2 ತಂಡಗಳು ಸೇಫ್..! ಪಂಜಾಬ್, ಮುಂಬೈ, ಡೆಲ್ಲಿ ನಡುವೆ ಬಿಗ್​ ಫೈಟ್.. ಯಾರಿಗೆ ಪ್ಲೇ-ಆಫ್ ಭಾಗ್ಯ..?​

ಐಪಿಎಲ್​​ನ ಫಸ್ಟ್ ಹಾಫ್​​​​​​​​ 57 ಪಂದ್ಯಗಳ ಆಟ ಒಂದು ಲೆಕ್ಕ.. ಐಪಿಎಲ್ ಮರು ಆರಂಭದ ಪಂದ್ಯಗಳದ್ದೇ ಮತ್ತೊಂದು ಲೆಕ್ಕ. ಮೇ.17ರಿಂದ ಆರಂಭವಾಗಲಿರುವ ಉಳಿದ 13 ಲೀಗ್​ ಪಂದ್ಯಗಳೇ ಅಸಲಿ ಕಿಕ್ ನೀಡಲಿದೆ. ಮಿಲಿಯನ್ ಡಾಲರ್ ಟೂರ್ನಿಯಲ್ಲಿ ಯಾರು ಪ್ಲೇ ಆಫ್​ಗೆ ಹೋಗ್ತಾರೆ ಎಂಬ ಮಿಲಿಯನ್ ಡಾಲರ್ ಪ್ರಶ್ನೆಗೆ ಉತ್ತರ ನೀಡಲಿವೆ.

ಗುಜರಾತ್, ಆರ್​ಸಿಬಿಗೆ ಒಂದೇ ಹೆಜ್ಜೆ..!

11 ಪಂದ್ಯಗಳ ಪೈಕಿ 8ರಲ್ಲಿ ಗೆದ್ದಿರುವ ಟೈಟನ್ಸ್​, 2ನೇ ಹಂತದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​, ಲಕ್ನೋ ಸೂಪರ್ ಜೈಂಟ್ಸ್​ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ಗಳ ಎದುರು ಸೆಣಸಾಡಲಿದೆ. ಈ ಪೈಕಿ ಒಂದು ಪಂದ್ಯ ಗೆದ್ದರೆ, ಪ್ಲೇ ಆಫ್ ಸ್ಥಾನ ಗ್ಯಾರಂಟಿ. ಟಾಪ್​​-2ನಲ್ಲಿ ಉಳಿಯಬೇಕಾದ್ರೆ. ಎರಡು ಅಥವಾ ಮೂರು ಪಂದ್ಯಗಳಲ್ಲಿ ಗೆಲ್ಲಬೇಕು.

ಇದನ್ನೂ ಓದಿ: ಕನ್ನಡಿಗ ಪಡಿಕ್ಕಲ್ RCB ತಂಡದಲ್ಲಿ ಆಡ್ತಾರಾ.. ಮಯಾಂಕ್​​​ ಅಗರ್ವಾಲ್​ಗೆ ಎಷ್ಟು ಕೋಟಿ ಹಣ ಕೊಡಲಾಗಿದೆ?

ಎರಡನೇ ಸ್ಥಾನದಲ್ಲಿರುವ ಆರ್​ಸಿಬಿ ಕೂಡ ಫುಲ್​ ಸೇಫ್​ ಆಗಿದೆ. ಪ್ಲೇ ಆಫ್​​ ಸ್ಥಾನವನ್ನ ಬಹು ಬೇಗನೆ ಖಚಿತಪಡಿಸಿಕೊಳ್ಳುವ ಅವಕಾಶ ಆರ್​ಸಿಬಿಗಿದೆ. ಮೇ 17ರಂದು ಬೆಂಗಳೂರಿನಲ್ಲಿ ನಡೆಯೋ ಪಂದ್ಯದಲ್ಲಿ ಗೆದ್ದರೆ ಸಾಕು.

ಪಂಜಾಬ್​ಗೆ ಅಗ್ನಿಪರೀಕ್ಷೆ

ಪಂಜಾಬ್ ಕಿಂಗ್ಸ್​ 11 ಪಂದ್ಯಗಳ ಪೈಕಿ 7 ಗೆಲುವು, ಒಂದು ಡ್ರಾ ಸಾಧಿಸಿ 15 ಅಂಕ ಪಡೆದಿದೆ. ಡೆಲ್ಲಿ ಎದುರು ಗೆಲ್ಲೋ ಹಂಬಲದಲ್ಲಿದ್ದ ಪಂಜಾಬ್​ಗೆ ಪಂದ್ಯದ ರದ್ದಾಗಿದ್ದು, ಪ್ಲೇ ಆಫ್ ಲೆಕ್ಕಾಚಾರವನ್ನೇ ಬದಲಿಸಿಬಿಟ್ಟಿದೆ. ಪಂಜಾಬ್, ಪ್ಲೇ ಆಫ್ ಪ್ರವೇಶಿಸ ಬೇಕಂದ್ರೆ ಅಂಕಪಟ್ಟಿಯಲ್ಲಿ ತನಗಿಂತ ಕೆಳಗಿರೋ ಮುಂಬೈ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಎದುರಿನ ಪಂದ್ಯ ಗೆಲ್ಲಬೇಕಿದೆ.

ಇದನ್ನೂ ಓದಿ: RCBಗೆ ಸ್ಫೋಟಕ ಬ್ಯಾಟರ್ಸ್​, ಆಲ್​ರೌಂಡರ್ಸ್​ ಕಮ್​ಬ್ಯಾಕ್.. ಮತ್ತೆ ಬೆಂಗಳೂರು ತಂಡ ಬಲಿಷ್ಠ​

ಮುಂಬೈ ಇಂಡಿಯನ್ಸ್​ಗೆ ಡು ಆರ್ ಡೈ ಸ್ಥಿತಿ. 12 ಪಂದ್ಯದಲ್ಲಿ 7 ಗೆದ್ದಿರುವ ಪಾಂಡ್ಯ ಪಡೆ, ಮುಂದಿನ ಪಂದ್ಯಗಳಲ್ಲಿ ಪಂಜಾಬ್ ಕಿಂಗ್ಸ್​ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ತಂಡಗಳ ಎದುರು ಹೋರಾಟ ನಡೆಸಲಿದೆ. ಈ ಎರಡೂ ತಂಡಗಳ ಎದುರು ಗೆದ್ದರೇ ಮಾತ್ರ ಮುಂಬೈ ಇಂಡಿಯನ್ಸ್ ತಂಡ ಪ್ಲೇ ಆಫ್​ಗೆ ಎಂಟ್ರಿ ನೀಡಲಿದೆ.

ಡೆಲ್ಲಿ ತಂಡದ ಮುಂದೆ ಗುಜರಾತ್, ಪಂಜಾಬ್, ಮುಂಬೈ ಸವಾಲಿದೆ. ಸವಾಲನ್ನ ಮೆಟ್ಟಿ ನಿಂತು ಹ್ಯಾಟ್ರಿಕ್ ಗೆಲುವು ದಾಖಲಿಸಿದ್ರೆ, ಪ್ಲೇಆಫ್ ಎಂಟ್ರಿ ಸುಲಭವಾಗಲಿದೆ. ಇಲ್ಲ ಮುಂಬೈ ಇಂಡಿಯನ್ಸ್​ ತಂಡದ ಸೋಲು, ಗೆಲುವುಗಳೇ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಪ್ಲೇ ಆಫ್​ ಭವಿಷ್ಯ ನಿರ್ಣಯಿಸಲಿದೆ.

ಇದನ್ನೂ ಓದಿ: ಅಭಿಮಾನಿಗಳ ಆತಂಕ ದೂರ, ಆರ್​ಸಿಬಿಗೆ ಬಂತು ಆನೆಬಲ.. ವಿಡಿಯೋ ಹಂಚಿಕೊಂಡ ಫ್ರಾಂಚೈಸಿ

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್