ಹೊಸಕೋಟೆ ಬಿರಿಯಾನಿ ಪ್ರಿಯರಿಗೆ ಶಾಕ್.. ಹೋಟೆಲ್​ ಮಾಲೀಕರಿಗೆ ಪೊಲೀಸರು ಖಡಕ್ ಸೂಚನೆ

ಈ ಮೊದಲು ಪಲಾವ್‌ ಸಖತ್ ಟ್ರೆಂಡ್ ಸೃಷ್ಟಿಸಿತ್ತು. ಈಗ ಬಿರಿಯಾನಿ ಟ್ರೆಂಡ್. ಹೀಗಾಗಿಯೇ ಬಿರಿಯಾನಿ ಹೋಟೆಲ್‌ಗಳು ಲೆಕ್ಕಕ್ಕೆ ಸಿಗದಷ್ಟಿವೆ. ಪ್ರತಿ ಏರಿಯಾದಲ್ಲೂ ಸಿಕ್ಕಾಪಟ್ಟೆ ಇವೆ. ಎಷ್ಟೇ ಅಂಗಡಿಯಿದ್ದರೂ ಹೊಸಕೋಟೆ ಬಿರಿಯಾನಿಗೆ ಸಪರೇಟ್ ಫ್ಯಾನ್ಸ್ ಇದ್ದಾರೆ ಅಂದ್ರೆ ತಪ್ಪಾಗೋಲ್ಲ.

ಇಷ್ಟು ದಿನ ಹೊಸಕೋಟೆ ಬಿರಿಯಾನಿ ಟೆಸ್ಟ್, ಜನ ಸಾಗರದ ಬಗ್ಗೆ ಸಾಕಷ್ಟು ವಿಡಿಯೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿತ್ತು. ಈ ಬಿರಿಯಾನಿಯನ್ನು ತಿನ್ನಬೇಕು ಅಂತ ದೂರ ದೂರದಿಂದ ಜನರು ಬರುತ್ತಾ ಇದ್ದರು. ಆದರೆ ಇದೀಗ ಹೊಸಕೋಟೆ ಬಿರಿಯಾನಿ ಮಾಲೀಕರಿಗೆ ಪೊಲೀಸರು ಖಡಕ್ ಸೂಚನೆ ಕೊಟ್ಟಿದ್ದಾರೆ.

ಇದನ್ನೂ ಓದಿ:ಈ 5 ಒಳ್ಳೆಯ ಅಭ್ಯಾಸ ನಿಮ್ಮ ಇಡೀ ಲೈಫ್​ ಸ್ಟೈಲ್​ ಬದಲಾಯಿಸುತ್ತೆ.. ಓದಲೇಬೇಕಾದ ಸ್ಟೋರಿ!

ಇಷ್ಟು ದಿನ ಬೆಳಗಿನ ಜಾವ 4 ಗಂಟೆಗೆ ಓಪನ್​ ಆಗುತ್ತಿದ್ದ ಹೊಸಕೋಟೆ ಬಿರಿಯಾನಿ ಪ್ರಿಯರಿಗೆ ಶಾಕ್ ಎದುರಾಗಿದೆ. ಇನ್ಮುಂದೆ ಬೆಳ್ಳಂ ಬೆಳಗ್ಗೆ ಹೊಸಕೋಟೆ ಬಿರಿಯಾನಿ ಸಿಗೋದಿಲ್ಲ. ಏಕೆಂದರೆ ಬಿರಿಯಾನಿ ತಿನ್ನಲು ಜನರು ಮಧ್ಯರಾತ್ರಿ ಅತಿವೇಗವಾಗಿ ಚಾಲನೆ ಮಾಡಿಕೊಂಡು ಬರುತ್ತಿದ್ದಾರೆ. ಇದರಿಂದ ಅಪಘಾತಗಳ ಕೇಸ್ ಹೆಚ್ಚಾಗುತ್ತಿವೆ. ಹೀಗಾಗಿ 4 ಗಂಟೆಗೆ ಓಪನ್​ ಆಗುವ ಬಿರಿಯಾನಿಗೆ ಕಡಿವಾಣ ಹಾಕೋದಕ್ಕೆ ಪೊಲೀಸರ ಮುಂದಾಗಿದ್ದಾರೆ. 4 ಗಂಟೆಯ ಬದಲಾಗಿ 6ರ ನಂತರ ಹೋಟೆಲ್ ಓಪನ್​ ಮಾಡಲು ಹೊಸಕೋಟೆ ಭಾಗದ ಹೋಟೆಲ್ ಮಾಲೀಕರಿಗೆ ಪೊಲೀಸರು ಸೂಚನೆ ಕೊಟ್ಟಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ