ಭಾರತವು ವಿಶ್ವದಲ್ಲಿ ಯಾವಾಗ 2ನೇ ಅತಿದೊಡ್ಡ ಆರ್ಥಿಕತೆಯ ರಾಷ್ಟ್ರವಾಗುತ್ತೆ ಗೊತ್ತಾ?

ಭಾರತವು 2030ರ ವೇಳೆಗೆ 20.7 ಟ್ರಿಲಿಯನ್ ಡಾಲರ್  ಆರ್ಥಿಕತೆಯ ರಾಷ್ಟ್ರವಾಗಲಿದ್ದು, 2038ರ ವೇಳೆಗೆ 34.2 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ರಾಷ್ಟ್ರವಾಗಲಿದೆ ಎಂದು ಆರ್ನೆಸ್ಟ್ ಯಂಗ್ ಎಕಾನಮಿ ವಾಚ್ ಆಗಸ್ಟ್ 2025ರ ಆವೃತ್ತಿಯ ವರದಿಯಲ್ಲಿ ಹೇಳಿದೆ. ಭಾರತದ ಆರ್ಥಿಕತೆಯ ಮೂಲಭೂತ ಅಂಶಗಳು ಬಲವಾಗಿವೆ.  ಜೊತೆಗೆ ದೇಶದ ಜನಸಂಖ್ಯೆಯೂ ಆರ್ಥಿಕ ಬೆಳವಣಿಗೆಗೆ ಅನುಕೂಲಕಾರಿಯಾಗಿದೆ. ಕೇಂದ್ರ ಸರ್ಕಾರ ಕೈಗೊಳ್ಳುತ್ತಿರುವ ಆರ್ಥಿಕ ಸ್ವರೂಪದ ಸುಧಾರಣೆಗಳು ದೀರ್ಘಕಾಲದ ಬೆಳವಣಿಗೆಗೆ ಪೂರಕವಾಗಿವೆ ಎಂಬುದನ್ನು ಈ ವರದಿಯೂ ಸೂಚಿಸುತ್ತದೆ. 
ಇನ್ನೂ ಜನರಲ್ಲಿ ಹಣದ ಉಳಿತಾಯ ಮಟ್ಟ ಹೆಚ್ಚಾಗುತ್ತಿದೆ, ಹೂಡಿಕೆಯ ರೇಟ್ ಹೆಚ್ಚಾಗುತ್ತಿದೆ. ಸರ್ಕಾರದ ಸಾಲ- ಜಿಡಿಪಿ ಅನುಪಾತದಲ್ಲಿ 2024ರಲ್ಲಿರುವ ಶೇ.81 ಕ್ಕಿಂತ 2030ರ ವೇಳೆಗೆ ಶೇ.75.8 ಕ್ಕೆ ಕುಸಿಯಲಿದೆ.  ಇನ್ನೂ ಮುಂದಿನ 13 ವರ್ಷದಲ್ಲಿ ಭಾರತವು ವಿಶ್ವದ ಎರಡನೇ ಅತಿ ದೊಡ್ಡ ಆರ್ಥಿಕತೆಯ ರಾಷ್ಟ್ರವಾಗಲಿದೆ ಎಂದು ಅರ್ನೆಸ್ಟ್ ಯಂಗ್ ಎಕಾನಮಿ ವಾಚ್ ಹೇಳಿದೆ. 2038ರ ವೇಳೆಗೆ ಭಾರತವು ವಿಶ್ವದ 2ನೇ ಅತಿ ದೊಡ್ಡ ಆರ್ಥಿಕತೆಯ ರಾಷ್ಟ್ರವಾಗಲಿದೆ ಎಂದು ಆರ್ನೆಸ್ಟ್ ಯಂಗ್ ಎಕಾನಮಿ ವಾಚ್ ಹೇಳಿದೆ. 
ಈಗ ಭಾರತವು ವಿಶ್ವದಲ್ಲಿ 4.19 ಟ್ರಿಲಿಯನ್ ಡಾಲರ್ ಆರ್ಥಿಕತೆಯ ರಾಷ್ಟ್ರವಾಗಿದ್ದು, ವಿಶ್ವದಲ್ಲಿ 4ನೇ ಅತಿ ದೊಡ್ಡ ಆರ್ಥಿಕತೆಯ ರಾಷ್ಟ್ರವಾಗಿದೆ.  
2030 ರ ನಂತರ, ಭಾರತ ಮತ್ತು ಅಮೆರಿಕಗಳು 2028 -2030 ರ ಅವಧಿಯಲ್ಲಿ ಕ್ರಮವಾಗಿ ಶೇ. 6.5 ಮತ್ತು ಶೇ. 2.1 ರ ಸರಾಸರಿ ಬೆಳವಣಿಗೆ ದರಗಳನ್ನು ಕಾಯ್ದುಕೊಂಡರೆ (IMF ಮುನ್ಸೂಚನೆಗಳ ಪ್ರಕಾರ), ಭಾರತವು 2038 ರ ವೇಳೆಗೆ PPP ಪರಿಭಾಷೆಯಲ್ಲಿ ಅಮೆರಿಕದ ಆರ್ಥಿಕತೆಯನ್ನು ಮೀರಿಸಬಹುದು ಎಂದು ವರದಿ ತಿಳಿಸಿದೆ.

"ಭಾರತದ ತುಲನಾತ್ಮಕ ಸಾಮರ್ಥ್ಯಗಳು, ಅದರ ಯುವ ಮತ್ತು ಕೌಶಲ್ಯಪೂರ್ಣ ಕಾರ್ಯಪಡೆ, ಬಲವಾದ ಉಳಿತಾಯ ಮತ್ತು ಹೂಡಿಕೆ ದರಗಳು ಮತ್ತು ತುಲನಾತ್ಮಕವಾಗಿ ಸುಸ್ಥಿರ ಸಾಲದ ಪ್ರೊಫೈಲ್ ಅಸ್ಥಿರ ಜಾಗತಿಕ ಪರಿಸರದಲ್ಲಿಯೂ ಸಹ ಹೆಚ್ಚಿನ ಬೆಳವಣಿಗೆಯನ್ನು ಉಳಿಸಿಕೊಳ್ಳಲು ಸಹಾಯ ಮಾಡುತ್ತದೆ" ಎಂದು EY ಇಂಡಿಯಾದ ಮುಖ್ಯ ನೀತಿ ಸಲಹೆಗಾರ ಡಿಕೆ ಶ್ರೀವಾಸ್ತವ ಹೇಳಿದರು. "ನಿರ್ಣಾಯಕ ತಂತ್ರಜ್ಞಾನಗಳಲ್ಲಿ ಸ್ಥಿತಿಸ್ಥಾಪಕತ್ವವನ್ನು ನಿರ್ಮಿಸುವ ಮತ್ತು ಸಾಮರ್ಥ್ಯಗಳನ್ನು ಮುಂದುವರಿಸುವ ಮೂಲಕ, ಭಾರತವು 2047 ರ ವೇಳೆಗೆ ತನ್ನ ವಿಕ್ಷಿತ್ ಭಾರತ್ ಆಕಾಂಕ್ಷೆಗಳಿಗೆ ಹತ್ತಿರವಾಗಲು ಉತ್ತಮ ಸ್ಥಾನದಲ್ಲಿದೆ."
ಪ್ರಮುಖ ಆರ್ಥಿಕತೆಗಳಲ್ಲಿ, ಚೀನಾ 2030 ರ ವೇಳೆಗೆ $42.2 ಟ್ರಿಲಿಯನ್ GDP (ಖರೀದಿ ಶಕ್ತಿ ಸಮಾನತೆಯಲ್ಲಿ ಅಳೆಯಲಾಗುತ್ತದೆ) ತಲುಪುವ ನಿರೀಕ್ಷೆಯಿದೆ ಆದರೆ ವಯಸ್ಸಾದ ಜನಸಂಖ್ಯೆ ಮತ್ತು ಹೆಚ್ಚುತ್ತಿರುವ ಸಾಲದಿಂದ ಸವಾಲುಗಳನ್ನು ಎದುರಿಸುತ್ತಿದೆ. ಅಮೆರಿಕ ಬಲಿಷ್ಠವಾಗಿಯೇ ಉಳಿದಿದೆ ಆದರೆ GDP ಯ ಶೇಕಡಾ 120 ಕ್ಕಿಂತ ಹೆಚ್ಚಿನ ಸಾಲ ಮತ್ತು ನಿಧಾನಗತಿಯ ಬೆಳವಣಿಗೆಯೊಂದಿಗೆ ಸಂಕಷ್ಟದಲ್ಲಿದೆ . ಜರ್ಮನಿ ಮತ್ತು ಜಪಾನ್ ಮುಂದುವರಿದಿದ್ದರೂ, ಹಳೆಯ ಜನಸಂಖ್ಯೆ ಮತ್ತು ಜಾಗತಿಕ ವ್ಯಾಪಾರದ ಮೇಲಿನ ಭಾರೀ ಅವಲಂಬನೆಯಿಂದ ನಿರ್ಬಂಧಿತವಾಗಿವೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ.