ರಷ್ಯಾ ಅಧ್ಯಕ್ಷನ ಆಸ್ತಿ ಎಷ್ಟು? ಅಂತಾ ಕೇಳಿದ್ರೆ ಶಾಕ್​​ ಆಗ್ತೀರಾ; ಪುಟಿನ್​​​ ಎಷ್ಟು ಕೋಟಿ ಒಡೆಯ?

ರಷ್ಯಾ ಅಧ್ಯಕ್ಷ ವ್ಲಾಡಿಮೀರ್​ ಪುಟಿನ್​​​​​​​​​​​​​ ವಿಶ್ವದ ಪ್ರಭಾವಿ ವ್ಯಕ್ತಿ. ಪುಟಿನ್ ಬಗೆಗಿನ ಅಚ್ಚರಿ ಸಂಗತಿಗಳು ಆಗಾಗ ಸದ್ದು ಮಾಡುತ್ತಲೇ ಇರುತ್ತವೆ. ಇದೀಗ ಅವರ ಸಂಪತ್ತಿನ ಬಗ್ಗೆ ಚರ್ಚೆ ಶುರುವಾಗಿದೆ. ಕೆಲ ವಿಶ್ಲೇಷಕರ ಪ್ರಕಾರ ಪುಟಿನ್​​ ವಿಶ್ವದ ಕುಬೇರರನ್ನ ಮೀರಿಸುವಷ್ಟು ಆಸ್ತಿಯನ್ನ ಹೊಂದಿದ್ದು, ಅವರ ಸಂಪತ್ತನ್ನು ಅಂದಾಜಿಸಲು ಸಾಧ್ಯವೇ ಇಲ್ಲ ಅಂತ ಹೇಳಿದ್ದಾರೆ. ಹಾಗಾದ್ರೇ ಪುಟಿನ್​ ಆಸ್ತಿ ಎಷ್ಟು ಅವರ ಸಂಪತ್ತಿನ ಮೂಲವೇನು?

ಇದನ್ನೂ ಓದಿ: ಹೇರ್ ಡ್ರೈಯರ್ ಭಯಾನಕ ಸ್ಫೋಟಕ್ಕೆ ಸಿನಿಮಾವನ್ನು ಮೀರಿಸಿದ ಸಂಚು; ಹುಚ್ಚು ಪ್ರೇಮಿ ಮಾಡಿದ್ದೇನು?

72 ವರ್ಷ ವಯಸ್ಸಿನ ಪುಟಿನ್ ತಮ್ಮ ಜೀವತಾವಧಿವರೆಗೂ ತಾವೇ ರಷ್ಯಾ ಅಧ್ಯಕ್ಷ ಅಂತ ಈಗಾಗಲೇ ಘೋಷಿಸಿದ್ದಾರೆ. ಆದ್ರೇ ಇಷ್ಟು ವರ್ಷಗಳ ಕಾಲ ರಷ್ಯಾದಂತಾಹ ದೊಡ್ಡ ರಾಷ್ಟ್ರದ ಅಧ್ಯಕ್ಷರಾಗಿರುವ ಪುಟಿನ್​ ಆಸ್ತಿ ಎಷ್ಟು ಅನ್ನೊದ್ರ ಬಗ್ಗೆ ಶಾಕಿಂಗ್​ ಮಾಹಿತಿ ಸಿಕ್ಕಿದೆ. ರಷ್ಯಾ ಅಧ್ಯಕ್ಷ ಪುಟಿನ್​​ ವಾರ್ಷಿಕವಾಗಿ 1.4 ಲಕ್ಷ ಡಾಲರ್​​​ ಹಣ ಸಂಪಾದನೆ ಮಾಡ್ತಾರೆ. ಆದ್ರೆ ಕೆಲ ಮಾಹಿತಿಗಳ ಪ್ರಕಾರ ಪುಟಿನ್​​ ಬರೋಬ್ಬರಿ 200 ಶತಕೋಟಿ ಡಾಲರ್​​ ಆಸ್ತಿ ಹೊಂದಿದ್ದಾರೆ ಅಂತ ಹೇಳಲಾಗ್ತಿದೆ. ರಷ್ಯಾದ ಆರ್ಥಿಕ ತಜ್ಞ ಬಿಲ್ ಬ್ರೌಡರ್, ಪುಟಿನ್ ಅವರು ಅನಧಿಕೃತವಾಗಿ 200 ಬಿಲಿಯನ್​ ಡಾಲರ್ನಷ್ಟು ಆಸ್ತಿ ಹೊಂದಿದ್ದಾರೆ ಮತ್ತು ಅವರ ಸಂಪತ್ತನ್ನು ಅಂದಾಜಿಸಲು ಸಾಧ್ಯವೇ ಇಲ್ಲ ಅಂತ ಹೇಳಿದ್ದಾರೆ.

ಪುಟಿನ್​ ಅವರು 800 ಚದರ ಅಡಿ ಅಪಾರ್ಟ್ಮೆಂಟ್ ಹಾಗೂ ಮಾಸ್ಕೋದಲ್ಲಿ 1,600 ಚದರ ಅಡಿ ಅಪಾರ್ಟ್ಮೆಂಟ್, ಮೂರು ಕಾರುಗಳನ್ನ ಹೊಂದಿದ್ದಾರೆ ಅಂತ ರಷ್ಯಾ ಸರ್ಕಾರ ಅಧಿಕೃತ ಮಾಹಿತಿ ನೀಡಿದೆ. ಆದ್ರೇ ಪುಟಿನ್​ ಅವರ ಅನಧಿಕೃತ ಆಸ್ತಿ ವಿಶ್ವದ ಶ್ರೀಮಂತ ವ್ಯಕ್ತಿಗಳನ್ನು ಮೀರಿಸುವಷ್ಟಿದೆ ಅಂತ ಹೇಳಲಾಗಿದೆ. ವಿಶ್ವದ ಶ್ರೀಮಂತ ರಾಜಕಾರಣಿಗಳಲ್ಲಿ ಒಬ್ಬರು ಎನಿಸಿಕೊಂಡಿರುವ ಪುಟಿನ್​ ರಷ್ಯಾದ ಕಪ್ಪು ಸಮುದ್ರ ತೀರದ ಬಳಿ ‘ಪುಟಿನ್​ ಮಾನ್ಷನ್’ ಹೆಸರಿನ ಐಷಾರಾಮಿ ಅರಮನೆ ಹೊಂದಿದ್ದಾರೆ ಅಂತ ಹೇಳಲಾಗಿದೆ. ಇದರ ಜೊತೆಗೆ 700 ಕಾರುಗಳು ಹಾಗೂ 700 ಮಿಲಿಯನ್​ ಡಾಲರ್​ ಬೆಲೆ ಬಾಳುವ ವಿಮಾನ, ಹೆಲಿಕಾಪ್ಟರ್​​ ಸೇರಿದಂತೆ ಪಟೆಕ್​ ಫಿಲಿಫ್​ನಂತಹ ಲಕ್ಷುರಿ ವಾಚ್​ಗಳ ಕಲೆಕ್ಷನ್​ ಕೂಡ ಹೊಂದಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ:ಫಸ್ಟ್ ಕ್ರಶ್​ಗಳು ಫೇಲ್​ ಆಗೋದು ಏಕೆ ? ದೀರ್ಘಾವಧಿವರೆಗೂ ಪ್ರೀತಿ ಸಾಗಿದರೂ ಮುರಿದು ಬೀಳುವುದೇಕೆ?

ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್​​ ಪುಟಿನ್ ಆಸ್ತಿ ಬಗ್ಗೆ ಸಾಕಷ್ಟು ಉಹಾಪೋಹಗಳಿವೆ. ಜೊತೆಗೆ ಪುಟಿನ್​​ ಅಧ್ಯಕ್ಷರಾದ ಬಳಿಕ ಅಕ್ರಮವಾಗಿ ಆಸ್ತಿ ಗಳಿಸಿದ್ದಾರೆ ಎಂಬ ಆರೋಪ ಕೂಡ ಕೇಳಿಬಂದಿದೆ. ಆದ್ರೇ ಈ ಆರೋಪಗಳಿಗೆ ಪುಟಿನ್​​​ ಆಗಿಲಿ ರಷ್ಯಾ ಸರ್ಕಾರವಾಗಲಿ ಯಾವುದೇ ಪ್ರತಿಕ್ರಿಯೆ ನೀಡಿಲ್ಲ. ಒಟ್ಟಾರೆ, ಪುಟಿನ್ ಬಗೆಗಿನ ಅಚ್ಚರಿ ಸಂಗತಿಗಳು ಆಗಾಗ ಸದ್ದು ಮಾಡುತ್ತಲೇ ಇರುತ್ತವೆ. ಹೀಗಾಗಿ ಯಾವುದು ಸತ್ಯ. ಯಾವುದು ಸುಳ್ಳು ಅನ್ನೋದೆ ದೊಡ್ಡ ಪ್ರಶ್ನೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ