ಪುನೀತ್ ರಾಜ್​ಕುಮಾರ್ ಬರ್ತ್​ಡೇ ಸ್ಪೆಷಲ್.. ಮಸಾಲಪೂರಿ, ಪಾನಿಪೂರಿ ಫ್ರೀ.. ಫ್ರೀ.. ಎಲ್ಲಿ?

ಬೆಂಗಳೂರು: ಮಾರ್ಚ್​ 17 ರಂದು ಪುನೀತ್ ರಾಜ್​ಕುಮಾರ್ ಅವರ 50ನೇ ಹುಟ್ಟುಹಬ್ಬವನ್ನು ರಾಜ್ಯಾದ್ಯಂತ ಅಭಿಮಾನಿಗಳು ವಿಶೇಷವಾಗಿ ಸಂಭ್ರಮಾಚರಣೆ ಮಾಡಲು ಸಿದ್ಧರಾಗಿದ್ದಾರೆ. ಅದೇ ದಿನದಂದು ಅಭಿಮಾನಿಯೊಬ್ಬರು ಮಸಾಲಪೂರಿ, ಪಾನಿಪೂರಿ ಉಚಿತವಾಗಿ ನೀಡುವುದಾಗಿ ಹೇಳಿ ಬ್ಯಾನರ್ ಅಳವಡಿಸಿದ್ದಾರೆ.

ಸಿಲಿಕಾನ್ ಸಿಟಿಯ ಮಹಾಲಕ್ಷ್ಮಿ ಲೇಔಟ್​ನಲ್ಲಿರುವ ಅನಿಲ್ ಚಾಟ್ಸ್ ಸೆಂಟರ್​ನವರು ತಮ್ಮ ಅಂಗಡಿಗೆ ಬರುವ ಗ್ರಾಹಕರಿಗೆ ಫ್ರೀಯಾಗಿ ಮಸಾಲಪೂರಿ, ಪಾನಿಪೂರಿಯನ್ನು ಮಾರ್ಚ್ 17 ರಂದು ಸಂಜೆ ಸಮಯದಲ್ಲಿ ನೀಡುತ್ತಾರೆ. ಪುನೀತ್ ರಾಜ್​ಕುಮಾರ್ ಅವರ 50ನೇ ಹುಟ್ಟುಹಬ್ಬ ಪ್ರಯುಕ್ತ ಹಾಗೂ ಟೀಮ್ ಇಂಡಿಯಾ 2025ರ ಐಸಿಸಿ ಚಾಂಪಿಯನ್​ ಟ್ರೋಫಿ ಗೆದ್ದಿದ್ದಕ್ಕಾಗಿ ಮಸಾಲಪೂರಿ, ಪಾನಿಪೂರಿ ಉಚಿತವಾಗಿ ನೀಡಲಾಗುತ್ತದೆ.

ಇದನ್ನೂ ಓದಿ: ನಾಳೆ ಅಪ್ಪು ಸಿನಿಮಾ ರೀ ರಿಲೀಸ್​; ಅಂದು ಶತದಿನೋತ್ಸವ ಸಮಾರಂಭದಲ್ಲಿ ರಜನಿಕಾಂತ್ ಏನೆಂದು ಹೇಳಿದ್ದರು? Video

ಹೀಗಾಗಿ ಮಸಾಲಪೂರಿ, ಪಾನಿಪೂರಿ ತಿನ್ನಬೇಕು ಎನ್ನುವವರು ಅಂದು ಮಹಾಲಕ್ಷ್ಮಿ ಲೇಔಟ್​ನ ಸ್ವಿಮ್ಮಿಂಗ್ ಪೂಲ್ ಎದುರುಗಡೆ ಇರುವ ಅನಿಲ್ ಚಾಟ್ಸ್ ಸೆಂಟರ್​ಗೆ ಭೇಟಿ ನೀಡಬಹುದು. ನಿಮಗೆ ಬೇಕಾದಷ್ಟು ಚಾಟ್ಸ್ ತಿಂದು ಬರಬಹುದು. ಈಗಾಗಲೇ ತಮ್ಮ ಅಂಗಡಿ ಮುಂದೆ ಬ್ಯಾನರ್ ಅನ್ನು ಅಳವಡಿಸಿದ್ದಾರೆ. ಜೊತೆಗೆ ಫೋನ್ ನಂಬರ್ ಕೂಡ ಕೊಟ್ಟಿದ್ದಾರೆ.

ಇನ್ನು ಪುನೀತ್ ರಾಜ್​ಕುಮಾರ್ ಅವರ ಬರ್ತ್​ಡೇಗೆ ಇನ್ನು ಮೂರು ದಿನ ಮೊದಲೇ ಅಂದರೆ ನಾಳೆ ಅಪ್ಪು ಸಿನಿಮಾವನ್ನು ರೀ ರಿಲೀಸ್ ಮಾಡಲಾಗುತ್ತಿದೆ. ಈಗಾಗಲೇ ಈ ಸಿನಿಮಾದ ಟಿಕೆಟ್​ಗಳೆಲ್ಲಾ ಬಹುತೇಕ ಮಾರಾಟವಾಗಿವೆ. ಫಸ್ಟ್​ ಶೋ ಟಿಕೆಟ್​ಗಳು ಸೋಲ್ಡ್​ ಔಟ್ ಆಗಿವೆ. ಪುನೀತ್ ರಾಜ್​ಕುಮಾರ್ ಅವರ ಮೊದಲ ಸಿನಿಮಾವೇ 200 ದಿನಗಳವರೆಗೆ ಪ್ರದರ್ಶನ ಕಂಡಿತ್ತು ಎನ್ನುವುದು ವಿಶೇಷ.

ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ