ಆರ್​ಸಿಬಿ ಮುಂದೆ ಸಾಧಾರಣ ಟಾರ್ಗೆಟ್​.. ಪಂಜಾಬ್​ ಕಿಂಗ್ಸ್​ಗೆ ಸೇಡಿನ ಡಿಚ್ಚಿ ಗ್ಯಾರಂಟಿ!

ಶ್ರೇಯಸ್ ಅಯ್ಯರ್ ನೇತೃತ್ವದ ಪಂಜಾಬ್​ ಕಿಂಗ್ಸ್ ಟೀಮ್, ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡಕ್ಕೆ ಸಾಧಾರಣ ಮೊತ್ತದ ಗುರಿ ನೀಡಿದೆ. ಆರ್​ಸಿಬಿ ಬೌಲರ್​ಗಳ ಅಬ್ಬರಕ್ಕೆ ಪಂಜಾಬ್​ ಬ್ಯಾಟರ್ಸ್​ ಆಡಲಾಗದೇ ಈ ಟಾರ್ಗೆಟ್ ನೀಡಿದ್ದಾರೆ.

ಮುಲ್ಲನ್ಪುರ್​​ನ ಮಹಾರಾಜ ಯಾದವೀಂದ್ರ ಸಿಂಗ್ ಅಂತರಾಷ್ಟ್ರೀಯ ಕ್ರಿಕೆಟ್ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಆರ್​ಸಿಬಿ ಒರ ರಜತ್ ಪಾಟಿದಾರ್ ಟಾಸ್ ಗೆದ್ದು ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಇವರ ನಿರ್ಧಾರ ಸರಿಯಾಗಿಯೇ ಇತ್ತು ಎಂದು ತಂಡ ಆರಂಭದ ನಂತರ ಗೊತ್ತಾಯಿತು. ಪಂಜಾಬ್ ಪರವಾಗಿ ಆರಂಭಿಕ ಬ್ಯಾಟರ್​ಗಳಾಗಿ ಕ್ರೀಸ್​ಗೆ ಬಂದ​ ಪ್ರಿಯಾಂಶ್ ಆರ್ಯ 22 ಹಾಗೂ ಪ್ರಭಸಿಮ್ರನ್ ಸಿಂಗ್ 33 ರನ್​ಗೆ ಔಟ್ ಆದರು. ಈ ಇಬ್ಬರು ಓಪನರ್ಸ್​ ಕೃನಾಲ್ ಪಾಂಡ್ಯ ಬೌಲಿಂಗ್​ನಲ್ಲಿ ಟಿಮ್​ ಡೇವಿಡ್​ಗೆ ಕ್ಯಾಚ್​ ಕೊಟ್ಟಿರುವುದು ಅಚ್ಚರಿಯಂತೆ ಕಾಣಿಸಿತು.

ಇದನ್ನೂ ಓದಿ:RCB ಆಲ್​​ರೌಂಡರ್​ ಬ್ಯೂಟಿ ಕ್ಯಾಚ್​.. ಪಂಜಾಬ್​ ಕ್ಯಾಪ್ಟನ್​​ ಶ್ರೇಯಸ್ ಅಯ್ಯರ್​ ಔಟ್ ಆಗಿದ್ದೇಗೆ?

ನಾಯಕ ಶ್ರೇಯಸ್ ಅಯ್ಯರ್ 3ನೇ ಕ್ರಮಾಂಕದಲ್ಲಿ ಮೈದಾನಕ್ಕೆ ಬಂದು, ಬೇಗನೆ ಹೊರ ನಡೆದರು. 6 ರನ್​ ಗಳಿಸಿದ್ದಾಗ ಬಿಗ್​ ಶಾಟ್​ ಬಾರಿಸಿದ ಅಯ್ಯರ್, ಕೃನಾಲ್​ ಪಾಂಡ್ಯಗೆ ಕ್ಯಾಚ್ ಕೊಟ್ಟರು. ಜೋಶ್ ಇಂಗ್ಲಿಸ್ ಕೆಲ ಹೊತ್ತು ಆರ್​ಸಿಬಿ ಬೌಲರ್​ಗಳನ್ನ ಕಾಡಿದರೂ 29 ರನ್​ಗೆ ಬೋಲ್ಡ್ ಆದ್ರು. ಶಶಾಂಕ್ ಸಿಂಗ್ ಪಂಜಾಬ್​ಗೆ ಆಸೆರೆಯಾದರು. ತಾಳ್ಮೆಯ ಬ್ಯಾಟಿಂಗ್ ಮಾಡಿದ ಶಶಾಂಕ್ 33 ಎಸೆತದಲ್ಲಿ ಒಂದು ಫೋರ್ ಸಮೇತ 31 ರನ್​ ಗಳಿಸಿ ಅಜೇಯರಾಗಿ ಉಳಿದರು.

ಮಾರ್ಕೋ ಜಾನ್ಸನ್ ತಂಡದಲ್ಲಿ ಉತ್ತಮ ಪ್ರದರ್ಶನ ನೀಡಿದರು. 20 ಬಾಲ್​ಗಳನ್ನು ಎದುರಿಸಿದ ವಿದೇಶಿ ಆಟಗಾರ 2 ಸಿಕ್ಸರ್​ಗಳಿಂದ 25 ರನ್​ಗಳಿಸಿದರು. ಇದರಿಂದ ಅಂತಿಮವಾಗಿ ಪಂಜಾಬ್​ ಕಿಂಗ್ಸ್ 20 ಓವರ್​ಗಳಲ್ಲಿ 6 ವಿಕೆಟ್​ಗೆ 158 ರನ್​ಗಳ ಗುರಿಯನ್ನು ಆರ್​ಸಿಬಿಗೆ ನೀಡಿದೆ. ಇನ್ನು ಬೆಂಗಳೂರು ತಂಡದಲ್ಲಿ ಕೃನಾಲ್ ಪಾಂಡ್ಯ, ಸುಯಶ್ ಶರ್ಮಾ ತಲಾ 2 ವಿಕೆಟ್ ಪಡೆದು ಸಂಭ್ರಮಿಸಿದರು, ಶೇಫರ್ಡ್ ಒಂದು ವಿಕೆಟ್ ಉರುಳಿಸಿದರು.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ