IPL ಟ್ರೋಫಿ ಗೆಲ್ಲೋ ಹಾಟ್ ಫೇವರಿಟ್ ತಂಡ ಇದು.. ಈ ಬಾರಿ​ ಚೊಚ್ಚಲ ಕಪ್​ಗೆ ಮುತ್ತಿಕ್ಕುತ್ತಾ..?​

ಐಪಿಎಲ್​ ಸೀಸನ್​ 18 ಅಂತಿಮ ಘಟ್ಟ ತಲುಪಿದೆ. ಕಪ್​ ಗೆಲ್ಲೋ ಫೇವರಿಟ್​ ಯಾರು ಎಂಬ ಚರ್ಚೆ ಸಿಕ್ಕಾಪಟ್ಟೆ ಜೋರಾಗಿ ನಡೀತಿದೆ. ​ಪಂಜಾಬ್ ಕಿಂಗ್ಸ್​ನ ಹೆಸರು ಈ ವಿಚಾರದಲ್ಲಿ ಪವರ್​​ಫುಲ್ ಆಗಿ ಕೇಳಿ ಬರ್ತಿದೆ. ಹಾಗಾದ್ರೆ, ಪಂಜಾಬ್​ ಈ ಬಾರಿ ಕಪ್​ ಗೆಲ್ಲುತ್ತಾ.? ಇವತ್ತು ಆರ್​​​ಸಿಬಿಗೆ ಟಫ್​ ಫೈಟ್​​ ಕೊಡುತ್ತಾ.? ಅಷ್ಟಕ್ಕೂ ಪಂಜಾಬ್​ನ ಯಾಕೆ ಫೇವರಿಟ್​?.

ತಂಡದ ನಾಯಕರು ಬದಲಾದ್ರು, ಕೋಚ್​ಗಳು ಬದಲಾದ್ರು, ಸ್ಟಾರ್ ಆಟಗಾರರು ಬಂದ್ರು, ಹೋದ್ರು. ಅಷ್ಟೇ ಏಕೆ ನಸೀಬು ಬದಲಾಗಲಿ ಅಂತಾ ಫ್ರಾಂಚೈಸಿ ಹೆಸರನ್ನೂ ಚೇಂಜ್​ ಮಾಡ್ತು. ಆದ್ರೆ, ಪಂಜಾಬ್​​ ತಂಡಕ್ಕೆ ಸಕ್ಸಸ್​ ಸಿಕ್ಕಿರಲಿಲ್ಲ. ಲಕ್ಕೂ ಒಲಿದಿರಲಿಲ್ಲ. ಆದ್ರೆ, ಸೀಸನ್​ 18ರ ಐಪಿಎಲ್​ನಲ್ಲಿ ಪಂಜಾಬ್​ ಕಿಂಗ್ಸ್ ಕ್ರಿಕೆಟ್​ ಲೋಕವನ್ನೇ ಅಚ್ಚರಿಗೆ ದೂಡಿದೆ. ಸುದೀರ್ಘ 11 ವರ್ಷಗಳ ಬಳಿಕ ಟೇಬಲ್​ ಟಾಪರ್​ ಆಗಿ ಪ್ಲೇ ಅಫ್​​ಗೆ ಎಂಟ್ರಿ ಕೊಟ್ಟಿದೆ.

ಲೀಗ್​ ಸ್ಟೇಜ್​ನಲ್ಲಿ ಬೊಂಬಾಟ್​ ಆಟವಾಡಿರೋ ಪಂಜಾಬ್​ ಈ ಬಾರಿ ಟ್ರೋಫಿ ಗೆಲ್ಲೋ ಹಾಟ್​ ಫೇವರಿಟ್​ ಅನಿಸಿದೆ. ಮಾಜಿ ಕ್ರಿಕೆಟರ್ಸ್​, ಕ್ರಿಕೆಟ್​ ಪಂಡಿತರು ಎಲ್ರೂ ಪಂಜಾಬ್​ ಕಪ್​ ಗೆಲ್ಲೋದು ಪಕ್ಕಾ ಎಂದು ಭವಿಷ್ಯ ನುಡೀತಿದ್ದಾರೆ. ಐಪಿಎಲ್​ ಇತಿಹಾಸದಲ್ಲಿ 3ನೇ ಬಾರಿ ಪಂಜಾಬ್​ ಪ್ಲೇ ಆಫ್​ಗೆ ಎಂಟ್ರಿ ನೀಡಿರೋದು. ಆದ್ರೆ, ಈ ಹಿಂದೆಂದಿಗಿಂತ ಈ ಬಾರಿ ಪಂಜಾಬ್​ ಬಲಿಷ್ಠವಾಗಿ ಕಾಣ್ತಿದೆ. ತಂಡದಲ್ಲಿ ಫೈರ್​​ ಇದೆ. ನಂಬಿಕೆ ಇದೆ. ಅಚಲವಾದ ಆತ್ಮವಿಶ್ವಾಸವಿದೆ. ಕಪ್​ ಗೆಲ್ಲೋ ತಂಡಕ್ಕೆ ಬೇಕಾದ ಎಲ್ಲಾ ಕ್ವಾಲಿಟೀಸ್​ ಇದೆ.

ಫೈರಿ ಓಪನರ್ಸ್.. ಪವರ್​​ಫುಲ್​ ಟಾಪ್​ ಆರ್ಡರ್​​.!

ಪಂಜಾಬ್​ನ ಅಸಲಿ ಪವರ್​ ಇರೋದೆ ಟಾಪ್​ ಆರ್ಡರ್​ ಬ್ಯಾಟಿಂಗ್​ನಲ್ಲಿ. ಈ ಬಾರಿ ಪಂಜಾಬ್​ಗೆ ಪವರ್​ಫುಲ್​ ಓಪನರ್ಸ್​ ಸಿಕ್ಕಿದ್ದಾರೆ. ಪ್ರಭ್​ಸಿಮ್ರನ್​ ಸಿಂಗ್​, ಪ್ರಿಯಾಂಶ್​ ಆರ್ಯ ಕನ್ಸಿಸ್ಟೆಂಟ್​ ಆಗಿ ಫೈರಿ ಬ್ಯಾಟಿಂಗ್​ ಮೂಲಕ ಗುಡ್​ ಸ್ಟಾರ್ಟ್​ ನೀಡ್ತಿದ್ದಾರೆ. 3ನೇ ಕ್ರಮಾಂಕದಲ್ಲಿ ಕ್ಯಾಪ್ಟನ್​ ಶ್ರೇಯಸ್​ ಅಯ್ಯರ್​ ಶೈನ್​ ಆಗಿದ್ದಾರೆ. ಟಾಪ್​ ಆರ್ಡರ್​ ಬ್ಯಾಟರ್ಸ್​ ಪವರ್​ ಪ್ಲೇನಲ್ಲಿ ಡಾಮಿನೇಟಿಂಗ್​ ಪರ್ಫಾಮೆನ್ಸ್​ ನೀಡ್ತಿದ್ದಾರೆ.

ಪಂಜಾಬ್​ ಟಾಪ್​ ಆರ್ಡರ್​​​ ಪ್ರದರ್ಶನ

ಲೀಗ್​ ಹಂತದ 14 ಪಂದ್ಯಗಳಿಂದ ಪ್ರಭ್​ಸಿಮ್ರನ್​ ಸಿಂಗ್​ 165.78ರ ಸ್ಟ್ರೈಕ್​ರೇಟ್​ನಲ್ಲಿ 499 ರನ್​ಗಳಿಸಿದ್ರೆ, ಪ್ರಿಯಾಂಶ್​ ಆರ್ಯ 183.54ರ ಸ್ಟ್ರೈಕ್​ರೇಟ್​ನಲ್ಲಿ 424 ರನ್​ಗಳಿಸಿದ್ದಾರೆ. ಶ್ರೇಯಸ್​ ಅಯ್ಯರ್​ 171.90ರ ಸ್ಟ್ರೈಕ್​ರೇಟ್​ನಲ್ಲಿ 514 ರನ್​ಗಳಿಸಿದ್ದಾರೆ.

ಬ್ಯಾಟಿಂಗ್​ ಡೆಪ್ತ್​​.. T20 ಸ್ಪೆಷಲಿಸ್ಟ್​ ಬ್ಯಾಟರ್ಸ್​​.!

ಈ ಸೀಸನ್​ನಲ್ಲಿ 8ನೇ ಕ್ರಮಾಂಕದವರೆಗೆ ಪಂಜಾಬ್​ ಪಡೆಯ ಬ್ಯಾಟಿಂಗ್​ ಡೆಪ್ತ್​​​ ಇದೆ. ಮಿಡಲ್​ ಆರ್ಡರ್​​, ಲೋವರ್​ ಆರ್ಡರ್​​ನಲ್ಲಿ ಟಿ20 ಸ್ಪೆಷಲಿಸ್ಟ್​ಗಳೇ ತಂಡದಲ್ಲಿದ್ದಾರೆ. ಜೋಶ್​ ಇಂಗ್ಲಿಸ್​, ನೆಹಾಲ್​ ವಡೇರಾ, ಶಶಾಂಕ್​ ಸಿಂಗ್​, ಮಾರ್ಕಸ್​​ ಸ್ಟೋಯಿನಿಸ್​​ರಂತ ಬಿಗ್​ ಹಿಟ್ಟರ್​ಗಳ ಬಲವಿದೆ. ಪರ್ಫಾಮೆನ್ಸ್​ ವಿಚಾರದಲ್ಲಿ ಇವರ್ಯಾರೂ ಹಿಂದೆ ಬಿದ್ದಿಲ್ಲ.

‘ಪರ್ಫೆಕ್ಟ್​ 4’.. ಬೌಲಿಂಗ್​ ವಿಭಾಗ ಸ್ಪಷ್ಟ & ಬಲಿಷ್ಠ.!

ಪಂಜಾಬ್​ ಕಿಂಗ್ಸ್​ ಬೌಲಿಂಗ್​ ಅಟ್ಯಾಕ್​ ಸ್ಪಷ್ಟ ಹಾಗೂ ಬಲಿಷ್ಠವಾಗಿದೆ. ಮಾರ್ಕೋ ಯಾನ್ಸೆನ್​, ಆರ್ಷ್​​ದೀಪ್​ ಸಿಂಗ್​ ಕರಾರುವಕ್​ ದಾಳಿ ಸಂಘಟಿಸ್ತಾ ಇದ್ರೆ, ಯುಜುವೇಂದ್ರ ಚಹಲ್​, ಹರ್ಪ್ರಿತ್​​ ಬ್ರಾರ್​ ಸ್ಪಿನ್​ ಮ್ಯಾಜಿಕ್​ ಮಾಡ್ತಿದ್ದಾರೆ. ಈ ಪರ್ಫೆಕ್ಟ್​ ಫೋರ್​ಗಳು ತಮ್ಮ ಪರ್ಫಾಮೆನ್ಸ್​ನಿಂದ ಎದುರಾಳಿಗಳ ಕಂಗೆಡಿಸಿದ್ದಾರೆ. ಎಕಾನಮಿಕಲ್​ ಸ್ಪೆಲ್​ಗಳನ್ನ ಹಾಕ್ತಿರೋ ಇವ್ರು ವಿಕೆಟ್​​ ಬೇಟೆಯಲ್ಲೂ ಹಿಂದೆ ಬಿದ್ದಿಲ್ಲ.

ಇದನ್ನೂ ಓದಿ: RCB ಜೊತೆ ಹೋರಾಟ ನಡೆಸೋ ಪಂಜಾಬ್ ಕಿಂಗ್ಸ್​​ನ ಸ್ಟ್ರೆಂಥ್, ​ವೀಕ್ನೆಸ್ ಏನೇನು..?

‘ಪಂಟರ್’​​ ಪಾಂಟಿಂಗ್​, ‘ಚಾಣಕ್ಷ’ ಶ್ರೇಯಸ್​..!

ಕ್ಯಾಪ್ಟನ್​​ ಶ್ರೇಯಸ್​ ಅಯ್ಯರ್​​, ಕೋಚ್​​ ರಿಕಿ ಪಾಂಟಿಂಗ್​​ ಪಂಜಾಬ್​ ತಂಡದ ಚರಿಷ್ಮಾವನ್ನೇ ಬದಲಿಸಿದ್ದಾರೆ. ಪ್ಲೇಯಿಂಗ್​ ಇಲೆವೆನ್​ ಸೆಲೆಕ್ಷನ್​ನಿಂದ ಹಿಡಿದು ಗೇಮ್​ ಪ್ಲಾನ್​, ಸ್ಟ್ರಾಟರ್ಜಿ ಎಲ್ಲಾ ವಿಚಾರದಲ್ಲೂ ಈ deadly duo ಬ್ರಿಲಿಯಂಟ್​​ ಡಿಶಿಷನ್​ ತೆಗೆದುಕೊಳ್ತಿದೆ. ರನ್​ಭೂಮಿಗೆ ಇಳಿದ ಮೇಲೆ ಕನ್​​ಪ್ಯೂಶನ್​ ಅನ್ನೋದು ತಂಡದಲ್ಲಿ ಇರಲ್ಲ. ಪಂಟರ್​​ ಪಾಂಟಿಂಗ್​ ಪಾಠವನ್ನ ಚಾಣಕ್ಷ ಶ್ರೇಯಸ್​​ ಅಯ್ಯರ್​ ಆನ್​ಫೀಲ್ಡ್​ನಲ್ಲಿ ಫರ್ಪೆಕ್ಟ್​ ಆಗಿ ಎಕ್ಸಿಕ್ಯೂಟ್​ ಮಾಡ್ತಿದ್ದಾರೆ.

ಬ್ಯಾಟಿಂಗ್​, ಬೌಲಿಂಗ್​ ಮಾತ್ರವಲ್ಲ, ಫೀಲ್ಡಿಂಗ್​ನಲ್ಲೂ ಪಂಜಾಬ್​ ಕಿಂಗ್ಸ್​ ಉತ್ತಮ ಪ್ರದರ್ಶನವನ್ನ ನೀಡ್ತಿದೆ. ಒಟ್ಟಾರೆಯಾಗಿ ಆಲ್​​​ರೌಂಡ್​ ಪರ್ಫಾಮೆನ್ಸ್​ನಿಂದ ಪಂಜಾಬ್​​ ಈ ಸೀಸನ್​ನ ಪವರ್​ಫುಲ್​ ತಂಡ ಅನಿಸಿದೆ. ಪಂಜಾಬ್​ ಕಪ್​ ಗೆಲ್ಲೋ ಹಾಟ್ ಫೇವರಿಟ್​ ಅನಿಸಿರೋದು ಈ ಕಾರಣಗಳಿಂದಲೇ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ