ಸ್ಟಾರ್ ಹೀರೋ ಜೊತೆ ಪ್ರಶಾಂತ್ ನೀಲ್ ಮತ್ತೊಂದು ಮೂವಿ.. ಸಿನಿಮಾ ಹೆಸರು ರಾವಣಂ!

ಸ್ಟಾರ್ ಡೈರೆಕ್ಟರ್​ ಪ್ರಶಾಂತ್ ನೀಲ್ ಸದ್ಯ ಸಿನಿಮಾ ಶೂಟಿಂಗ್​​ನಲ್ಲಿ ಫುಲ್ ಬ್ಯುಸಿ ಇರೋ ನಿರ್ದೇಶಕರು. ಕೆಜಿಎಫ್​ ಸಿನಿಮಾ ಮಾಡಿ ಇಡೀ ವಿಶ್ವಕ್ಕೆ ಗೊತ್ತಾದ ಡೈರೆಕ್ಟರ್. ಪ್ರಭಾಸ್​ ಜೊತೆ ಬಿಗ್ ಬಜೆಟ್​ನಲ್ಲಿ ಸಲಾರ್ ಮೂವಿ ಮಾಡಿ ಸಕ್ಸಸ್​ ಕಂಡಿದ್ದಾರೆ. ಸಲಾರ್​- 2, ಡ್ರ್ಯಾಗನ್​ ಸಿನಿಮಾಗಳ ಬಿಡುವಿಲ್ಲದ ಕೆಲಸದ ನಡುವೆ ಪ್ರಶಾಂತ್ ನೀಲ್ ಇನ್ನೊಬ್ಬ ಸ್ಟಾರ್​ ಹೀರೋ ಜೊತೆ ಸಿನಿಮಾ ಮಾಡಲು ಮುಂದಾಗಿದ್ದಾರೆ ಎಂದು ಹೇಳಲಾಗುತ್ತಿದೆ.

ಟಾಲಿವುಡ್​ನ ಸ್ಟಾರ್​ಗಳಾದ ಪ್ರಭಾಸ್, ಜೂನಿಯರ್ ಎನ್​ಟಿಆರ್​ ಜೊತೆ ಸಿನಿಮಾ ಮಾಡುತ್ತಿರುವ ಸ್ಯಾಂಡಲ್​ವುಡ್​ನ ಡೈರೆಕ್ಟರ್​ ಪ್ರಶಾಂತ್ ನೀಲ್ ಅವರ ಮತ್ತೊಂದು ಸಿನಿಮಾದ ಬಗ್ಗೆ ಬಿಗ್ ಅಪ್​​ಡೇಟ್ ಹೊರ ಬಿದ್ದಿದೆ. ಸದ್ಯ ಪ್ರಶಾಂತ್ ನೀಲ್ ಅವರು ಸಾಲು ಸಾಲು ಪ್ರಾಜೆಕ್ಟ್ ಕೈಗೆತ್ತಿಕೊಂಡಿದ್ದಾರೆ. ಇದರ ಮಧ್ಯೆ ಇನ್ನೊಂದು ಸಿನಿಮಾನಾ ಎಂದು ಯೋಚಿಸಬೇಡಿ.

ಪ್ರಶಾಂತ್ ನೀಲ್ ಜೊತೆ ಸಿನಿಮಾ ಮಾಡಲು ಟಾಲಿವುಡ್​ ಹೀರೋಗಳು ಕ್ಯೂ ನಿಂತಿದ್ದಾರೆ. ಹೀಗಾಗಿಯೇ ಮುಂದಿನ ತಮ್ಮ ಸಿನಿಮಾಗಾಗಿ ಮಾತುಕತೆಗಳು ನಡೆಯುತ್ತಿವೆ ಎಂದು ಹೇಳಲಾಗುತ್ತಿದೆ. ಸಲಾರ್-2 ಶೂಟಿಂಗ್ ಕ್ಯೂನಲ್ಲಿದೆ. ಡ್ರ್ಯಾಗನ್ ಜೊತೆನೂ ಪ್ರಶಾಂತ್ ನೀಲ್ ಫೈಟ್ ಮಾಡ್ತಿದ್ದಾರೆ. ಇದರ ನಡುವೆ ಟಾಲಿವುಡ್​ನ ಮತ್ತೊಬ್ಬ ಬಿಗ್​ ಸ್ಟಾರ್​ಗೆ​ ಪ್ರಶಾಂತ್ ನೀಲ್ ಆ್ಯಕ್ಷನ್ ಕಟ್ ಹೇಳಲಿದ್ದಾರೆ.

ಟಾಲಿವುಡ್​ನ ಐಕಾನ್ ಸ್ಟಾರ್, ಸ್ಟೈಲೀಶ್ ಸ್ಟಾರ್ ಅಲ್ಲು ಅರ್ಜುನ್ ಜೊತೆ ಪ್ರಶಾಂತ್ ನೀಲ್ ಅವರು ಸಿನಿಮಾ ಮಾಡುವ ಸಿದ್ಧತೆಯಲ್ಲಿದ್ದಾರೆ. ಈ ಬಗ್ಗೆ ಮಾತುಕತೆಗಳು ನಡೆಯುತ್ತಿವೆ ಎನ್ನಲಾಗಿದೆ. ಎಲ್ಲವೂ ಅಂದುಕೊಂಡಂತೆ ಆದ್ರೆ ಪ್ರಶಾಂತ್ ನೀಲ್ ಅಲ್ಲು ಅರ್ಜುನ್​ ಜೊತೆ ಸಿನಿಮಾ ಮಾಡುವುದು ಪಕ್ಕಾ ಎನ್ನಲಾಗುತ್ತಿದೆ.

ಇದನ್ನೂ ಓದಿ: ಇನ್ನೊಬ್ಬ ವ್ಯಕ್ತಿ ಜತೆ ಮಾತಾಡಿದ್ದೇ ತಪ್ಪು.. ಮಹಿಳಾ ಕೌನ್ಸಿಲರ್ ಜೀವ ತೆಗೆದ ಪಾಪಿ ಗಂಡ!

2026 ಜೂನ್ 25ಕ್ಕೆ ಡ್ರ್ಯಾಗನ್ ಸಿನಿಮಾ ರಿಲೀಸ್ ಆಗುತ್ತದೆ. ಇದೇ ಸಮಯಕ್ಕೆ ಅತ್ತ ಡೈರೆಕ್ಟರ್​ ಅಟ್ಲಿ ಜೊತೆ ಅಲ್ಲು ಅರ್ಜುನ್ ಸಿನಿಮಾ ಮುಗಿದು ಹೋಗಿರುತ್ತದೆ. ಇದಾದ ಮೇಲೆ ಪ್ರಶಾಂತ್ ನೀಲ್ ಹಾಗೂ ಅಲ್ಲು ಅರ್ಜುನ್ ಕಾಂಬೋದಲ್ಲಿ ಬಿಗ್ ಬಜೆಟ್​ನಲ್ಲಿ ಸಿನಿಮಾ ನಿರ್ಮಾಣವಾಗಲಿದೆ ಎಂದು ಹೇಳಲಾಗುತ್ತಿದೆ. ಈ ಸಿನಿಮಾಗೆ ನಿರ್ಮಾಪಕ ದಿಲ್​ರಾಜು ಅವರು ಹಣ ಹಾಕುತ್ತಿದ್ದು ರಾವಣಂ ಎನ್ನುವ ಟೈಟಲ್​ ಕನ್​ಫರ್ಮ್​ ಮಾಡಿದ್ದಾರೆ ಎನ್ನಲಾಗಿದೆ. ಆದರೆ ಈ ಬಗ್ಗೆ ಪ್ರಶಾಂತ್ ನೀಲ್ ಆಗಲಿ, ಅಲ್ಲು ಅರ್ಜುನ್ ಆಗಲಿ ಅಧಿಕೃತವಾಗಿ ಮಾಹಿತಿ ನೀಡಿಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ