9 ಸಿಕ್ಸರ್​, 7 ಬೌಂಡರಿ.. ಕೇವಲ 39 ಎಸೆತದಲ್ಲಿ ಸ್ಫೋಟಕ ಶತಕ.. ಐಪಿಎಲ್​​ನಲ್ಲಿ ಹೊಸ ದಾಖಲೆ..!

ಮುಲ್ಲಾಂಪುರ ಸ್ಟೇಡಿಯಂನಲ್ಲಿ ನಿನ್ನೆ ಯುವ ಆಟಗಾರನ ಅಬ್ಬರ ಜೋರಾಗಿತ್ತು. ಪಂಜಾಬ್​ ಪಡೆಯ ಸೂಪರ್​ ಸ್ಟಾರ್​​ಗಳೆಲ್ಲಾ ತಲೆ ಕೆಳಗಾಕಿ ಪೆವಿಲಿಯನ್​ ಪರೇಡ್​ ನಡೆಸಿದ್ರೆ ರನ್​ಭೂಮಿ ಯುವ ಆಟಗಾರ ದಿಟ್ಟ ಹೋರಾಟ ನಡೆಸಿದೆ. 24 ವರ್ಷ ಯುವ ಆಟಗಾರನ ಬ್ಯಾಟಿಂಗ್​ಗೆ ಚೆನ್ನೈನ ಲೆಜೆಂಡರಿ ಬೌಲರ್​ಗಳು ಕಂಗಾಲಾದ್ರು.

ಟಾಸ್ ಗೆದ್ದು ಬ್ಯಾಟಿಂಗ್​ಗಿಳಿದ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಬ್ಯಾಟ್ಸ್​ಮನ್​ಗಳು ಕೈಕೊಟ್ರು. ಒಬ್ಬರ ಹಿಂದೊಬ್ಬರಂತೆ ಪಂಜಾಬ್​ ಪಡೆಯ ಕಲಿಗಳು ಪರೇಡ್​ ನಡೆಸಿದ್ರು. ಪ್ರಭ್​ಸಿಮ್ರನ್​ ಸಿಂಗ್​ಯಿಂದ ಹಿಡಿದು ಮ್ಯಾಕ್ಸ್​ವೆಲ್​ವರೆಗೆ ಅಗ್ರ ಕ್ರಮಾಂಕದ ಬ್ಯಾಟರ್ಸ್​ ಸಿಂಗಲ್​ ಡಿಜಿಟ್​ ಗಡಿ ದಾಟದೇ ಡಗೌಟ್​ ಸೇರಿದ್ರು.

ಇದನ್ನೂ ಓದಿ: ಹೀನಾಯ ಸ್ಥಿತಿಗೆ ತಲುಪಿದ ಚೆನ್ನೈ ಸೂಪರ್ ಕಿಂಗ್ಸ್​.. ಫಿನಿಷರ್ ಪಾತ್ರ ನಿರ್ವಹಿಸುವಲ್ಲಿ ಧೋನಿ ಮತ್ತೆ ಫೇಲ್..!

ಒಂದೆಡೆ ತಂಡದ ಪ್ರಮುಖ ಬ್ಯಾಟರ್ಸ್​ ಅಲ್ಪ ಮೊತ್ತಕ್ಕೆ ಔಟಾದ್ರೆ ಯುವ ಪ್ರಿಯಾಂಶ್​​ ಆರ್ಯ ಸಿಡಿದೆದ್ರು. ಮುಲ್ಲಾಂಪುರ ಗ್ರೌಂಡ್​ನಲ್ಲಿ ಬೌಲರ್​ಗಳ ಬೆಂಡೆತ್ತಿದ ಪ್ರಿಶಾಂಯ್​ ಬೌಂಡರಿ-ಸಿಕ್ಸರ್​ಗಳಲ್ಲೇ ರನ್​ ಡೀಲ್​ ಮಾಡಿದ್ರು. ಸಿಕ್ಕ ಅದೃಷ್ಟದ ಅವಕಾಶವನ್ನ ಎರಡೂ ಕೈಗಳಲ್ಲಿ ಬಾಚಿಕೊಂಡ ಪ್ರಿಯಾಂಶ್​​ ಜಸ್ಟ್​​ 39 ಎಸೆತಕ್ಕೆ ಸೆಂಚುರಿ ಸಿಡಿಸಿದ್ರು. ಸೆಂಚುರಿ ಬೆನ್ನಲ್ಲೇ ಪ್ರಿಯಾಂಶ್​ ಆರ್ಯ ಔಟಾದ್ರೆ ಆ ಬಳಿಕ ಶಶಾಂಕ್​ ಸಿಂಗ್​​ ಅಬ್ಬರ ಮುಂದುವರೆಸಿದ್ರು. 2 ಬೌಂಡರಿ, 3 ಸಿಕ್ಸರ್​​​ ಸಿಡಿಸಿದ ಶಶಾಂಕ್​​ 36 ಎಸೆತಕ್ಕೆ ಅಜೇಯ 52 ರನ್​ ಸಿಡಿಸಿದ್ರು.

ಅಂತಿಮ ಹಂತದಲ್ಲಿ ಬಿರುಸಿನ ಆಟವಾಡಿದ ಮಾರ್ಕೋ ಯಾನ್ಸೆನ್​​ 19 ಎಸೆತಕ್ಕೆ 34 ರನ್​ ಸಿಡಿಸಿದ್ರು. ಅಂತಿಮವಾಗಿ 20 ಓವರ್​​ಗಳ ಅಂತ್ಯಕ್ಕೆ 6 ವಿಕೆಟ್​​ ಕಳೆದುಕೊಂಡ ಪಂಜಾಬ್​ ಕಿಂಗ್ಸ್​ 219 ರನ್​ಗಳ ಬಿಗ್​ ಸ್ಕೋರ್​ ಕಲೆಹಾಕಿತು. 220 ರನ್​ಗಳ ಬಿಗ್​ ಟಾರ್ಗೆಟ್​ ಬೆನ್ನ್ತತ್ತಿದ ಚೆನ್ನೈ ಸೂಪರ್​ ಕಿಂಗ್ಸ್​ಗೆ ಉತ್ತಮ ಆರಂಭ ಸಿಗ್ತು. ರಚಿನ್​ ರವಿಂದ್ರ, ಡಿವೊನ್​ ಕಾನ್ವೆ ಪವರ್​ ಪ್ಲೇನಲ್ಲಿ ಅಬ್ಬರಿಸಿದ್ರು. ಪವರ್​ ಪ್ಲೇ ಅಂತ್ಯದ ಬೆನ್ನಲ್ಲೆ ರಚಿನ್​ ರವೀಂದ್ರ ಎಲ್​​ಬಿ ಬಲೆಗೆ ಬಿದ್ರು. ಬಳಿಕ ಕಣಕ್ಕಿಳಿದ ಕ್ಯಾಪ್ಟನ್​ ಋತುರಾಜ್​ ಗಾಯಕ್ವಾಡ್​ 1 ರನ್​​ಗಳಿಸುವಷ್ಟರಲ್ಲಿ ಸುಸ್ತಾದ್ರು.

ಡಿವೋನ್​ ಕಾನ್ವೆ, ಶಿವಂ ದುಬೆ 4 ವಿಕೆಟ್​ಗೆ 89 ರನ್​ಗಳಿಸಿದ್ರು. 27 ಎಸೆತಗಳಲ್ಲೇ ಶಿವಂ ದುವೆ 42 ರನ್​ ಸಿಡಿಸಿದ್ರು. ಸಾಲಿಡ್​ ಆಟವಾಡ್ತಿದ್ದ ದುಬೆ, ಲಾಕಿ ಫರ್ಗೂಸನ್​ ಎಸೆದ ಸ್ಲೋವರ್​ ಎಸೆತಕ್ಕೆ ಕ್ಲೀನ್​ಬೋಲ್ಡ್​ ಆದ್ರು. 49 ಎಸೆತಗಳಲ್ಲಿ 6 ಬೌಂಡರಿ, 2 ಸಿಕ್ಸರ್​ ಬಾರಿಸಿದ್ದ ಡಿವೋನ್​ ಕಾನ್ವೆ 69 ರನ್​ಗಳಿಸಿದ್ದ ವೇಳೆ ರಿಟೈರ್ಡ್​ ಔಟ್​ ಆದ್ರು.

ಇದನ್ನೂ ಓದಿ: ಪಾಂಡ್ಯಗೆ ಮತ್ತೊಂದು ಸೋಲಿನ ನೋವು.. ಸೋತ ಬೆನ್ನಲ್ಲೇ ಹೇಳಿದ್ದೇನು..?

5ನೇ ಕ್ರಮಾಂಕದಲ್ಲಿ ಕಣಕ್ಕಿಳಿದ ಧೋನಿ 225ರ ಸ್ಟ್ರೈಕ್​ರೇಟ್​​ನಲ್ಲಿ ಅಬ್ಬರಿಸಿದ್ರು. 3 ಸಿಕ್ಸರ್​, 1 ಬೌಂಡರಿ ಸಿಡಿಸಿ ಧೋನಿ ಮಿಂಚಿದ್ರು. ಆದ್ರೆ ಗೆಲುವಿನ ದಡ ಸೇರಿಸುವಲ್ಲಿ ವಿಫಲರಾದ್ರು. 27 ರನ್​ಗಳಿಸಿ ಧೋನಿ ಔಟಾದ್ರು. 20 ಓವರ್​ಗಳ ಅಂತ್ಯಕ್ಕೆ 5 ವಿಕೆಟ್​ ಕಳೆದುಕೊಂಡ ಚೆನ್ನೈ ಸೂಪರ್​ ಕಿಂಗ್ಸ್​ 201 ರನ್​ಗಳಿಸಲಷ್ಟೇ ಶಕ್ತವಾಯ್ತು. ಪಂಜಾಬ್​ ತಂಡ 18 ರನ್​ಗಳ ಜಯ ಸಾಧಿಸಿದ್ರೆ, ಚೆನ್ನೈ ತಂಡ ಸತತ 4ನೇ ಸೋಲಿಗೆ ಶರಣಾಯ್ತು.

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್