ಬೆಂಗಳೂರಿಗೆ ಮತ್ತೊಂದು ಕೋರಮಂಗಲ.. ಬಾಡಿಗೆ, ಸೈಟ್‌ಗಳ ಬೆಲೆಯಲ್ಲಿ ಭಾರೀ ಏರಿಕೆ; ಏನಿದರ ವಿಶೇಷ?

ಬೆಂಗಳೂರು: ಹೆಚ್​ಎಸ್​ಆರ್ ಲೇಔಟ್..​ ಎಷ್ಟೋ ಬೆಂಗಳೂರಿನವರಿಗೆ ಈ ಏರಿಯಾದ ಕಂಪ್ಲೀಟ್​ ಹೆಸರು ಗೊತ್ತೇ ಇಲ್ಲ. ಹೊಸೂರ್​ ಸರ್ಜಾಪುರ ರೋಡ್​ ಲೇಔಟ್. ಸದ್ಯ ಈ ಏರಿಯಾ ಬೆಂಗಳೂರಿನ ಮುಂದಿನ ಕೋರಮಂಗಲ ಅಂತಾನೇ ಕರೆಸಿಕೊಳ್ತಾ ಇದೆ. ಕಾರಣ ಈ ಏರಿಯಾದ ಬೆಳವಣಿಗೆ ಹಾಗೂ ಈ ಏರಿಯಾ ಕೊಡ್ತಾ ಇರೋ ಹೊಸ ಸೌಕರ್ಯಗಳು.

ಇದನ್ನೂ ಓದಿ:ತಿಮ್ಮಪ್ಪನ ಸನ್ನಿಧಿಯಲ್ಲಿ ಬಂಗಾರದ ಮನುಷ್ಯರು.. ವರ್ಷದ ಮೊದಲ ದಿನ ಭಕ್ತರಿಗೆ ಸರ್ಪ್ರೈಸ್..! Photos

ಸುಮಾರು ವರ್ಷಗಳ ಹಿಂದೆ ಈ ಲೇಔಟ್​​ ನಿರ್ಮಾಣವಾದಾಗ, ಇದು ಈ ಮಟ್ಟಿಗೆ ಬೆಳೆಯುತ್ತೆ ಅಂತ ಯಾರೂ ಕೂಡ ಊಹಿಸಿರಲಿಲ್ಲ. ಆದ್ರೆ, ಇದು ಈ ಮಟ್ಟಿಗೆ ಬೆಳವಣಿಗೆ ಕಂಡಿದೆ. ಒಂದು ಸಾಮಾನ್ಯ ರೆಸಿಡೆನ್ಸಿಯಲ್​ಬಡಾವಣೆಯಿಂದ, ಐಟಿ ಕಾರಿಡಾರ್​ನ ಪ್ರಮುಖ ಏರಿಯಾವಾಗಿ ಹೆಚ್​​ಎಸ್ಆರ್​ ಲೇಔಟ್ ಬದಲಾಗಿದೆ. ಮುಖ್ಯವಾಗಿ ನಮಗೆ ಕಾಣಿಸೋದು ಬದಲಾಗ್ತಾ ಇರೋ ಬೆಂಗಳೂರಿನ ರೀತಿ ಈ ಏರಿಯಾ ಕೂಡ ಬದಲಾಗ್ತಾ ಇದೆ. ಇಲ್ಲಿ ಕಾಸ್ಮೋಪಾಲಿಟನ್ ಕಲ್ಚರ್​​ ಹೆಚ್ಚಾಗ್ತಾ ಇದೆ. ಜೊತೆಗೆ ಈ ಏರಿಯಾ ಎಲೆಕ್ಟ್ರಾನಿಕ್​ ಸಿಟಿ, ಔಟರ್​ ರಿಂಗ್ ರಸ್ತೆ, ಹಾಗೂ ಸರ್ಜಾಪುರ ರಸ್ತೆಗೆ ಹತ್ತಿರವಿದೆ. ಈ ಭಾಗಗಳಲ್ಲೇ ಅನೇಕ ಐಟಿ ಕಂಪನಿಗಳು ಹಾಗೂ ಸ್ಟಾರ್ಟ್​ ಅಪ್​ಗಳ ಕಛೇರಿಗಳಿವೆ. ಹಚ್ಚ ಹಸಿರಿನ ಪರಿಸರ ಕೂಡ ಈ ಏರಿಯಾದಲ್ಲಿದೆ.

ಮತ್ತೊಂದು ವಿಷ್ಯ ಏನೆಂದ್ರೆ ಅಕ್ಕಪಕ್ಕದಲ್ಲಿರೋ ಇಂದಿರಾನಗರ, ಕೋರಮಂಗಲ ಏರಿಯಾಗಳಲ್ಲಿ ಬಾಡಿಗೆ ಕೂಡ ಜಾಸ್ತಿ ಇರುತ್ತೆ ಮತ್ತು ಅಷ್ಟು ಸುಲಭಕ್ಕೆ ಆಫೀಸ್​ಗಳಿಗೆ ಅಥವಾ ಮನೆಗಳಿಗೆ ಜಾಗ ಸಿಗೋದಿಲ್ಲ. ಹೀಗಾಗಿ, ಕಂಪನಿಗಳು ಹೆಚ್ಎಸ್​ಆರ್​ ಕಡೆಗೆ ಮುಖ ಮಾಡಿವೆ. ಇದು ಕೂಡ ರಿಯಲ್​ ಎಸ್ಟೇಟ್, ಹೆಚ್ಎಸ್​ಆರ್​ ಲೇಔಟ್​ನಲ್ಲಿ ಜಾಸ್ತಿ ಆಗೋದಕ್ಕೆ ಕಾರಣ. ಈ ಎಲ್ಲಾ ಕಾರಣಗಳಿಂದ ಹೆಚ್​​ಎಸ್​ಆರ್​ ಲೇಔಟ್​ನ ಸೈಟ್​ ಹಾಗೂ ಜಾಗದ ಬೆಲೆಯಲ್ಲಿ ಭಾರಿ ಏರಿಕೆ ಕಂಡಿದೆ.

ಕಳೆದ 2 ವರ್ಷಗಳಲ್ಲಿ ಈ ಪ್ರದೇಶದಲ್ಲಿ ರಿಯಲ್ ಎಸ್ಟೇಟ್ ಬೆಲೆಗಳು 30% ರಷ್ಟು ಏರಿಕೆಯಾಗಿದೆ. ಹಾಗೂ ಹೆಚ್​ಎಸ್​ಆರ್​ ಲೇಔಟ್​ನ ವಾಣಿಜ್ಯ ಮತ್ತು ಚಿಲ್ಲರೆ ಸ್ಥಳಗಳು ಪ್ರತಿ ಚದರ ಅಡಿಗೆ ಸುಮಾರು ₹200 ಮಾಸಿಕ ಬಾಡಿಗೆ ಮತ್ತು ಇಂದಿರಾನಗರದ ಹಿಂದೆ ಪ್ರತಿ ಚದರಕ್ಕೆ ₹300. ತಿಂಗಳಿಗೆ ಅಡಿ ಬಾಡಿಗೆ ಇದೆ. ಎಲ್ಲಾ ರೀತಿಯಲ್ಲೀ ಅಂದ್ರೆ 360 ಡಿಗ್ರಿನಲ್ಲಿ ಹೆಚ್​ಎಸ್ಆರ್​ ಬೆಳವಣಿಗೆ ಕಾಣ್ತಾ ಇದೆ. ಒಟ್ಟಿನಲ್ಲಿ ಈ ಏರಿಯಾದ ಬೆಳವಣಿಗೆ ನೋಡಿದ್ರೆ, ಬೆಂಗಳೂರಿನ ಮುಂದಿನ ಕೋರಮಂಗಲ ಆಗೋದ್ರಲ್ಲಿ ಯಾವ ಅನುಮಾನವೂ ಇಲ್ಲ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ