ಪಿಚ್ ಕ್ಯೂರೇಟರ್‌ ಕೆ. ಶ್ರೀರಾಮ್​ KSCA ನೂತನ ಉಪಾಧ್ಯಕ್ಷ

ಇಂದು ನಡೆದ ಕರ್ನಾಟಕ ರಾಜ್ಯ ಕ್ರಿಕೆಟ್​ ಸಂಸ್ಥೆಯ ಉಪಾಧ್ಯಕ್ಷ ಚುನಾವಣೆಯಲ್ಲಿ ಕೆಎಸ್​ಸಿಎ ಪಿಚ್​ ಕ್ಯೂರೇಟರ್​​​ ಕೆ.ಶ್ರೀರಾಮ್​ ಗೆಲುವು ಸಾಧಿಸಿದ್ದಾರೆ. ಉಮಾ ಮಹೇಶ್ವರ್​​ ವಿರುದ್ಧ 327 ಮತಗಳ ಅಂತರದಲ್ಲಿ ಶ್ರೀರಾಮ್​ ಜಯಗಳಿಸಿದ್ದಾರೆ. ಮುಂದಿನ 5ರಿಂದ 6 ತಿಂಗಳ ಅವಧಿಗೆ ಶ್ರೀರಾಮ್​ ಉಪಾಧ್ಯಕ್ಷ ಸ್ಥಾನದಲ್ಲಿರಲಿದ್ದಾರೆ. ಬಿ.ಕೆ ಸಂಪತ್​ ಕುಮಾರ್​​ ಅವರಿಂದ ತೆರವಾದ ಸ್ಥಾನಕ್ಕೆ ಚುನಾವಣೆ ನಡೆದಿತ್ತು.

ಚುನಾವಣೆಯಲ್ಲಿ ಒಟ್ಟು 705 ಮತಗಳು ಚಲಾವಣೆಯಾಗಿತ್ತು. ಈ ಪೈಕಿ ಕೆ. ಶ್ರೀರಾಮ್​​ 516 ಮತ ಪಡೆದುಕೊಂಡ್ರೆ, ಉಮಾ ಮಹೇಶ್ವರ್​​ 189 ಮತ ಪಡೆದುಕೊಂಡರು. ಉಮಾ ಮಹೇಶ್ವರ್​​ ಏಕಾಂಗಿಯಾಗಿ 189 ಮತಗಳನ್ನ ಪಡೆದುಕೊಂಡ ಬೆನ್ನಲ್ಲೇ, ಇದು ನವೆಂಬರ್​ನಲ್ಲಿ ನಡೆಯೋ ಮುಖ್ಯ ಚುನಾವಣೆಯ ಟ್ರೆಂಡ್​ ಸೆಟ್​ ಮಾಡಿದೆ ಎಂದು ಕೆಎಸ್​​​ಸಿಎ ವಲಯದಲ್ಲಿ ಚರ್ಚೆ ನಡೀತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ ಫಸ್ಟ್‌ ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ