IPL ಮ್ಯಾಚ್​​ಗೂ ಮೊದಲೇ ಬಿಗ್ ಶಾಕ್.. ಪಂಜಾಬ್ vs ಡೆಲ್ಲಿ ಪಂದ್ಯ ಸ್ಟಾಪ್; ಏನಾಯಿತು?​

ದೀ ಗ್ರ್ಯಾಂಡ್​ ಐಪಿಎಲ್ ಟೂರ್ನಿಯ ಪಂದ್ಯಗಳು ಕೊನೆಯ ಹಂತಕ್ಕೆ ತಲುಪುತ್ತಿವೆ. ಸದ್ಯ ಇಂದು ಪಂಜಾಬ್ ಕಿಂಗ್ಸ್​ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್​ ನಡುವೆ ಹೈವೋಲ್ಟೇಜ್​ ಪಂದ್ಯ ನಡೆಯುವ ಮೊದಲೇ ವಿಘ್ನ ಎದುರಾಗಿದ್ದು ಮಳೆಯಿಂದಾಗಿ ಟಾಸ್​ ಅನ್ನು ವಿಳಂಬ ಮಾಡಲಾಗಿದೆ.

ಐಪಿಎಲ್ ವೇಳಾಪಟ್ಟಿಯಂತೆ ಪಂಜಾಬ್ ಕಿಂಗ್ಸ್​ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್​ ನಡುವಿನ ಮಹತ್ವದ ಪಂದ್ಯಕ್ಕೆ ಸಂಜೆ 7 ಗಂಟೆಗೆ ಸರಿಯಾಗಿ ಟಾಸ್ ಆಗಬೇಕಿತ್ತು. ಆದರೆ ಹಿಮಾಚಲ ಪ್ರದೇಶದ ಧರ್ಮಶಾಲಾ ಕ್ರಿಕೆಟ್ ಸ್ಟೇಡಿಯಂ ಸುತ್ತ ವರುಣರಾಯ ಆರ್ಭಟ ಶುರು ಮಾಡಿದ್ದಾನೆ. ಪಂದ್ಯ ನಡೆಯುವ ಮೊದಲೇ ಮಳೆ ಜೋರಾಗಿದ್ದರಿಂದ ಟಾಸ್ ಅನ್ನು ಇದುವರೆಗೂ ಹಾಕಿಲ್ಲ.

ಇದನ್ನೂ ಓದಿ:RCB ಪ್ಲೇಯರ್ಸ್​ ಟೆಂಪಲ್ ರನ್​.. ಐಪಿಎಲ್​ ಟ್ರೋಫಿಗಾಗಿ ಹನುಮಾನ್ ಆಶೀರ್ವಾದ ಪಡೆದ ಆಟಗಾರ

ಟಾಸ್ ಮಾಡಲೆಂದು ಎರಡು ತಂಡಗಳ ನಾಯಕರು ಹಾಗೂ ಸಿಬ್ಬಂದಿ ಸಂಜೆ 6:55ಕ್ಕೆ ಮೈದಾನಕ್ಕೆ ಆಗಮಿಸಿದ್ದರು. ಇನ್ನೇನು ಟಾಸ್ ಚಿಮ್ಮಬೇಕು ಅಷ್ಟರಲ್ಲೇ ಜೋರಾಗಿ ಮಳೆ ಸುರಿದಿದೆ. ಇದರಿಂದ ಎಲ್ಲರೂ ವಾಪಸ್ ಟ್ರೆಸ್ಸಿಂಗ್ ರೂಮ್ ಕಡೆ ಹೋಗಿದ್ದಾರೆ. ಉಳಿದಂತೆ ಸ್ಟೇಡಿಯಂನ ಸಿಬ್ಬಂದಿ ಪಿಚ್ ಅನ್ನು ತಾಡಪಾಲ್, ಕವರ್​ಗಳಿಂದ ಮುಚ್ಚಿದ್ದಾರೆ. ಸದ್ಯಕ್ಕೆ ಮಳೆ ಇನ್ನು ಬರುತ್ತಿದ್ದರಿಂದ ಟಾಸ್ ಹಾಕಿಲ್ಲ. ಇದಕ್ಕಾಗಿ ಎಲ್ಲರೂ ಕಾಯಬೇಕಾಗಿದೆ.

ಪಂಜಾಬ್ ಹಾಗೂ ಡೆಲ್ಲಿ ಎರಡು ತಂಡಕ್ಕೂ ಈ ಪಂದ್ಯ ಅತ್ಯಂತ ಮುಖ್ಯವಾಗಿದೆ. ಏಕೆಂದರೆ ಪ್ಲೇ ಆಫ್ ಹಂತಕ್ಕೆ ಹೋಗಬೇಕು ಎಂದರೆ ಎರಡು ತಂಡಗಳಿಗೆ ಇಂದಿನ ಪಂದ್ಯ ಅತ್ಯಂತ ನಿರ್ಣಾಯಕವಾಗಿದೆ. 15 ಅಂಕಗಳಿಂದ ಪಂಜಾಬ್ 3ನೇ ಸ್ಥಾನದಲ್ಲಿದ್ರೆ, 13 ಅಂಕ ಪಡೆದು ಡೆಲ್ಲಿ ಕ್ಯಾಪಿಟಲ್ಸ್​ 5ನೇ ಸ್ಥಾನದಲ್ಲಿದೆ. ಒಂದು ವೇಳೆ ಮಳೆಯಿಂದ ಎರಡಕ್ಕೂ ಪಾಯಿಂಟ್ ಹಂಚಿದ್ರೆ ಡೆಲ್ಲಿಗೆ ನಷ್ಟವಾಗಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ