ಬೆಂಗಳೂರಿನ ಪಾರ್ಕ್‌ನಲ್ಲಿ ಇನ್ಮುಂದೆ Clock Wise Direction ಕಡ್ಡಾಯ.. ಏನಿದು ಹೊಸ ರೂಲ್ಸ್‌?

ಬೆಂಗಳೂರು: ಜಾಗಿಂಗ್​​ ಮಾಡೋಕೆ ಪಾರ್ಕ್​ ಹೋಗೋರು ಈ ಸುದ್ದಿ ಓದಲೇಬೇಕು. ಯಾಕಂದ್ರೆ ಈ ಪಾರ್ಕ್​ನಲ್ಲಿ ಜಾಗಿಂಗ್​ಗೆ ನಿಷೇಧ ಹೇರಲಾಗಿದೆ. ವಾಕ್​ ಮಾಡೋಕೂ ತನ್ನದೇ ಆದ ರೂಲ್ಸ್​ ಮಾಡಿದೆ. ಬಿಬಿಎಂಪಿ ಪಾರ್ಕ್​ನಲ್ಲಿ ಈ ರೀತಿಯ ರೂಲ್ಸ್​ ಮಾಡಿದ್ದರ ಹಿಂದೆ ಅದೊಂದು ಕಹಾನಿ ಕೂಡ ಇದೆ. ಟ್ರಾಫಿಕ್ ಜಂಜಾಟ, ರಣ ಬಿಸಿಲಿಗೆ ಬೆಂಗಳೂರಿಗರು ರೋಸಿ ಹೋಗಿದ್ದಾರೆ. ಜನರಿಗೆ ಆರೋಗ್ಯ ಸಮಸ್ಯೆ ಕಾಡ್ತಿದೆ. ಹೊಟ್ಟೆ ಬೊಜ್ಜು ಕರಗಿಸೋಕೆ ಜನರು ಬೆಳಗ್ಗೆ ಮತ್ತು ಸಂಜೆ ಪಾರ್ಕ್​ನಲ್ಲಿ ಜಾಗಿಂಗ್ ಮಾಡೋದು ಸಾಮಾನ್ಯ. ಆದ್ರೆ ಈ ಪಾರ್ಕ್​ನಲ್ಲಿ ಜಾಗಿಂಗ್​ ನಿಷೇಧ ಹೇರಲಾಗಿದ್ದು, ವಾಕಿಂಗ್​ಗೂ ರೂಲ್ಸ್​ ಮಾಡಲಾಗಿದೆ.

ಇದನ್ನೂ ಓದಿ:ಬೇವಿನ ಮರಕ್ಕೆ ಕಾರು ಭೀಕರ ಡಿಕ್ಕಿ; ವಿಜಯಪುರದಲ್ಲಿ ಮೂವರು ಸಾವು, ಓರ್ವ ಗಂಭೀರ

Clock Wise Directionನಲ್ಲಿ ವಾಕ್ ಮಾಡುವಂತೆ ನಿಯಮ!

ಇಂದಿರಾನಗರದಲ್ಲಿರುವ ಬಿಬಿಎಂಪಿ ಪಾರ್ಕ್​ನಲ್ಲಿ ಇದೀಗ ಪ್ರತ್ಯೇಕ ರೂಲ್ಸ್ ಮಾಡಲಾಗಿದೆ. ಪಾರ್ಕ್​​ ನಲ್ಲಿ "No Jogging,Walk Clock Wise Direction,No Gamming Activities"ಎಂದು ಬೋರ್ಡ್ ಹಾಕಲಾಗಿದೆ. ವಿಚಾರ ಏನಂದ್ರೆ ಈ ಪಾರ್ಕ್​​ನಲ್ಲಿ ಹೆಣ್ಣುಮಕ್ಕಳು ವಾಕ್ ಮಾಡುವಾಗ ಕೆಲ ಪುರುಷರು ಕೆಟ್ಟ ಉದ್ದೇಶದಿಂದಲೇ ವಿರುದ್ಧ ದಿಕ್ಕಿನಲ್ಲಿ ವಾಕ್ ಮಾಡ್ತಿದ್ರಂತೆ. ಹೆಣ್ಣು ಮಕ್ಕಳು ಮುಖಕ್ಕೆ ನೇರವಾಗಿ ವಾಕಿಂಗ್ ಮಾಡುವುದರಿಂದ, ವಾಕಿಂಗ್ ಮಾಡ್ತಿದ್ದ ಹೆಣ್ಣಮಕ್ಕಳಿಗೆ ಇರುಸು ಮುರುಸು ಆಗ್ತಿತ್ತು. ಈ ಬಗ್ಗೆ ಸೋಶೀಯಲ್ ಮೀಡಿಯಾದಲ್ಲೂ ಕೂಡ ಕೆಲವರು ಅಳಲು ತೋಡ್ಕೊಂಡಿದ್ರು. ಎದುರು ಬದುರಾಗಿ ವಾಕ್​ ಮಾಡೋದಕ್ಕೆ ನಿಷೇಧ ಹೇರಿದ್ದು, ಇದೀಗ ಪಾರ್ಕ್​ನಲ್ಲಿ Clock Wise Directionನಲ್ಲಿ ಮಾತ್ರ ವಾಕ್ ಮಾಡುವಂತೆ ನಿಯಮ ಮಾಡಲಾಗಿದೆ. ಹೊಸ ನಿಯಮದಿಂದ ಹೆಣ್ಣುಮಕ್ಕಳು ಫುಲ್ ಖುಷ್ ಆಗಿದ್ದಾರೆ.

ಈ ಪಾರ್ಕ್​ಗೆ ಹಿರಿಯರು ಹೆಚ್ಚಿನ ಸಂಖ್ಯೆಯಲ್ಲಿ ಬರ್ತಿದ್ದು, ಹಿರಿಯರು ವಾಕ್ ಮಾಡುವಾಗ, ಬೇರೆಯವರು ಜಾಗಿಂಗ್ ಮಾಡಿದ್ರೆ ಸಮಸ್ಯೆಯಾಗುತ್ತೆ ಅನ್ನೋ ಕಾರಣಕ್ಕೆ ಜಾಗಿಂಗ್​ ಮಾಡೋದಕ್ಕೂ ನಿಷೇಧ ಹೇರಲಾಗಿದೆ. ಪಾರ್ಕ್​ನಲ್ಲಿ ಬಂದು ಕಾರ್ಡ್​ ಆಡ್ತಾರೆ ಅನ್ನೋ ಕಾರಣಕ್ಕೆ ಪಾರ್ಕಿಂಗ್​ನಲ್ಲಿ ಗೇಮಿಂಗ್ ಆ್ಯಕ್ಟಿವಿಟೀಸ್ ನಿಷೇಧ ಹೇರಲಾಗಿದೆ. ಸದ್ಯ ಬಿಬಿಎಂಪಿ ಹಾಗೂ ಇಂದಿರಾನಗರದ Social Amenities Association (ಸಾಮಾಜಿಕ ಸೌಕರ್ಯಗಳ ಸಂಘ) ಮಾತುಕತೆ ಮಾಡಿ ಈ ರೀತಿಯ ನಿಯಮ ಮಾಡಿದ್ದು, ಹೊಸ ರೂಲ್ಸ್​ನಿಂದ ಪಾರ್ಕ್​ನಲ್ಲಿ ನೆಮ್ಮದಿಯಾಗಿ ವಾಕ್​ ಮಾಡ್ಬೋದು ಅನ್ನೋದು ಸ್ಥಳೀಯರ ಅಭಿಪ್ರಾಯ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ