ಜಿಯೋ ಬಳಕೆದಾರರೇ ಎಚ್ಚರ! ಈ ನಂಬರ್​​ನಿಂದ ಮಿಸ್ಡ್​ ಕಾಲ್ ಬಂದ್ರೆ ವಾಪಸ್ ಮಾಡಲೇಬೇಡಿ..!

ರಿಲಯನ್ಸ್ ಜಿಯೋ ಬಳಕೆದಾರರಿಗೆ ಹೊಸ ರೀತಿಯ ವಂಚನೆ ಬಗ್ಗೆ ಎಚ್ಚರಿಕೆ ನೀಡಿದೆ. ಇತ್ತೀಚೆಗೆ ಅಂತಾರಾಷ್ಟ್ರೀಯ ನಂಬರ್​​ಗಳಿಂದ ಮಿಸ್ಡ್ ಕಾಲ್ ಕೊಟ್ಟು ವಂಚಿಸಿದ ಘಟನೆಗಳು ಹೆಚ್ಚಿವೆ. ಕೆಲವು ನಂಬರ್​​ಗಳಿಂದ ಬರುವ ಕರೆಗಳನ್ನು ಸ್ವೀಕರಿಸಬೇಡಿ ಎಂದು ಸೂಚನೆ ನೀಡಿದೆ.

ಏನು ಮಾಡ್ತಿದ್ದಾರೆ ವಂಚಕರು..?

ವಂಚಕರು ಅಪರಿಚಿತ ಅಂತಾರಾಷ್ಟ್ರೀಯ ಸಂಖ್ಯೆಗಳಿಂದ ಮಿಸ್ಡ್ ಕಾಲ್‌ ಮಾಡ್ತಾರೆ. ಬಳಕೆದಾರರು ಈ ಸಂಖ್ಯೆಗಳಿಗೆ ವಾಪಸ್ ಕರೆ ಮಾಡಿದಾಗ ವಂಚಕರು ‘ಪ್ರೀಮಿಯಂ ದರ ಸೇವೆ’ಗೆ (Premium Rate Service) ಕನೆಕ್ಟ್​ ಮಾಡುತ್ತಾರೆ. ಇದೊಂದು ಸ್ಕ್ಯಾಮ್ ಆಗಿದ್ದು, ಈ ಸೇವೆಗಳಿಗೆ ಕರೆ ಮಾಡಲು ಪ್ರತಿ ನಿಮಿಷಕ್ಕೆ ಭಾರೀ ಶುಲ್ಕ ವಿಧಿಸಲಾಗುತ್ತದೆ. ಇಂತಹ ಕರೆಗಳು ಬಳಕೆದಾರರಿಗೆ ಭಾರೀ ಆರ್ಥಿಕ ನಷ್ಟವನ್ನು ಉಂಟು ಮಾಡುತ್ತದೆ.

ಇದನ್ನೂ ಓದಿ: Whatsapp ನಲ್ಲಿ ಅಪ್ಪಿ ತಪ್ಪಿಯೂ ಹೀಗೆ ಮಾಡಿಬಿಟ್ರೆ ಜೈಲು ಶಿಕ್ಷೆ ಆಗುತ್ತೆ; ಇರಲಿ ಎಚ್ಚರ!

ವಂಚಕರು ಅಪರಿಚಿತ ಮತ್ತು ವಿಚಿತ್ರ ಕೋಡ್​​ಗಳನ್ನು ಬಳಸಿ ಮಿಸ್ಡ್​ಕಾಲ್ ನೀಡುತ್ತಾರೆ. ಅವು ವಾಪಸ್ ಕರೆ ಮಾಡುವಂತೆ ನಿಮ್ಮನ್ನು ಪ್ರಚೋದಿಸುತ್ತವೆ. ಅದಕ್ಕೆ ‘+91’ ಹೊರತುಪಡಿಸಿ ಯಾವುದೇ ಕೋಡ್‌ನಿಂದ ಕರೆ ಬಂದರೂ ತೆಗೆಯದಿರೋದು ಒಳ್ಳೆಯದು. ಒಮ್ಮೆ ಕರೆ ಸ್ವೀಕರಿಸುವಾಗ ಮತ್ತು ವಾಪಸ್ ಮಾಡುವಾಗ ಜಾಗರೂಕರಾಗಿರಿ. ಅಂತಹ ನಂಬರ್​ಗಳನ್ನು ಬ್ಲಾಕ್ ಮಾಡಿ ಎಂದು ಜಿಯೋ ಮನವಿ ಮಾಡಿಕೊಂಡಿದೆ.

ಅಪರಿಚಿತ ಅಥವಾ ಅನುಮಾನಾಸ್ಪದ ಕರೆಗಳನ್ನು ನಿರ್ಲಕ್ಷಿಸಿ. ಅಂತಹ ವಂಚನೆಯಿಂದ ದೂರ ಇರಲು ನಿಮ್ಮ ಹತ್ತಿರದವರನ್ನೂ ಎಚ್ಚರಿಸಿ. ಅಪರಿಚಿತ ಸಂಖ್ಯೆಗಳಿಂದ ಬರುವ ಕರೆಗಳನ್ನು ಗಂಭೀರವಾಗಿ ಪರಿಗಣಿಸಿ ಮತ್ತು ಎಚ್ಚರದಿಂದಿರಿ.

ಇದನ್ನೂ ಓದಿ:ಫೋನ್ ಪದೇ ಪದೆ ಬಿಸಿ ಆಗಲು ಕಾರಣ ನೀವೇ.. ಈ ತಪ್ಪುಗಳನ್ನು ಮಾಡಲೇಬೇಡಿ..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ