ಶ್ರೇಯಸ್​ ಅಯ್ಯರ್​ಗೆ ಜಾಕ್​ಪಾಟ್​​; 26.75 ಕೋಟಿ ಜತೆ ಬಿಗ್​ ಆಫರ್​ ಕೊಟ್ಟ ಪಂಜಾಬ್​​

ಕಳೆದ ಇಂಡಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ತಂಡವನ್ನು ಚಾಂಪಿಯನ್​ ಮಾಡಿದ್ದು ಶ್ರೇಯಸ್​ ಅಯ್ಯರ್​​. ಇವರು ಇತ್ತೀಚೆಗೆ ನಡೆದ ಮೆಗಾ ಹರಾಜಿನಲ್ಲಿ ದಾಖಲೆ ಬೆಲೆಗೆ ಪಂಜಾಬ್​ ತಂಡದ ಪಾಲಾಗಿದ್ದಾರೆ.

ಶ್ರೇಯಸ್ ಅಯ್ಯರ್ 2 ಕೋಟಿ ಬೇಸ್​ ಪ್ರೈಸ್​ನೊಂದಿಗೆ ಮೆಗಾ ಹರಾಜಿನಲ್ಲಿ ಕಾಣಿಸಿಕೊಂಡರು. ಇವರ ಖರೀದಿಗಾಗಿ ಪಂಜಾಬ್ ಕಿಂಗ್ಸ್ ಹಾಗೂ ಡೆಲ್ಲಿ ಕ್ಯಾಪಿಟಲ್ಸ್ ಮಧ್ಯೆ ಭಾರೀ ಪೈಪೋಟಿ ಏರ್ಪಟ್ಟಿತ್ತು. ಕೊನೆಗೆ ಶ್ರೇಯಸ್ ಅಯ್ಯರ್ ಬರೋಬ್ಬರಿ 26.75 ಕೋಟಿಗೆ ಪಂಜಾಬ್ ಕಿಂಗ್ಸ್ ತಂಡದ ಪಾಲಾದ್ರು. ಐಪಿಎಲ್ ಇತಿಹಾಸದಲ್ಲೇ ಅತ್ಯಂತ ದುಬಾರಿ ಬೆಲೆಗೆ ಮಾರಾಟವಾದ ಆಟಗಾರರ ಪಟ್ಟಿಗೆ ಇವರು ಸೇರಿದ್ರು.

ಹರಾಜಿಗೂ ಮೊದಲು ಶ್ರೇಯಸ್ ಅಯ್ಯರ್ ಡೆಲ್ಲಿ ಕ್ಯಾಪಿಟಲ್ಸ್ ತಂಡ ಸೇರಲಿದ್ದಾರೆ ಎನ್ನಲಾಗಿತ್ತು. ಆದರೆ, ಶ್ರೇಯಸ್​ ಅಯ್ಯರ್​ ದಿಢೀರ್​​ ಪಂಜಾಬ್​ ಸೇರಲು ಕಾರಣ ಹೆಡ್​ ಕೋಚ್​​​ ರಿಕಿ ಪಾಂಟಿಂಗ್. ಸದ್ಯ ಪಂಜಾಬ್ ತಂಡದಲ್ಲಿರೋ ಇವರು ಈ ಹಿಂದೆ ಡೆಲ್ಲಿ ಕ್ಯಾಪಿಟಲ್ಸ್​ ಭಾಗವಾಗಿದ್ರು.

ಅಯ್ಯರ್ ಪಂಜಾಬ್ ಕ್ಯಾಪ್ಟನ್‌

ಪಂಜಾಬ್​ ಶ್ರೇಯಸ್‌ ಅಯ್ಯರ್ ಅವರನ್ನು ಖರೀದಿಸಲು ಮತ್ತೊಂದು ಕಾರಣ ಕ್ಯಾಪ್ಟನ್ಸಿ. ಪಂಜಾಬ್ ಕಿಂಗ್ಸ್‌ ತಂಡಕ್ಕೆ ನಾಯಕನ ಅಗತ್ಯವಿತ್ತು. ಈಗ ಅಯ್ಯರ್ ಅವರಿಗೆ ಪಂಜಾಬ್​ ತಂಡದ ನಾಯಕತ್ವ ನೀಡುವ ಸಾಧ್ಯತೆ ಇದೆ. ಶ್ರೇಯಸ್ ಅಯ್ಯರ್ ಮತ್ತು ರಿಕಿ ಪಾಂಟಿಂಗ್ ಜೋಡಿ ಪಂಜಾಬ್‌ ಕಿಂಗ್ಸ್‌ ಗೆಲುವಿಗೆ ಬುನಾದಿ ಆಗಬಹುದು ಎಂಬುದು ಎಲ್ಲರ ಅಭಿಪ್ರಾಯ.

ಪಂಜಾಬ್​ ಕಿಂಗ್ಸ್​ಗೆ ಬಿಗ್​ ಶಾಕ್​​

ಐಪಿಎಲ್​ ವಿನ್ನಿಂಗ್​ ಕ್ಯಾಪ್ಟನ್​​ ಶ್ರೇಯಸ್​ ಅಯ್ಯರ್​​​ ಪಂಜಾಬ್​ ಕಿಂಗ್ಸ್​ಗೆ ಬಿಗ್​ ಶಾಕ್​ ಕೊಟ್ಟಿದ್ದಾರೆ. ಈ ಬಗ್ಗೆ ಮಾತಾಡಿರೋ ಅವರು, ನನ್ನನ್ನು ಖರೀದಿ ಮಾಡಿದ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಧನ್ಯವಾದಗಳು. ತಂಡದ ಪರ ಆಡಲು ಕಾಯುತ್ತಿದ್ದೇನೆ. ಮೊದಲಾರ್ಧ ಸೀಸನ್​​ ನಾನು ಲಭ್ಯ ಇರಲ್ಲ. ವೈಯಕ್ತಿಕ ಕಾರಣಗಳಿಂದ ಅರ್ಧ ಸೀಸನ್​​ ಹೊರಗುಳಿಯುತ್ತಿದ್ದೇನೆ ಎಂದಿದ್ದಾರೆ. ಅರ್ಧ ಸೀಸನ್​ ನಂತರ ತಂಡ ಸೇರಿಕೊಳ್ಳುವುದಾಗಿ ಶ್ರೇಯಸ್​ ಅಯ್ಯರ್​​ ತಿಳಿಸಿದ್ದಾರೆ.

ಇದನ್ನೂ ಓದಿ:ಬರೋಬ್ಬರಿ 26.75 ಕೋಟಿಗೆ ಖರೀದಿ ಮಾಡಿದ್ದ ಪಂಜಾಬ್​; ಬಿಗ್​ ಶಾಕ್​ ಕೊಟ್ಟ ಶ್ರೇಯಸ್​ ಅಯ್ಯರ್​​

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ