ಆರ್​​ಸಿಬಿಗೆ ಪಂಜಾಬ್ ಸವಾಲು.. ಐಪಿಎಲ್​ನ ಮುಂದಿನ ಪಂದ್ಯಗಳು ಹೇಗಿರಲಿವೆ..?

ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡದ ಕೊನೆಯ ಲೀಗ್ ಪಂದ್ಯದಿಂದ ಪ್ಲೇ ಆಫ್​ ಪಂದ್ಯಗಳು ನಿರ್ಧಾವಾಗಿವೆ. ಆರ್​ಸಿಬಿ ಹಾಗೂ ಎಲ್​ಎಸ್​ಜಿ ನಡುವಿನ ಕೊನೆ ಪಂದ್ಯದ ಫಲಿತಾಂಶ ಬಂದ ಬಳಿಕ ಗುಜರಾತ್​ ಟೈಟನ್ಸ್​, ಪಂಜಾಬ್ ಕಿಂಗ್ಸ್​ ಹಾಗೂ ಮುಂಬೈ ಇಂಡಿಯನ್ಸ್​ ತಂಡಗಳ ಮುಂದಿನ ಪಂದ್ಯದ ಬಗ್ಗೆ ಮಾಹಿತಿ ಹೊರ ಬಿದ್ದಿದೆ. ಲಕ್ನೋ ವಿರುದ್ಧ ಜಯಭೇರಿ ಬಾರಿಸಿರುವ ಆರ್​ಸಿಬಿ ಮುಂದಿನ ಪಂದ್ಯವನ್ನು ಪಂಜಾಬ್​ ಕಿಂಗ್ಸ್​ ವಿರುದ್ಧ ಹೋರಾಡಲಿದೆ.

ಲಕ್ನೋ ತಂಡದ ವಿರುದ್ಧ ಆರ್​ಸಿಬಿ 228 ರನ್​ಗಳನ್ನು ಚೇಸ್ ಮಾಡಿ ಗೆಲ್ಲುವ ಮೂಲಕ 19 ಪಾಯಿಂಟ್​ಗಳಿಂದ ಟೇಬಲ್​ನಲ್ಲಿ 2ನೇ ಸ್ಥಾನ ಪಡೆದಿದೆ. ಇದರಿಂದ ಮುಂದಿನ ಪಂದ್ಯವನ್ನು ಮೇ 29 ಅಂದರೆ ನಾಳೆಯೇ ಪಂಜಾಬ್​ ಕಿಂಗ್ಸ್​ ವಿರುದ್ಧ ಕದನಕ್ಕೆ ಇಳಿಯಲಿದೆ. ಕ್ವಾಲಿಫೈಯರ್​- 1 ಪಂದ್ಯದಲ್ಲಿ ಆರ್​ಸಿಬಿ ಹಾಗೂ ಪಂಜಾಬ್​ ತಂಡ ಆಡಲಿವೆ. ಈ ಪಂದ್ಯದಲ್ಲಿ ಗೆಲ್ಲುವ ಟೀಮ್ ನೇರವಾಗಿ ಫೈನಲ್​ಗೆ ಎಂಟ್ರಿ ಕೊಡಲಿದೆ.

ಮೇ 30 ರಂದು ಎಲಿಮಿನೇಟರ್ ಪಂದ್ಯ ನಡೆಯಲಿದೆ. ಈ ಎಲಿಮಿನೇಟರ್​ನಲ್ಲಿ ಮುಂಬೈ ಇಂಡಿಯನ್ಸ್​ ಹಾಗೂ ಗುಜರಾತ್ ಟೈಟನ್ಸ್ ನಡುವೆ ಹೈವೋಲ್ಟೇಜ್ ಮ್ಯಾಚ್ ನಡೆಯುತ್ತದೆ. ಈ ಎರಡರಲ್ಲಿ ಗೆದ್ದಂತಹ ತಂಡ ಕ್ವಾಲಿಫೈಯರ್​- 2ಗೆ ಎಂಟ್ರಿ ಆಗುತ್ತದೆ. ​

ಕ್ವಾಲಿಫೈಯರ್​- 1ರಲ್ಲಿ ಆರ್​ಸಿಬಿ ಹಾಗೂ ಪಂಜಾಬ್​ ಈ ಎರಡರಲ್ಲಿ ಸೋತ ತಂಡ ಇನ್ನೊಂದು ಪಂದ್ಯವನ್ನು ಎಲಿಮಿನೇಟರ್​ ಜೊತೆ ಆಡುವ ಅವಕಾಶ ಇರುತ್ತದೆ. ಮುಂಬೈ ಇಂಡಿಯನ್ಸ್​ ಅಥವಾ ಗುಜರಾತ್​ ವಿರುದ್ಧ ಕ್ವಾಲಿಫೈಯರ್​- 2 ಪಂದ್ಯ ಇರುತ್ತದೆ. ಕ್ವಾಲಿಫೈಯರ್​- 2 ಪಂದ್ಯ ಜೂನ್​ 01 ರಂದು ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ನಡೆಯಲಿದೆ. ಫೈನಲ್​ ಮ್ಯಾಚ್​ ಕೂಡ ಇದೇ ಸ್ಟೇಡಿಯಂನಲ್ಲಿ ನಡೆಯುತ್ತದೆ.

ಇದನ್ನೂ ಓದಿ: RCB ಗೆಲುವಿಗೆ ಇವರನ್ನು ಮರೆಯುವಂತಿಲ್ಲ.. ಪಂದ್ಯ ಮುಗಿದ ಬಳಿಕ ಕನ್ನಡಿಗ ಮಯಾಂಕ್ ಏನಂದ್ರು..?

• ಕ್ವಾಲಿಫೈಯರ್​- 1 ಪಂದ್ಯ ನಡೆಯುವ ಸ್ಥಳ- ಮುಲ್ಲನಪುರ, ನ್ಯೂ ಪಿಸಿಎ ಸ್ಟೇಡಿಯಂ, ನ್ಯೂ ಚಂಡೀಗಢ
• ಲಿಮಿನೇಟರ್ ಪಂದ್ಯ ನಡೆಯುವ ಸ್ಥಳ- ಮುಲ್ಲನಪುರ, ನ್ಯೂ ಪಿಸಿಎ ಸ್ಟೇಡಿಯಂ, ನ್ಯೂ ಚಂಡೀಗಢ
• ಕ್ವಾಲಿಫೈಯರ್​- 2 ಪಂದ್ಯ ನಡೆಯುವ ಸ್ಥಳ- ನರೇಂದ್ರ ಮೋದಿ ಸ್ಟೇಡಿಯಂ, ಅಹಮದಾಬಾದ್
• ಫೈನಲ್​ ಪಂದ್ಯ- ನರೇಂದ್ರ ಮೋದಿ ಸ್ಟೇಡಿಯಂ, ಅಹಮದಾಬಾದ್

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ