₹1 ಕೋಟಿ ಕದ್ದ ಕಳ್ಳರನ್ನ ಹಿಡಿದುಕೊಟ್ಟ ಪೆನ್ನಿ.. ಪೊಲೀಸ್ ಡಾಗ್‌ ಸಾಹಸದ ಕಥೆ ಕೇಳಿದ್ರೆ ಶಾಕ್ ಆಗ್ತೀರಾ!

ಅಹಮದಾಬಾದ್: ಗುಜರಾತ್​​​ನ 4 ವರ್ಷದ ಡಾಬರ್​ಮ್ಯಾನ್ ತಳಿಯ ಪೆನ್ನಿ ನಾಯಿ ಬಹುದೊಡ್ಡ ರಾಬರಿ ಕೇಸನ್ನು ಭೇದಿಸಿದೆ. ದೋಕ್ಲಾ ತಾಲೂಕಿನ ಸರಗ್ವಾಲ ಗ್ರಾಮದ ರೈತ ಉದಯ್ ಸಿಂಗ್ ಸೋಲಂಕಿ ಮನೆಯಲ್ಲಿ ದರೋಡೆ ಆಗಿತ್ತು. ಯಾವುದೇ ಬ್ಯಾಂಕ್ ಅಕೌಂಟ್​​ ಹೊಂದಿರದ ಸೋಲಕಿ ಭೂಮಿ ಮಾರುವ ಒಪ್ಪಂದದ ಮೇರೆಗೆ ಮುಂಗಡ ಹಣವಾಗಿ 1.07 ಕೋಟಿ ಹಣವನ್ನು ಪಡೆದುಕೊಂಡಿದ್ದ.

ಗೋಧಿ ಡ್ರಮ್​​ನಲ್ಲಿಟ್ಟಿದ್ದ ₹1.07 ಕೋಟಿ ಹಣ
ಉದಯ್ ಸಿಂಗ್ ಸೋಲಂಕಿ ಮನೆಯಲ್ಲಿದ್ದ ಗೋಧಿ ಡ್ರಮ್​​ನಲ್ಲಿ ₹1.07 ಕೋಟಿ ಹಣವನ್ನು ಭಧ್ರವಾಗಿ ಇಟ್ಟಿದ್ದ. ಅಕ್ಟೋಬರ್ 12ರಂದು ಯಾರೋ ಬೀಗ ಒಡೆದು ಮನೆಗೆ ನುಗ್ಗಿ ಡ್ರಮ್​​ನಲ್ಲಿದ್ದ ಅಷ್ಟೂ ಹಣವನ್ನು ದೋಚಿದ್ದರು. ಕೂಡಲೇ ಅಹಮದಾಬಾದ್ ಗ್ರಾಮಾಂತರ ಪೊಲೀಸ್ ಠಾಣೆಯಲ್ಲಿ ಉದಯ್ ಸಿಂಗ್ ದೂರು ಸಲ್ಲಿಸಿದ್ದರು. ತಕ್ಷಣವೇ ಕಾರ್ಯಪ್ರವೃತರಾದ ಪೊಲೀಸರು 2 ಟೀಮ್ ಮಾಡಿ ಶೋಧ ಕಾರ್ಯ ನಡೆದಿದ್ದರು.
30 ಶಂಕಿತರನ್ನು ತೀವ್ರವಾಗಿ ವಿಚಾರಣೆ ಮಾಡಲಾಗಿತ್ತು.

ಇದನ್ನೂ ಓದಿ: BBK11: ‘ಒಬ್ಬ ಅಪ್ಪನಿಗೆ ಹುಟ್ಟಿದ್ರೆ’ ಎಂಬ ಬೆಂಕಿ; ಹೆತ್ತ ತಾಯಿಗೆ ಮಾಡಿದ ಅವಮಾನ ಎಂದು ಚೈತ್ರಾಗೆ ಕಿಚ್ಚ ಕ್ಲಾಸ್​​! 

ಮೊದಲಿಗೆ ಪೊಲೀಸರು ವೃತ್ತಿಪರ ದರೋಡೆಕೋರರ ಮೇಲೆ ಕಣ್ಣಿಟ್ಟಿದ್ದರು. ಇಂಥಾ ಕೃತ್ಯಗಳಲ್ಲಿ ಭಾಗಿಯಾಗಿ ಕನಿಷ್ಠ 3ಕ್ಕಿಂತ ಹೆಚ್ಚು ಚಾರ್ಜ್​​ಶೀಟ್​ ಹೊಂದಿರೋ ಸುಮಾರು 30 ಜನರನ್ನು ಪೊಲೀಸರು ತೀವ್ರವಾಗಿ ವಿಚಾರಣೆಗೆ ಒಳಪಡಿಸಿದ್ದರು. ಆದರೆ, ಇವರ್ಯಾರೂ ಸಹ ಈ ಕೃತ್ಯವನ್ನ ಮಾಡಿಲ್ಲ ಅನ್ನೋದು ಒಂದೆರಡು ದಿನಗಳಲ್ಲೇ ಪೊಲೀಸರಿಗೆ ಗೊತ್ತಾಯ್ತು. ಕೂಡಲೇ ಅಖಾಡಕ್ಕೆ 4 ವರ್ಷದ ಪೆನ್ನಿಯನ್ನು ಇಳಿಸಿದ್ದಾರೆ.

4 ವರ್ಷದ ಡಾಬರ್​ಮ್ಯಾನ್ ತಳಿಯ ಜಾಣ ಪೆನ್ನಿ ಗೇಮ್!
ಒಂಬತ್ತು ಮಂದಿ ಪೊಲೀಸರೊಂದಿಗೆ ದರೋಡೆ ಆದ ಜಾಗಕ್ಕೆ ಬಂದ ಪೆನ್ನಿ ಕೆಲವೇ ನಿಮಿಷಗಳಲ್ಲೇ ದರೋಡೆ ಕೇಸ್​​ ಭೇದಿಸಿತ್ತು. ಉದಯ್​ ಸಿಂಗ್ ಮನೆಯಿಂದ 50 ಮೀಟರ್​ ದೂರದಲ್ಲೇ ಬಂದು ನಿಂತ ಪೆನ್ನಿ ಅಚ್ಚರಿ ಮೂಡಿಸಿತ್ತು. ಉದಯ್ ಸಿಂಗ್ ಸೋಲಂಕಿಯ ಸ್ನೇಹಿತನೇ ಆಗಿದ್ದ ಬುದ್ಧ ಸೋಲಂಕಿ ಹಾಗೂ ವಿಕ್ರಮ್ ಸಿಂಗ್ ₹1.07 ಕೋಟಿ ಹಣವನ್ನು ದೋಚಿದ್ದರು.

ಇದನ್ನೂ ಓದಿ: 7 ದಿನ ಜಪ ಮಾಡಿದ ಮನೆಯಲ್ಲಿ ಘೋರ ದುರಂತ.. 2 ಬಲಿ, ಇಬ್ಬರ ಸ್ಥಿತಿ ಗಂಭೀರ, ಇನ್ನಿಬ್ಬರಿಗೆ ಹುಚ್ಚು! 

ಪೊಲೀಸರು ತೀವ್ರವಾಗಿ ತಮ್ಮ ಭಾಷೆಯಲ್ಲಿ ವಿಚಾರಣೆ ನಡೆಸಿದಾಗ ಬ್ಯಾಗ್ ತಂದು ಕೊಟ್ಟಿದ್ದಾರೆ. ಸದ್ಯ, ರೈತ ಉದಯ್ ಸಿಂಗ್​​ ಮನೆಯಿಂದ ಕದ್ದಿದ್ದ ಹಣದಲ್ಲಿ 53 ಲಕ್ಷವನ್ನು ಬುದ್ಧ ಸೋಲಂಕಿ ವಾಪಸ್ ನೀಡಿದ್ದಾರೆ. ಇನ್ನುಳಿದ ಹಣದ ಬಗ್ಗೆ ಪೊಲೀಸರು ಬಾಯಿ ಬಿಡಿಸುತ್ತಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ