿ ರನ್​​ರೇಟ್​ ಹೆಚ್ಚಿಸಿಕೊಳ್ಳೋ ಲೆಕ್ಕಾಚಾರದಲ್ಲಿ ಕೆಕೆಆರ್​ ಕಣಕ್ಕಿಳಿತು. ಆತ್ಮವಿಶ್ವಾಸದಲ್ಲಿ ಬ್ಯಾಟಿಂಗ್​ಗೆ ಬಂದ ಕೊಲ್ಕತ್ತಾಗೆ ಆಘಾತ ಕಾದಿತ್ತು. ಫಸ್ಟ್​ ಓವರ್​ನಲ್ಲೇ ಸುನಿಲ್​ ನರೇನ್​ ಔಟಾದ್ರೆ, 2ನೇ ಓವರ್​​ನಲ್ಲಿ ಕ್ವಿಂಟನ್​ ಡಿ ಕಾಕ್​​ ನಿರ್ಗಮಿಸಿದ್ರು.

ಇದನ್ನೂ ಓದಿ:ಐಪಿಎಲ್​​ನಲ್ಲಿ ವೀರ ಕನ್ನಡಿಗನ ಘರ್ಜನೆ.. ಟ್ಯಾಲೆಂಟೆಡ್​ ಕ್ರಿಕೆಟಿಗನಿಗೆ ಆದ ಅನ್ಯಾಯದ ಬಗ್ಗೆ ಗೊತ್ತೇನು..?

ಬಳಿಕ ಜೊತೆಯಾದ ಅಜಿಂಕ್ಯಾ ರಹಾನೆ, ಅಂಗ್​​ಕ್ರಿಶ್​ ರಘುವಂಶಿ ತಂಡಕ್ಕೆ ಚೇತರಿಕೆ ನೀಡಿದ್ರು. ಕಾನ್ಫಿಡೆಂಟ್​ ಆಗಿ ಬ್ಯಾಟ್​ ಬೀಸಿದ ರಘುವಂಶಿ 5 ಬೌಂಡರಿ, 1 ಸಿಕ್ಸರ್​ ಬಾರಿಸಿದ್ರು. ರಘುವಂಶಿ 37 ರನ್​ಗಳಿಸಿದ್ರೆ, ಎಚ್ಚರಿಕೆಯ ಆಟವಾಡಿದ ರಹಾನೆ 17 ರನ್​ಗಳಿಸಿದ್ರು. ಸ್ಪಿನ್ನರ್​​ ಯುಜುವೇಂದ್ರ ಚಹಲ್ ಸೆಟಲ್​ ಆಗಿದ್ದ ಇಬ್ಬರನ್ನೂ ಬ್ಯಾಕ್​ ಬ್ಯಾಕ್​ ಪೆವಿಲಿಯನ್​ಗಟ್ಟಿದ್ರು. ಇಡೀ ಮ್ಯಾಚ್​​ಗೆ ಟ್ವಿಸ್ಟ್ ಸಿಕ್ಕಿದ್ದೇ ಇಲ್ಲಿಂದ. ಬಳಿಕ ಬೌಲಿಂಗ್​ಗೆ ಬಂದ ಮ್ಯಾಕ್ಸ್​ವೆಲ್​ ವೆಂಕಟೇಶ್​ ಅಯ್ಯರ್​ನ ಎಲ್​ಬಿ ಬಲೆಯಲ್ಲಿ ಬೀಳಿಸಿದ್ರು. 12ನೇ ಓವರ್​​ನಲ್ಲಿ ಯುಜುವೇಂದ್ರ ಚಹಲ್​​ ಮತ್ತೆ ಶಾಕ್​ ಕೊಟ್ರು. ಒಂದೇ ಓವರ್​ನಲ್ಲಿ ರಿಂಕು ಸಿಂಗ್​​, ರಮಣ್​ ದೀಪ್​ ಸಿಂಗ್​​ ವಿಕೆಟ್​ ಕಬಳಿಸಿದ್ರು.

ಹರ್ಷಿತ್​ ರಾಣಾನ ಮಾರ್ಕ್​ ಯಾನ್ಸನ್​ ಕ್ಲೀನ್​ ಬೋಲ್ಡ್​ ಮಾಡಿದ್ರೆ, ವೈಭವ್​ ಅರೋರ ಆರ್ಷ್​​ದೀಪ್​ ಸಿಂಗ್​​ಗೆ ಶರಣಾದ್ರು. 1 ಬೌಂಡರಿ, 2 ಸಿಕ್ಸರ್​​ ಸಿಡಿಸಿ ಕೆಕೆಆರ್​ ಪಾಳಯದಲ್ಲಿ ಭರವಸೆ ಮೂಡಿಸಿದ್ದ ಆ್ಯಂಡ್ರೆ ರಸೆಲ್​​ನ ಕ್ಲೀನ್​​ಬೋಲ್ಡ್​ ಮಾಡಿದ ಮಾರ್ಕೋ ಯಾನ್ಸೆನ್​​ ಪಂಜಾಬ್​ ತಂಡವನ್ನ ಗೆಲುವಿನ ದಡ ಸೇರಿಸಿದ್ರು. 95 ರನ್​ಗಳಿಗೆ ಆಲೌಟ್​ ಆದ ಕೊಲ್ಕತ್ತಾ ಹೀನಾತ ಸೋಲಿಗೆ ಶರಣಾದ್ರೆ, ಪಂಜಾಬ್​ ಕಿಂಗ್ಸ್​ 16 ರನ್​ಗಳ ರಣರೋಚಕ ಜಯ ಸಾಧಿಸಿತು. 15.1 ಓವರ್​ಗಳಲ್ಲಿ ಕೆಕೆಆರ್​ನ ಖೆಡ್ಡಾಗೆ ಕೆಡವಿದ ಪಂಜಾಬ್​ ಐಪಿಎಲ್​ ಇತಿಹಾಸದಲ್ಲೇ ಅತಿ ಕಡಿಮೆ ಸ್ಕೋರ್​ ಡಿಫೆಂಡ್​ ಮಾಡಿಕೊಂಡ ಹೆಗ್ಗಳಿಕೆಗೆ ಪಾತ್ರವಾಯ್ತು.

ಇದನ್ನೂ ಓದಿ: ಏನಾದ್ರೂ ಆಗ್ಲಿ.. ಜೀವನೋತ್ಸಾಹ ಹೀಗೆ ಇರಲಿ; ಈ ಜೋಡಿ ಖುಷಿಯ ವಿಡಿಯೋ ಒಮ್ಮೆ ನೋಡಿ!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್