ಬಾದಾಮಿಯಲ್ಲಿ 3 ಸಾವಿರ ಅಲ್ಲ, 30 ಸಾವಿರ ಮತ ಕಳ್ಳತನ; ವಿರೋಧ ಪಕ್ಷದ ನಾಯಕ ಗಂಭೀರ ಆರೋಪ

ಕಾಂಗ್ರೆಸ್​ನಲ್ಲಿ ಪ್ರಜಾಪ್ರಭುತ್ವ ಇಲ್ಲ. ರಾಹುಲ್ ಗಾಂಧಿ ಮಾತು ಎತ್ತಿದರೇ ಸಂವಿಧಾನದ ಪುಸ್ತಕ ಹಿಡಿದುಕೊಂಡಿರುತ್ತಾರೆ. ಇದೇನಾ ನಿಮ್ಮ ಸಂವಿಧಾನ. ರಾಜಣ್ಣ ಏನು ಹೇಳಿದರು?. ಅವರು ಸತ್ಯ ಹೇಳಿದರು. ಮತಗಳ್ಳತನ ಹೆಂಗಾಗುತ್ತಿತ್ತು, ಹಿಂದೆ ಹೆಂಗಾಗುತ್ತಿತ್ತು, ವೋಟರ್​ ಲಿಸ್ಟ್​ನಲ್ಲಿ ಸೇರಿಸೋದು ಯಾರು?. ನಮ್ಮ ಅಧಿಕಾರಿಗಳು ತಾನೇ ಅಂತ ರಾಜಣ್ಣ ಹೇಳಿದ್ದರು. ಇಲ್ಲಿ ತಪ್ಪು ಏನಿದೆ? ಎಂದು ವಿರೋಧ ಪಕ್ಷದ ನಾಯಕ ಆರ್ ಅಶೋಕ್ ಪ್ರಶ್ನೆ ಮಾಡಿದ್ದಾರೆ.

ಕಾಂಗ್ರೆಸ್​, ಬಿಜೆಪಿ, ಜೆಡಿಎಸ್ ಯಾವುದೇ ಪಕ್ಷ ಇರಲಿ ಅಧಿಕಾರಿಗಳು ತಾನೇ ವೋಟರ್ ಲಿಸ್ಟ್​ಗೆ ಜನರನ್ನು ಸೇರ್ಪಡೆ ಮಾಡುವುದು. ಪ್ರತಿ ಸಿಬ್ಬಂದಿಗೆ ಮೋದಿ ಬಂದು ಹೇಳಿಕೊಡಲು ಆಗುತ್ತದೆಯಾ?. ಸತ್ಯ ಹೇಳಿದ್ದಾರೆ, ಅದಕ್ಕೆ ರಾಜಣ್ಣ ತಲೆದಂಡ ಆಗಿದೆ ಅಷ್ಟೇ. ಕಾಂಗ್ರೆಸ್​ನಲ್ಲಿ ಪ್ರಜಾಪ್ರಭುತ್ವ ಇಲ್ಲ ಎನ್ನುವುದಕ್ಕೆ ಇದು ಸ್ಪಷ್ಟ. ಇನ್ಮುಂದೆ ಯಾವಾತ್ತಾದರೂ ರಾಹುಲ್ ಗಾಂಧಿ ಅವರು ಸಂವಿಧಾನ ಪುಸ್ತಕ ಇಟ್ಟುಕೊಂಡು ಹೋಗಬಾರದು ಎಂದು ಹೇಳಿದ್ದಾರೆ.

ಸಿಎಂ ಸಿದ್ದರಾಮಯ್ಯ ಬಾದಾಮಿಯಲ್ಲಿ 3 ಸಾವಿರ ಅಲ್ಲ, 30 ಸಾವಿರ ಮತಗಳನ್ನು ಕಳ್ಳತನ ಮಾಡಿರೋದು. ಇಲ್ಲಂದ್ರೆ ಗೆಲ್ಲುತ್ತನೆ ಇರಲಿಲ್ಲ. ವರುಣದಲ್ಲಿ 30 ಸಾವಿರ ಮೈನಸ್​​ನಿಂದಲೇ ಸೋತಿದ್ದಾರೆ. ಸಿಎಂ ಇಬ್ರಾಹಿಂ 1 ಸೊನ್ನೆ ತೆಗೆದಿದ್ದಾರೆ. ಅವರು 3 ಸಾವಿರ ಅಂದಿದ್ದಾರೆ. ಆದರೆ ಬಾದಾಮಿಯಲ್ಲಿ 30 ಸಾವಿರ ಮತಗಳನ್ನು ಹಣ ಕೊಟ್ಟು, ಬೋಗಸ್ ಮತ ಹಾಕಿಸಿ ಸಿಎಂ ಸಿದ್ದರಾಮಯ್ಯ ಗೆದ್ದಿರೋದು ಎಂದು ವಿಪಕ್ಷ ನಾಯಕ ಆರ್. ಅಶೋಕ್ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.        

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ