ಸಖತ್​ ಸಂಭ್ರಮದಲ್ಲಿ ಪುಟ್ಟಕ್ಕನ ಮಕ್ಕಳು ಸೀರಿಯಲ್​ ಇಡೀ ತಂಡ; ಕಾರಣ ಇದೇ ನೋಡಿ

ಪುಟ್ಟಕ್ಕನ ಮಕ್ಕಳು ಕತೆ ಮತ್ತೆ ಟೇಕ್​ ಆಫ್​ ಆಗಿದೆ. ಮುಕ್ತಾಯ ಆಗುತ್ತಾ ಅಂತ ಅಂದುಕೊಂಡಿದ್ದ ಸ್ಟೋರಿಗೆ ಹೊಸ ಹುರುಪು ತಗೊಂಡು ಬಂದಿದೆ​. ಇದೇ ಸಂದರ್ಭದಲ್ಲಿ ಸಾವಿರದ ಸಂಚಿಕೆ ಪೂರೈಸಿದೆ ಧಾರಾವಾಹಿ. ಅಶ್ವಿನಿ ನಕ್ಷತ್ರ, ಜೋಡಿ ಹಕ್ಕಿ, ಭೂಮಿಗೆ ಬಂದ ಭಗವಂತ ಸೇರಿದಂತೆ ಹಲವು ಯಶಸ್ವಿ ಧಾರಾವಾಹಿ ಕೊಡೆಗೆ ನೀಡಿರೋ ಆರೂರು ಜಗದೀಶ್​ ಅವರ ನಿರ್ಮಾಣದಲ್ಲಿ ಮೂಡಿ ಬರ್ತಿರೋ ಪುಟ್ಟಕ್ಕನ ಮಕ್ಕಳು ಕೂಡ ದಾಖಲೆಯ ಮೈಲಿಗಲ್ಲು ಸಾಧಿಸಿದೆ.

ಇದನ್ನೂ ಓದಿ:ತಮಿಳು Sa Re Ga Ma Pa ವೇದಿಕೆ ಮೇಲೆ ಶಿವಾನಿಗೆ ಬಿಗ್ ಸರ್​ಪ್ರೈಸ್.. ಏನದು?

ಪುಟ್ಟಕ್ಕನ ಮಕ್ಕಳು ಧಾರಾವಾಹಿ ಸಾವಿರ ಸಂಚಿಕೆ ಪೂರೈಸಿದ ಖುಷಿಯಲ್ಲಿ ಜೀ ವಾಹಿನಿ ಹಾಗೂ ನಿರ್ದೇಶಕ, ನಿರ್ಮಾಪಕ ಆರೂರು ಜಗದೀಶ್​ ಅದ್ಧೂರಿ ಕಾರ್ಯಕ್ರಮದ ಮೂಲಕ ಕಾಲಾವಿದರು, ತಂತ್ರಜ್ಞರನ್ನ ಗೌರವಿಸಿದ್ದಾರೆ. ದೊಡ್ಡ ತಾರಾಬಳಗ ಇರೋ ಪುಟ್ಟಕ್ಕನ ಮಕ್ಕಳು ಕಿರುತೆರೆಯಲ್ಲಿ ಮೈಲುಗಲ್ಲು ಸಾಧಿಸಿದೆ.

ಈ ಪ್ರಯುಕ್ತ ಹಿರಿಯ ನಟಿ ಉಮಾಶ್ರೀ ಸೇರಿದಂತೆ ಪ್ರತಿಯೊಬ್ಬ ಕಲಾವಿದರಿಗೂ ನೆನಪಿನ ಕಾಣಿಕೆ ನೀಡಲಾಗಿದೆ. ಜೆಎಸ್​ ಪ್ರೊಡಕ್ಷನ್​ ಅಡಿ ನಿರ್ಮಾಣವಾದ ದಿಟ್ಟ ಹೆಣ್ಣುಮಕ್ಕಳ ಸಾಧನೆಯ ಕಥೆ ಪುಟ್ಟಕ್ಕನ ಮಕ್ಕಳು. ಈ ಬಗ್ಗೆ ಆರೂರು ಜಗದೀಶ್​ ಅವರು ಜನರ ಪ್ರೀತಿಗೆ ಭಾವುಕರಾಗಿದ್ರು.

ಸಾವಿರದ ಶರಣು ಹೇಳುತ್ತಾ ಕೇಕ್​ ಕಟ್​ ಮಾಡೋದರ ಮೂಲಕ ಸಿಹಿ-ಕಹಿ ಎಲ್ಲವನ್ನು ಸವಿದು ಮತ್ತಷ್ಟು ಮನರಂಜನೆಯ ಅನುಭವ ನೀಡೋ ಭರವಸೆ ನೀಡಿದೆ ತಂಡ. ನಮ್ಮ ಕಡೆಯಿಂದಲೂ ಪುಟ್ಟಕ್ಕನ ಮಕ್ಕಳು ಇಡೀ ತಂಡಕ್ಕೆ ಶುಭ ಹಾರೈಕೆಗಳು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ