ಆರ್​ಸಿಬಿಗೆ ಭರ್ಜರಿ ಗುಡ್​​ನ್ಯೂಸ್​.. ಮುಂದಿನ ಎಲ್ಲಾ ಪಂದ್ಯ ಆಡ್ತಾರೆ ಇಂಗ್ಲೆಂಡ್​ನ ಸ್ಟಾರ್​ ಪ್ಲೇಯರ್​..!

ಐಪಿಎಲ್​​ ಎರಡನೇ ಇನ್ನಿಂಗ್ಸ್​ಗೆ ಕೌಂಟ್​ಡೌನ್ ಶುರುವಾಗಿದೆ. ಪಾಯಿಂಟ್ಸ್​ ಪಟ್ಟಿಯಲ್ಲಿ ಎರಡನೇ ಸ್ಥಾನದಲ್ಲಿ ಕೂತಿದ್ದ ಆರ್​ಸಿಬಿಗೆ, ಉಳಿದಿರುವ ಲೀಗ್ ಮತ್ತು ಪ್ಲೇ-ಆಫ್​​ ಪಂದ್ಯಗಳಿಗೆ ದೊಡ್ಡ ಸಂಕಷ್ಟ ಎದುರಾಗಿದೆ. ಈ ಮಧ್ಯೆ ಆರ್​ಸಿಬಿಗೆ ಸಿಹಿ ಸುದ್ದಿ ಸಿಕ್ಕಿದೆ.

ಇಂಗ್ಲೆಂಡ್ ಕ್ರಿಕೆಟ್ ತಂಡವು ಮೇ 29 ರಿಂದ ವೆಸ್ಟ್​ ವಿಂಡೀಸ್ ವಿರುದ್ಧ ಮೂರು ಏಕದಿನ ಹಾಗೂ ಟಿ-20 ಪಂದ್ಯಗಳನ್ನು ಆಡ್ತಿದೆ. ವೆಸ್ಟ್​ ವಿಂಡೀಸ್ ಸರಣಿ ಹಿನ್ನೆಲೆಯಲ್ಲಿ ಆರ್​ಸಿಬಿಯಲ್ಲಿರುವ ಸ್ಟಾರ್ ಪ್ಲೇಯರ್​ಗಳಾದ ಜೊಕೊಬ್ ಬೆಥೆಲ್, ಲಿಯಾಮ್ ಲಿವಿಂಗ್​ಸ್ಟೋನ್, ಫಿಲ್ ಸಾಲ್ಟ್ ಆರ್​ಸಿಬಿಗೆ ಕೈಕೊಡ್ತಾರೆ ಎಂದು ವರದಿ ಆಗಿತ್ತು.

ಇದೀಗ ಇಂಗ್ಲೆಂಡ್ ವೆಸ್ಟ್ ವಿಂಡೀಸ್ ಪ್ರವಾಸಕ್ಕೆ ತಂಡವನ್ನು ಪ್ರಕಟಿಸಿದೆ. ಅದರಲ್ಲಿ ಏಕದಿನ ಸರಣಿಗೆ ಫಿಲ್​​ ಸಾಲ್ಟ್​ ಆಯ್ಕೆ ಆಗಿಲ್ಲ. ಹೀಗಾಗಿ ಅವರು ಆರ್​ಸಿಬಿಯ ಪಂದ್ಯಗಳಿಗೆ ಲಭ್ಯ ಇರಲಿದ್ದಾರೆ. ಜೊಕೊಬ್ ಬೆಥೆಲ್, ಲಿಯಾಮ್ ಲಿವಿಂಗ್​ಸ್ಟೋನ್ ಹಾಗೂ ಫಿಲ್ ಸಾಲ್ಟ್ ಆರ್​ಸಿಬಿ ಗೆಲುವಿನ ಹಿಂದಿನ ರೂವಾರಿಗಳು. ಇದೀಗ ಫಿಲ್ ಸಾಲ್ಟ್ ಆರ್​ಸಿಬಿ ಪಂದ್ಯಗಳಿಗೆ ಲಭ್ಯ ಇರಲಿದ್ದಾರೆ ಎಂಬ ಸುದ್ದಿ ತಂಡದ ಮ್ಯಾನೇಜ್ಮೆಂಟ್​ಗೆ ಖುಷಿ ತಂದಿದೆ. ಅಭಿಮಾನಿಗಳು ಕೂಡ ಫುಲ್ ಖುಷ್ ಆಗಿದ್ದಾರೆ.

Phil Salt is not selected for the ODI series Vs West Indies.

- He's set to be available for RCB in Playoffs. pic.twitter.com/5dkFdduFvf

— Mufaddal Vohra (@mufaddal_vohra) May 13, 2025

ಆರ್​ಸಿಬಿ ಮುಂದಿನ ಪಂದ್ಯಗಳು

• ಮೇ 17 ರಂದು ಕೆಕೆಆರ್​ ವಿರುದ್ಧ ಪಂದ್ಯ
•  ಮೇ 23 ರಂದು ಹೈದರಾಬಾದ್ ವಿರುದ್ಧ ಪಂದ್ಯ
•  ಮೇ 27 ರಂದು ಎಲ್​ಎಸ್​ಜಿ ವಿರುದ್ಧ ಸೆಣಸಾಟ
• ಈ ಮೂರು ಪಂದ್ಯಗಳಲ್ಲಿ ಒಂದು ಗೆದ್ದರೆ, ಪ್ಲೇ-ಆಫ್ ಪ್ರವೇಶ ಅಧಿಕೃತವಾಗಿ ಖಚಿತವಾಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್