‘ನಾವು ಯಾಕೆ ಇರಾನ್​ಗೆ ಸಹಾಯ ಮಾಡ್ತಿಲ್ಲ ಅಂದರೆ..’ ಅಚ್ಚರಿಯ ನಿರ್ಧಾರ ತಿಳಿಸಿದ ರಷ್ಯಾ ಅಧ್ಯಕ್ಷ ಪುಟಿನ್..!

ಇದು ಪ್ರತಿಷ್ಠೆಯ ಕದನ.. ಇರಾನ್​ ಪರಮಾಣು ಪ್ರತಿಷ್ಠೆ ಮಧ್ಯಪ್ರಾಚ್ಯದಲ್ಲಿ ಸ್ಫೋಟಕಗಳ ಬೆಂಕಿ ಸುರಿಯುವಂತೆ ಮಾಡಿದೆ. ಇಸ್ರೇಲ್​ಗೆ ಅಮೆರಿಕ ಸಾಥ್ ನೀಡಿದ್ದು ಜಂಟಿಯಾಗಿ ಇರಾನ್ ವಿರುದ್ಧ ಸೈರನ್ ಮೊಳಗಿಸಿವೆ. ಇರಾನ್​ನ ಮೂರು ಪರಮಾಣು ನೆಲೆಗಳನ್ನು ಅಮೆರಿಕ ಸೇನೆ ಧ್ವಂಸಗೊಳಿಸಿದ್ದು ಈ ಮಧ್ಯೆ ಇರಾನ್​ ಕೂಡ ಪ್ರತೀಕಾರದ ದಾಳಿ ನಡೆಸ್ತಿದೆ.

ಇದರ ಬೆನ್ನಲ್ಲೇ ಇರಾನ್​ನ ವಿದೇಶಾಂಗ ಸಚಿವರು ರಷ್ಯಾ ಅಧ್ಯಕ್ಷ ಪುಟಿನ್ ಜೊತೆ ಮಾತುಕತೆ ನಡೆಸಿದ್ದಾರೆ. ಅಮೆರಿಕ ಎಂಟ್ರಿಯನ್ನು ರಷ್ಯಾ ಈ ಹಿಂದೆಯೇ ವಿರೋಧಿಸಿತ್ತು. ಅಲ್ಲದೇ ಇಸ್ರೇಲ್, ಇರಾನ್ ಮೇಲೆ ನಡೆಸ್ತಿದ್ದ ದಾಳಿಯನ್ನೂ ಖಂಡಿಸಿ ಇರಾನ್ ಪರ ರಷ್ಯಾ ಬ್ಯಾಟ್ ಬೀಸಿತ್ತು. ಹೀಗಾಗಿ ರಷ್ಯಾ ಇರಾನ್ ಪರ ಸ್ಟ್ಯಾಂಡ್ ತೆಗೆದುಕೊಳ್ಳಲಿದೆ. ಇಸ್ರೇಲ್ ಜೊತೆಗಿನ ಹೋರಾಟದಲ್ಲಿ ನೇರವಾಗಿ ಸಹಾಯ ಮಾಡಲಿದೆ ಎಂದು ಹೇಳಲಾಗಿತ್ತು.

ಇದನ್ನೂ ಓದಿ: ಇರಾನ್ ಹೊರ್ಮುಜ್ ಜಲಸಂಧಿ ಬಂದ್ ಮಾಡಿದರೆ.. ​​​ಭಾರತದ ಮೇಲೆ ಏನೆಲ್ಲಾ ಪರಿಣಾಮ..?

ಆದರೆ ರಷ್ಯಾದ ನಿಲುವು ಇರಾನ್ ಪರವಾಗಿದ್ದರೂ ಸಹಾಯ ಮಾಡುತ್ತಿಲ್ಲ ಎಂದು ಪುಟಿನ್ ತಿಳಿಸಿದ್ದಾರೆ. ಯಾಕೆ ತಾವು ಇರಾನ್​ಗೆ ಸಹಾಯ ಮಾಡ್ತಿಲ್ಲ ಎಂದು ತಿಳಿಸಿರುವ ರಷ್ಯಾ ಅಧ್ಯಕ್ಷ, ಇಸ್ರೇಲ್ ದೇಶದಲ್ಲಿ 2 ಮಿಲಿಯನ್ ರಷ್ಯಾ ದೇಶದ ಜನರು ವಾಸಿಸುತ್ತಿದ್ದಾರೆ. ಇಸ್ರೇಲ್ ಈಗ ಬಹುತೇಕ ರಷ್ಯನ್ ಮಾತನಾಡುವ ಜನರಿಂದ ತುಂಬಿದೆ. ಇಸ್ರೇಲ್‌ನ ಶೇ.15 ರಷ್ಟು ಜನರು ರಷ್ಯಾದವರು. ಇದನ್ನು ಪರಿಗಣನೆಗೆ ತೆಗೆದುಕೊಂಡು ನಾವು ಇರಾನ್​ಗೆ ಸಹಾಯ ಮಾಡುತ್ತಿಲ್ಲ ಎಂದು ಪುಟಿನ್ ಹೇಳಿದ್ದಾರೆ.

ಇದನ್ನೂ ಓದಿ: ಇರಾನ್ ದಿಕ್ಕು ತಪ್ಪಿಸಿ ಅಮೆರಿಕ ದಾಳಿ ನಡೆಸಿದ್ದೇಗೆ? ಮಿಡ್ ನೈಟ್ ಹ್ಯಾಮರ್​​ನ ರಹಸ್ಯ ರಿವೀಲ್..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ