ವಿಸ್ಫೋಟಕ ಬ್ಯಾಟರ್​​ನಿಂದ ಆರ್​ಸಿಬಿಗೆ ಬಿಗ್ ಶಾಕ್​​.. ಚಿನ್ನಸ್ವಾಮಿಯಲ್ಲಿ ಮತ್ತೆ ಕೈಕೊಟ್ಟ ಫಿಲ್ ಸಾಲ್ಟ್

ಬೆಂಗಳೂರಿನ ಎಂ. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್​ನ 42ನೇ ಪಂದ್ಯದಲ್ಲಿ ಆರ್​ಸಿಬಿ ವಿಸ್ಫೋಟ ಬ್ಯಾಟರ್​ ಫಿಲಿಪ್ ಸಾಲ್ಟ್​ ಬ್ಯಾಟಿಂಗ್​ನಲ್ಲಿ ಮತ್ತೊಮ್ಮೆ ಮುಗ್ಗರಿಸಿದ್ದಾರೆ.

ರಾಜಸ್ಥಾನ್​ ರಾಯಲ್ಸ್ ತಂಡದ ನಾಯಕ ರಿಯಾನ್ ಪರಾಗ್ ಅವರು ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡು, ಆರ್​ಸಿಬಿಯನ್ನು ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ಎಂದಿನಂತೆ ಬೆಂಗಳೂರು ತಂಡದಿಂದ ಓಪನರ್​ ಬ್ಯಾಟರ್​​ಗಳಾಗಿ ವಿರಾಟ್ ಕೊಹ್ಲಿ ಹಾಗೂ ಫಿಲಿಪ್ ಸಾಲ್ಟ್​ ಮೈದಾನಕ್ಕೆ ಆಗಮಿಸಿದ್ದರು. ಆರ್​​ಸಿಬಿ ಕ್ಯಾಪ್ಟನ್​ ರಜತ್​ ಟಾಸ್ ಸೋತರೂ ಓಪನರ್ಸ್​ ಉತ್ತಮವಾದ ಬ್ಯಾಟಿಂಗ್​ ಮಾಡುವ ನಿರೀಕ್ಷೆಯಲ್ಲಿದ್ದರು.

ಇದನ್ನೂ ಓದಿ:ಪ್ಲೇ ಆಫ್​ಗಾಗಿ 6 ಟೀಮ್​ಗಳ ನಡುವೆ ಬಿಗ್ ಫೈಟ್​.. RCBಯ ಮುಂದಿನ ದಾರಿ ಕಷ್ಟ.. ಕಷ್ಟ!

ಆದ್ರೆ ಫಿಲಿಪ್ ಸಾಲ್ಟ್​ ಆರ್​ಸಿಬಿ ತಂಡಕ್ಕೆ ಬಿಗ್ ಶಾಕ್ ಕೊಟ್ಟಿದ್ದಾರೆ. ತವರಿನ ಪಿಚ್​ನಲ್ಲೇ ಗೆಲ್ಲಲೇಬೇಕಾದ ಅನಿವಾರ್ಯದ ಪಂದ್ಯದಲ್ಲೇ ಔಟ್​ ಆಗಿದ್ದಾರೆ. ಪಂದ್ಯದ ಆರಂಭದಲ್ಲೇ ಆರ್​ಆರ್​ ಕ್ಯಾಪ್ಟನ್​ ರಿಯಾನ್ ಪರಾಗ್ ಕ್ಯಾಚ್ ಮಿಸ್ ಮಾಡಿ ಜೀವದಾನ ನೀಡಿದ್ದರು. ಆದರೆ ಇದನ್ನು ಸದುಪಯೋಗ ಮಾಡಿಕೊಳ್ಳದೇ ಕೇವಲ 26 ರನ್​ಗೆ ಔಟ್ ಆಗಿದ್ದಾರೆ.

ಫಿಲಿಪ್ ಸಾಲ್ಟ್​ ಪಂದ್ಯದ ಆರಂಭದಲ್ಲೇ ಒಂದು ಜೀವದಾನ ಪಡೆದು ಬ್ಯಾಟಿಂಗ್ ಮುಂದುವರೆಸಿದ್ದರು. 26 ರನ್​ ಗಳಿಸಿ ಬ್ಯಾಟಿಂಗ್ ಮಾಡುವಾಗ ವನಿಂದು ಹಸರಂಗ್ ಅವರ ಸ್ಪಿನ್​ ಬೌಲಿಂಗ್​​ನಲ್ಲಿ ಹೆಟ್ಮರ್​ಗೆ ಕ್ಯಾಚ್​ ಕೊಟ್ಟು ಸಾಲ್ಟ್​ ಪೆವಿಲಿಯನ್​ ಕಡೆಗೆ ಹೆಜ್ಜೆ ಹಾಕಿದರು. ಇದರಿಂದ ಅಭಿಮಾನಿಗಳು ಕೂಡ ನಿರಾಶೆಗೆ ಒಳಗಾದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ