4, 4, 4, 4, 4, 4, 4, 6, 6; ಮುಂಬೈ ಬೌಲರ್​ಗಳನ್ನ ಚಚ್ಚಿದ ಓಪನರ್​ ಮಿಚೆಲ್ ಮಾರ್ಷ್, ಅರ್ಧ ಶತಕ

ಮುಂಬೈ ಇಂಡಿಯನ್ಸ್ ಜೊತೆ ನಡೆಯುತ್ತಿರುವ ಪಂದ್ಯದಲ್ಲಿ ಲಕ್ನೋ ಸೂಪರ್ ಜೈಂಟ್ಸ್​ ತಂಡದ ಓಪನರ್ ಭರ್ಜರಿ ಹಾಫ್​ಸೆಂಚುರಿ ಸಿಡಿಸಿದ್ದಾರೆ.

ಲಕ್ನೋದ ಏಕನಾ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಐಪಿಎಲ್ ಪಂದ್ಯದಲ್ಲಿ ಮುಂಬೈ ಇಂಡಿಯನ್ಸ್​ ತಂಡದ ಕ್ಯಾಪ್ಟನ್ ಹಾರ್ದಿಕ್ ಪಾಂಡ್ಯ ಟಾಸ್ ಗೆದ್ದು, ಎದುರಾಳಿ ಲಕ್ನೋ ಟೀಮ್ ಅನ್ನು ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ ಮಿಚೆಲ್ ಮಾರ್ಷ್​ ಹಾಗೂ ಐಡೆನ್ ಮಾರ್ಕರಮ್ ಉತ್ತಮ ಆರಂಭ ಪಡೆದುಕೊಂಡಿದ್ದಾರೆ.

ಇದನ್ನೂ ಓದಿ:ರೋಹಿತ್ ಶರ್ಮಾಗೆ ಬಿಗ್​ ಶಾಕ್ ಕೊಟ್ಟ ಹಾರ್ದಿಕ್ ಪಾಂಡ್ಯ.. ಮುಂಬೈ ತಂಡದಿಂದ ಹಿಟ್​ಮ್ಯಾನ್ ಹೊರಕ್ಕೆ!

ಕ್ರೀಸ್​ನಲ್ಲಿ ಬಿರುಸಿನ ಬ್ಯಾಟಿಂಗ್ ಮುಂದುವರೆಸಿರುವ ಮಿಚೆಲ್ ಮಾರ್ಷ್ ಮುಂಬೈ ಬೌಲರ್​ಗಳನ್ನ ಬೆಂಡೆತ್ತಿದ್ದಾರೆ. ಹೇಗೆಂದರೆ ಹಾಗೇ ಬೌಂಡರಿ, ಸಿಕ್ಸರ್​ಗಳನ್ನು ಬಾರಿಸಿದ ಮಿಚೆಲ್ ಮಾರ್ಷ್​ ಅರ್ಧ ಶತಕ ಪೂರೈಸಿದ್ದಾರೆ. ಕೇವಲ 28 ಬಾಲ್​ಗಳನ್ನು ಎದುರಿಸಿರುವ ಮಿಚೆಲ್ ಮಾರ್ಷ್ 7 ಅದ್ಭುತವಾದ ಬೌಂಡರಿ ಹಾಗೂ 2 ಅಮೋಘವಾದ ಸಿಕ್ಸರ್​ಗಳಿಂದ ಅರ್ಧಶತಕ ಬಾರಿಸಿದರು.

ಅಬ್ಬರದ ಬ್ಯಾಟಿಂಗ್ ಮುಂದುವರೆಸಿದ್ದ ಮಿಚೆಲ್ ಮಾರ್ಷ್​ ಬ್ಯಾಟಿಂಗ್​ಗೆ ಮುಂಬೈನ ಯುವ ಬೌಲರ್​ ವಿಘ್ನೇಶ್ ಪುತೂರು ಬ್ರೇಕ್ ಹಾಕಿದ್ದಾರೆ. 31 ಎಸೆತಗಳಲ್ಲಿ 2 ಸಿಕ್ಸರ್ ಹಾಗೂ 9 ಬೌಂಡರಿಯಿಂದ 60 ರನ್​ ಗಳಿಸಿದ್ದರು. ಈ ವೇಳೆ ವಿಘ್ನೇಶ್ ಪುತೂರು ಹಾಕಿದ ಬಾಲ್ ಅನ್ನು ಬಾರಿಸಲು ಹೋಗಿದ್ದಾಗ ಮಾರ್ಷ್, ವಿಘ್ನೇಶ್ ಪುತೂರಿಗೆ ಕ್ಯಾಚ್ ಕೊಟ್ಟು ಔಟ್ ಆಗಿದ್ದಾರೆ. ಸದ್ಯ ಲಕ್ನೋ ತಂಡ 1 ವಿಕೆಟ್​ ನಷ್ಟಕ್ಕೆ 8 ಓವರ್​ಗೆ 88 ರನ್​ಗಳಿಂದ ಬ್ಯಾಟಿಂಗ್ ಮಾಡುತ್ತಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ