ವಿಮಾನ ಹಾರಾಟದ ವೇಳೆ ಪೈಲಟ್​ಗೆ ಹೃದಯಾಘಾತ.. ನಿಯಂತ್ರಣಕ್ಕೆ ತೆಗೆದುಕೊಂಡು ಸುರಕ್ಷಿತವಾಗಿ ಭೂಸ್ಪರ್ಶ​ ಮಾಡಿದ ಪತ್ನಿ

ಪತ್ನಿಯನ್ನ ಅರ್ಧಾಂಗಿ ಅನ್ನೋದು ಸುಮ್ಮನೆ ಅಲ್ವೇ ಅಲ್ಲ. ಗಂಡನ ಕಷ್ಟದ ಕಾಲದಲ್ಲಿ ಜೊತೆಗಿರುವವಳೇ ಪತ್ನಿ. ಅದೆಷ್ಟೇ ಕಷ್ಟ ಬಂದರೂ ಸರಿ ಕಾಪಾಡುವವಳೇ ಪತ್ನಿ. ಅಂದಹಾಗೆಯೇ ಇಲ್ಲೊಂದು ಘಟನೆ ಅದಕ್ಕೆ ಸಾಕ್ಷಿಯಾಗಿದೆ. ಆಕಾಶದಲ್ಲಿ ಹಾರಾಟದ ವೇಳೆ ಪೈಲಟ್​ಗೆ ಹೃದಯಾಘಾತವಾಗಿದ್ದು, ಕೊನೆಗೆ ಪತ್ನಿ ವಿಮಾನನವನ್ನು ಸುರಕ್ಷಿತವಾಗಿ ಲ್ಯಾಂಡ್​​ ಮಾಡಿದ ಅಚ್ಚರಿಯ ಘಟನೆಯೊಂದು ನಡೆದಿದೆ.

ಕ್ಯಾಲಿಫೋರ್ನಿಯಾದಲ್ಲಿ ಅಕ್ಟೋಬರ್​ 4ರಂದು ಈ ಘಟನೆ ನಡೆದಿದ್ದು, ಪೈಲಟ್​ ಪತ್ನಿಯ ಮಹಾತ್ಕಾರ್ಯಕ್ಕೆ ಎಲ್ಲರೂ ಭೇಷ್​ ಎನ್ನುತ್ತಿದ್ದಾರೆ. ಟ್ವಿನ್​ ಎಂಜಿನ್​ ಹೊಂದಿರುವ ಬೀಚ್​​ಕ್ರಾಫ್ಟ್​​ ಕಿಂಗ್​ ಏರ್​​ 90 ಕ್ಯಾಲಿಫೋರ್ನಿಯಾದಿಂದ ಮಾಂಟೆರೆ ಕಡೆಗೆ ಸಾಗುವಾಗ ಈ ಘಟನೆ ಸಂಭವಿಸಿದೆ.

ಇದನ್ನೂ ಓದಿ: SSLC ವಿದ್ಯಾರ್ಥಿಗಳೇ.. ಇಲ್ಲಿ ಕೇಳಿ.. ಇನ್ಮುಂದೆ 20% ಗ್ರೇಸ್​ ಮಾರ್ಕ್​ ಇರಲ್ಲ!

ಆಲ್ಪರ್​ ಎಂಬ ಪೈಲಟ್​ ವಿಮಾನವನ್ನು ಮುನ್ನಡೆಸುತ್ತಿದ್ದು, ಆದರೆ ಈ ವೇಳೆ ಏಕಾಏಕಿ ಹೃದಯಾಘಾತವಾಗಿದೆ. ತಕ್ಷಣ ಎಚ್ಚೆತ್ತುಕೊಂಡ ಆತನ ಪತ್ನಿ ಯವೊನ್ನೆ ಕಿನಾನೆ-ವೆಲ್ಸ್​ ವಿಮಾನವನ್ನು ನಿಯಂತ್ರಣಕ್ಕೆ ತೆಗೆದುಕೊಂಡು ತುರ್ತು ಭೂಸ್ಪರ್ಶ ಮಾಡುತ್ತಾಳೆ. ಸುರಕ್ಷಿತವಾಗಿ ಲ್ಯಾಂಡ್​​ ಮಾಡುತ್ತಾಳೆ.

ಇದನ್ನೂ ಓದಿ: Traffic: ವಿಶ್ವದ ಅತ್ಯಂತ ಟ್ರಾಫಿಕ್ ಸಿಟಿ ಪಟ್ಟಿಯಲ್ಲಿ ಸಿಲಿಕಾನ್​ ಸಿಟಿ.. ಬೆಂಗಳೂರಿಗೆ ಎಷ್ಟನೇ ಸ್ಥಾನ?

ಕಿನಾನೆ ವೇಲ್ಸ್​ ಕ್ಯಾಲಿಫೋರ್ನಿಯಾದ ಬೃಏಕರ್ಸ್​ಫೀಲ್ಡ್​ನಲ್ಲಿರುವ ಮೆಡೋಸ್​ ಫೀಲ್ಡ್​ ಏರ್​ಪೋರ್ಟ್​​ನಲ್ಲಿ ಏರ್​ಟ್ರಾಫಿಕ್​ ಕಂಟ್ರೋಲ್​ ಸಹಾಯದಿಂದ ವಿಮಾನವನ್ನು ನಿಯಂತ್ರಣಕ್ಕೆ ತೆಗೆದುಕೊಳ್ಳುತ್ತಾಳೆ. ಕೊನೆಗೆ ಭೂಸ್ಪರ್ಶ ಮಾಡಿದ್ದಾಳೆ. ಆದರೆ ದುರಾದೃಷ್ಟ ಸಂಗತಿ ಎಂದರೆ ಆಕೆಯ ಪತಿ ಅಷ್ಟರಲ್ಲಿ ನಿಧನರಾಗಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ