ಮ್ಯಾಕ್ಸ್​ವೆಲ್​ಗೆ ಬಿಗ್ ಶಾಕ್​; IPL ಟೂರ್ನಿಯಿಂದಲೇ ಔಟ್​.. ಹೊಸ ಪ್ಲೇಯರ್​​ಗೆ ಮಣೆ, ಏನಾಯಿತು?

ಗ್ಲೆನ್ ಮ್ಯಾಕ್ಸ್​ವೆಲ್​​ ಸದ್ಯ ಪಂಜಾಬ್​ ಕಿಂಗ್ಸ್​ ತಂಡದಲ್ಲಿ ಆಲ್​​ರೌಂಡರ್ ಪ್ರದರ್ಶನ ನೀಡುತ್ತಿದ್ದಾರೆ. ಕಳೆದ ಬಾರಿ ಆರ್​ಸಿಬಿಯ ತಂಡದಲ್ಲಿ ಮ್ಯಾಕ್ಸ್​ವೆಲ್ ಅಷ್ಟಕ್ಕೆ ಅಷ್ಟೇ ಆಡಿದ್ದರು. 2025ರ ಸೀಸನ್​ನಲ್ಲಿ ಪಂಜಾಬ್ ತಂಡದಲ್ಲಿದ್ದು ಬ್ಯಾಟಿಂಗ್​ನಲ್ಲಿ ಅಂತಹದ್ದೇನು ದೊಡ್ಡ ಸಾಧನೆ ಮಾಡಿಲ್ಲ. ಈ ಎಲ್ಲದರ ಮಧ್ಯೆ ಮ್ಯಾಕ್ಸ್​ವೆಲ್ ಅವರನ್ನು ಪಂಜಾಬ್​ ತಂಡದಿಂದ ಕೈಬಿಡಲಾಗಿದೆ. ಇದಕ್ಕೆ ಬಲವಾದ ಕಾರಣ ಕೂಡ ಇದೆ.

ಸ್ಟಾರ್ ಆಲ್‌ರೌಂಡರ್ ಗ್ಲೆನ್ ಮ್ಯಾಕ್ಸ್​ವೆಲ್ ಅವರು ಸದ್ಯ ಕೈಬೆರಳಿನ ಮೂಳೆ ಮುರಿತದಿಂದ ಬಳಲುತ್ತಿದ್ದಾರೆ. ಇದರಿಂದ ಪಂದ್ಯದಲ್ಲಿ ಬೌಲಿಂಗ್​ ಹಾಗೂ ಬ್ಯಾಟಿಂಗ್ ಮಾಡಲು ಸಾಧ್ಯವಿಲ್ಲ ಎನ್ನಲಾಗಿದೆ. ಈಗಾಗಲೇ ಐಪಿಎಲ್​ ಪ್ಲೇ ಆಫ್​ ಹಂತಕ್ಕೆ ತಲುಪಿದ್ದು ರೋಚಕತೆ ಪಡೆದಿದ್ದರಿಂದ ಮ್ಯಾಕ್ಸ್​ವೆಲ್​​ ಬದಲಿಗೆ ಪಂಜಾಬ್​ ಕಿಂಗ್ಸ್​ ಬದಲಿ ಆಟಗಾರನಿಗೆ ಮಣೆ ಹಾಕಿದ್ದು 3 ಕೋಟಿ ರೂಪಾಯಿಗಳನ್ನು ನೀಡಿ ತಂಡಕ್ಕೆ ಕರೆ ತರುತ್ತಿದೆ.

ಇದನ್ನೂ ಓದಿ: ಕೊನೆ 2 ಓವರ್​ನಲ್ಲಿ 54 ರನ್​.. RCB ಸ್ಫೋಟಕ ಬ್ಯಾಟರ್​ ಶೆಫರ್ಡ್​​​ ಬ್ಯಾಟಿಂಗ್ ಹೇಗಿತ್ತು? -Video ಇಲ್ಲಿದೆ!

2025ರ ಉಳಿದ ಪಂದ್ಯಗಳಿಂದ ಗ್ಲೆನ್ ಮ್ಯಾಕ್ಸ್‌ವೆಲ್ ಹೊರಗುಳಿಯುತ್ತಿದ್ದರಿಂದ ಅವರ ಬದಲಿಗೆ ಆಸ್ಟ್ರೇಲಿಯಾದ ಮಿಚೆಲ್ ಓವನ್, ಪಂಜಾಬ್ ಕಿಂಗ್ಸ್ ತಂಡವನ್ನು ಸೇರಿಕೊಳ್ಳಲ್ಲಿದ್ದಾರೆ. ಪ್ರಸ್ತುತ ಪಾಕಿಸ್ತಾನ ಸೂಪರ್ ಲೀಗ್‌ (ಪಿಎಸ್​​ಎಲ್​)ನಲ್ಲಿ ಬಾಬರ್ ಅಜಮ್​ ನೇತೃತ್ವದ ಪೇಶಾವರ್ ಝಲ್ಮಿ ತಂಡದಲ್ಲಿ ಆಡುತ್ತಿರುವ ಬ್ಯಾಟರ್​ ಮಿಚೆಲ್ ಓವನ್ ಅವರನ್ನು 3 ಕೋಟಿ ಹಣ ನೀಡಿ ಪಂಜಾಬ್ ಫ್ರಾಂಚೈಸಿ ತಂಡಕ್ಕೆ ಕರೆತರುತ್ತಿದೆ.

ಆಸ್ಟ್ರೇಲಿಯಾದ ಗ್ಲೆನ್ ಮ್ಯಾಕ್ಸ್​ವೆಲ್​ ಅವರನ್ನು ಈ ಸಲ 4.2 ಕೋಟಿ ರೂಪಾಯಿಗಳಿಗೆ ಪಂಜಾಬ್ ಕಿಂಗ್ಸ್​ ಖರೀದಿ ಮಾಡಿತ್ತು. ಮೇಲೆ ಮೇಲೆ ಪಂದ್ಯದಲ್ಲಿ ಅವಕಾಶಗಳನ್ನು ನೀಡಿದರೂ ಮ್ಯಾಕ್ಸ್​​ವೆಲ್​ನಿಂದ ಯಾವುದೇ ಉತ್ತಮ ಮಟ್ಟದ ಪರ್ಫಾಮೆನ್ಸ್​ ಮೂಡಿ ಬಂದಿರಲಿಲ್ಲ. ಹೀಗಾಗಿ ಅಭಿಮಾನಿಗಳಿಂದ ಅಪಸ್ವರ ಕೇಳಿ ಬಂದಿತ್ತು. ಇದರ ಬೆನ್ನಲ್ಲೇ ಕೈಬೆರಳು ಮುರಿದಿದ್ದರಿಂದ ಅವರನ್ನು ಮುಂದಿನ ಐಪಿಎಲ್​ ಪಂದ್ಯಗಳಿಂದ ಹೊರಗಿಡಲಾಗಿದೆ ಎಂದು ತಿಳಿದು ಬಂದಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ