ಪೈರಸಿ ಬಲೆಗೆ ಬಿದ್ದ ಪುಷ್ಪರಾಜ್.. ಬಾಕ್ಸ್​ ಆಫೀಸ್ ಗಳಿಕೆಗೆ ಬೀಳುತ್ತಾ ಕೊಡಲಿ ಪೆಟ್ಟು?

ಅಲ್ಲು ಅರ್ಜುನ್ ಬಹು ನಿರೀಕ್ಷಿತ ಸಿನಿಮಾ ಪುಷ್ಪಾ 2 ರಿಲೀಸ್ ಆಗಿ ದೊಡ್ಡ ಹವಾ ಕ್ರಿಯೇಟ್ ಮಾಡ್ತಿದೆ. ಡಿಸೆಂಬರ್ 5 ರಂದು ಅಂದ್ರೆ ಇಂದು ತೆರೆ ಕಂಡ ಸಿನಿಮಾ ವಿಶ್ವದಾದ್ಯಂತ ಭಾರೀ ಓಪನಿಂಗ್ ಪಡೆದುಕೊಂಡಿದೆ. ಸುಕುಮಾರ್ ನಿರ್ದೇಶನದ ಈ ಸಿನಿಮಾದಲ್ಲಿ ನ್ಯಾಷನಲ್ ಕ್ರಶ್ ರಶ್ಮಿಕಾ ಮತ್ತು ಫಹಾದ್ ಫಾಸೀಲ್​ ಕೂಡ ನಟನೆ ಮಾಡಿದ್ದಾರೆ. ಸದ್ಯ ಭರ್ಜರಿ ಓಪನಿಂಗ್​ನಿಂದಾಗಿ ಚಿತ್ರತಂಡ ಖುಷಿಯಲ್ಲಿ ಇದ್ರೆ ಮತ್ತೊಂದು ಕಡೆ ಸಿನಿಮಾದ ವಿಡಿಯೋ ಸೋರಿಕೆಯಾದ ಆಘಾತ ಕಾಡುತ್ತಿದೆ.

ಇತ್ತೀಚೆಗೆ ಬಂದ ವರದಿಗಳ ಪ್ರಕಾರ ಪುಷ್ಪಾ 2 ಸಿನಿಮಾದ ವಿಡಿಯೋ ಆನ್​ಲೈನ್​ನಲ್ಲಿ ಲೀಕ್ ಆಗಿ ಪೈರಸಿ ಆಗಿದೆ ಎಂದು ಹೇಳಲಾಗುತ್ತಿದೆ. ಕಾನೂನು ಬಾಹಿರಾಗಿ ಚಟುವಟಿಕೆಯಲ್ಲಿರುವ ವೆಬ್​ಸೈಟ್​ಗಳಾದ ಇಬೊಮ್ಮಾ, ಮೋವಿರೂಲ್ಜ್​, ತಮಿಳುರಾಕರ್ಸ್​, ಫಿಲ್ಮಿಜಿಲ್ಲಾ, ತಮಿಳುಯೋಗಿ, ತಮಿಳುಬ್ಲಾಸ್ಟರ್ಸ್​, ಬಾಲಿ4ಯು, ಜೈಶ್ ಮೋವಿಸ್​, 9ಎಕ್ಸ್ಮುವಿಸ್ ಮತ್ತು ಮೂವಿಎಸ್​ಡಿಎನಲ್ಲಿ ಪೈರೆಟೆಡ್​ ವರ್ಷನ್ ಮೂವಿ ಎಲ್ಲ ಕೈಗೂ ಸಿಗುತ್ತಿದೆ ಎಂಬ ಮಾಹಿತಿಗಳು ಆಚೆ ಬರುತ್ತಿವೆ. ಅದರಲ್ಲೂ 1080ಪಿಕ್ಸಲ್, 720ಪಿಕ್ಸಲ್​, 480ಪಿಕ್ಸಲ್​, 360 ಹಾಗೂ ಹೆಚ್​ಡಿ ಕ್ವಾಲಿಟಿಯ ವಿಡಿಯೋನೇ ಸೋರಿಕೆಯಾಗಿದೆ ಎಂದು ಹೇಳಲಾಗುತ್ತಿದೆ.

ಇದನ್ನೂ ಓದಿ: ಪುಷ್ಪ 2 ಚಿತ್ರದ ಬಗ್ಗೆ ಇಂಟ್ರೆಸ್ಟಿಂಗ್ ಆಗಿ ಟ್ವೀಟ್ ಮಾಡಿದ ಆರ್​ಜಿವಿ..!

ಇನ್ನು ಪುಷ್ಪಾ 2 ಸಿನಿಮಾಗಾಗಿ ವೆಬ್​ಸೈಟ್​ನಲ್ಲಿ ಹುಡುಕಾಟವು ಕೂಡ ಜೋರಾಗಿದೆ. ಪುಷ್ಪಾ2 ಡೌನ್​ಲೊಡ್​, ಪುಷ್ಪಾ2 ದಿ ರೂಲ್ ಮೂವಿ ಹೆಚ್​ಡಿ ಡೌನ್​ಲೊಡ್​, ಪುಷ್ಪಾ2ದಿರೂಲ್​ ತಮಿಳುರಾಕರ್ಸ್​, ಪುಷ್ಪಾ2 ಫಿಲ್ಮಿಜಿಲ್ಲಾ ಹೀಗೆ ಹಲವು ರೀತಿಯಲ್ಲಿ ಪುಷ್ಪಾ 2 ಸಿನಿಮಾದ ಪೈರೆಟೆಡ್ ಮೂವಿಯನ್ನು ಆನ್​ಲೈನ್​ನಲ್ಲಿ ಜನರು ಹುಡುಕಾಟ ನಡೆಸುತ್ತಿದ್ದಾರೆ.

ಪುಷ್ಪಾ 2 ಸಿನಿಮಾದ ವಿಡಿಯೋ ಲೀಕ್​ ಆಗಿರುವುದು ಚಿತ್ರತಂಡಕ್ಕೆ ದೊಡ್ಡ ಆಘಾತ ತಂದಿದೆ. ಮುಂಬರುವ ದಿನಗಳಲ್ಲಿ ಬಾಕ್ಸ್​ ಆಫೀಸ್ ಕಲೆಕ್ಷನ್ ಮೇಲೆ ಭಾರೀ ಹೊಡೆತ ಬೀಳುವ ಸಾಧ್ಯತೆ ಇದೆ ಎಂದು ಕೂಡ ಅಂದಾಜಿಸಲಾಗುತ್ತಿದೆ. 2021ರಲ್ಲಿ ಸಕ್ಸಸ್ ಕಂಡಿದ್ದ ಪುಷ್ಪಾ ಸಿನಿಮಾದ ಸಿಕ್ವೇಲ್ ಆಗಿದ್ದ ಈ ಸಿನಿಮಾ ಮುಂಬರುವ ದಿನಗಳಲ್ಲಿ ಕಮರ್ಷಿಯಲ್ ಹಿಟ್ ಎನ್ನಿಸಿಕೊಳ್ಳುವಲ್ಲಿ ಎಡುವುತ್ತಾ ಅನ್ನೋ ಆತಂಕಗಳು ಸಿನಿಮಾ ತಂಡವನ್ನು ಸದ್ಯ ಕಾಡುತ್ತಿದೆ.

ಇದನ್ನೂ ಓದಿ:ಪುಷ್ಪ-2 ಸಕ್ಸಸ್ ಖುಷಿಯಲ್ಲಿರುವ ಅಲ್ಲು ಅರ್ಜುನ್​​ಗೆ ಮಗನಿಂದ ಮುದ್ದಾದ ಗಿಫ್ಟ್..!

ಈಗಾಗಲೇ ಸಿನಿಮಾದ ಟಿಕೆಟ್ ರೇಟ್​ 2 ಸಾವಿರ ರೂಪಾಯಿಗೂ ಹೆಚ್ಚು ಬಿಕರಿಯಾಗುತ್ತಿವೆ. ಸಿನಿಮಾ ಮಾರುಕಟ್ಟೆಯಲ್ಲಿ ಪುಷ್ಪಾ-2 ದೊಡ್ಡ ನಿರೀಕ್ಷೆ ಹಾಗೂ ಹೈಪ್​ ಕೂಡ ಕ್ರಿಯೇಟ್ ಮಾಡಿದೆ. ದೇಶಾದ್ಯಂತ ಪ್ಯಾನ್ ಇಂಡಿಯಾ ಮಟ್ಟದಲ್ಲಿ ಸಿನಿಮಾ ರಿಲೀಸ್ ಆಗಿ ಮೊದಲ ದಿನವೇ ಭರ್ಜರಿ ಪ್ರತಿಕ್ರಿಯೆಗಳು ಬರುತ್ತಿರುವ ಸಮಯದಲ್ಲಿ ಸಿನಿಮಾ ತಂಡಕ್ಕೆ ಬರಸಿಡಿಲಿನಂತೆ ಈಗ ಸಿನಿಮಾ ಪೈರಸಿ ಆಗಿರುವ ಸುದ್ದಿ ಬಂದಪ್ಪಳಿಸಿದೆ. ಮುಂದೆ ಈ ಬಗ್ಗೆ ಸಿನಿಮಾ ತಂಡ ಈ ಪೈರಸಿ ವಿರುದ್ಧ ಯಾವ ಕ್ರಮಕ್ಕೆ ಮುಂದಾಗಲಿದೆ ಎಂಬುದನ್ನು ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ