ವಿಶ್ವದ ಬೆಸ್ಟ್​ ಏರ್​ಲೈನ್ ಯಾವುದು..? ಕತಾರ್ ಏರ್ವೇಸ್​ಗೆ ಸಾಲು ಸಾಲು ಪ್ರಶಸ್ತಿಗಳು

ಕತಾರ್ ಏರ್ವೇಸ್ (Qatar Airways) ಸತತ 2ನೇ ವರ್ಷವೂ ವಿಶ್ವದ ಅತ್ಯುತ್ತಮ ಏರ್​ಲೈನ್​ ಎಂದು 2025ರ ಸ್ಕೈಟ್ರಾಕ್ಸ್ ವರ್ಲ್ಡ್ ಏರ್‌ಲೈನ್ ಪ್ರಶಸ್ತಿ ಗೆದ್ದುಕೊಂಡಿದೆ. ಸಿಂಗಪೂರ್​ ಏರ್​​ಲೈನ್ಸ್​ ದ್ವಿತಿಯ ಸ್ಥಾನ ಪಡೆದುಕೊಂಡರೆ, ಕ್ಯಾಥೆ ಪೆಸಿಫಿಕ್ ಮೂರನೇ ಸ್ಥಾನವನ್ನು ಪಡೆದುಕೊಂಡಿದೆ ಎಂದು ತಿಳಿದು ಬಂದಿದೆ.

ಪ್ಯಾರಿಸ್​ ಏರ್ ಶೋನ ​ಏರ್ ಅಂಡ್ ಸ್ಪೇಸ್ ಮ್ಯೂಸಿಯಂನಲ್ಲಿ ಲೆ ಬೌರ್ಗೆಟ್ ವಿಮಾನ ನಿಲ್ದಾಣದ ಆರ್ಟ್ ಡೆಕೊ ಹಾಲ್‌ನಲ್ಲಿ ನಡೆದ ಸಮಾರಂಭದಲ್ಲಿ ಕತಾರ್ ಏರ್ವೇಸ್ ಕೆಲವು ಪ್ರಶಸ್ತಿಗಳನ್ನು ಬಾಚಿಕೊಂಡಿದೆ. ವಿಶ್ವದ ಬೆಸ್ಟ್​ ಬ್ಯುಸಿನೆಸ್​ ಕ್ಲಾಸ್​, ಮಧ್ಯ ಪ್ರಾಚ್ಯದ ಅತ್ಯುತ್ತಮ ವಿಮಾನಯಾನ ಸಂಸ್ಥೆ ಹಾಗೂ ಬೆಸ್ಟ್​ ಬ್ಯುಸಿನೆಸ್​ ಕ್ಲಾಸ್​ ಏರ್​ಲೈನ್ಸ್​ ಲೌಂಜ್ ಎಂಬ 2025ರ ಸ್ಕೈಟ್ರಾಕ್ಸ್ ವರ್ಲ್ಡ್ ಏರ್‌ಲೈನ್ ಪ್ರಶಸ್ತಿಗಳನ್ನು ಪಡೆದುಕೊಂಡಿದೆ.

ಇದನ್ನೂ ಓದಿ:ಬುಲೆಟ್​ ಟ್ರೈನ್​ ಕಾರಿಡಾರ್; 8ನೇ ಸ್ಟೀಲ್​ ಬ್ರಿಡ್ಜ್​ ಪೂರ್ಣ.. ಇನ್ನು ಎಷ್ಟು ಸೇತುವೆ ನಿರ್ಮಿಸಬೇಕು?

ವಾಯುಯಾನ ಉದ್ಯಮದಲ್ಲಿ ಸ್ಕೈಟ್ರಾಕ್ಸ್ ವರ್ಲ್ಡ್ ಏರ್‌ಲೈನ್ ಪ್ರಶಸ್ತಿ, ಆಸ್ಕರ್​ ಪ್ರಶಸ್ತಿ ಎಂದೇ ಖ್ಯಾತಿ ಪಡೆದುಕೊಂಡಿದೆ. ಇಂತಹ ಪ್ರತಿಷ್ಠಿತ ಪ್ರಶಸ್ತಿಯನ್ನು ತನ್ನ 26 ವರ್ಷಗಳ ಇತಿಹಾಸದಲ್ಲಿ ಕತಾರ್ ಏರ್ವೇಸ್ ಒಟ್ಟು 9 ಬಾರಿ ಪಡೆದುಕೊಂಡು ಸಂಭ್ರಮಿಸಿದೆ. ಇದು ಸಂಸ್ಥೆಗೆ ದೊಡ್ಡ ಹೆಮ್ಮೆಯ ವಿಚಾರವಾಗಿದೆ. ಮಧ್ಯ ಪ್ರಾಚ್ಯದಲ್ಲಿ ಕತಾರ್ ಏರ್ವೇಸ್ ಅತ್ಯುತ್ತಮ ಏರ್​ಲೈನ್ಸ್​ ಎಂದು ಖ್ಯಾತಿ ಪಡೆದುಕೊಂಡಿದೆ ಎನ್ನಲಾಗಿದೆ.

ಸ್ಕೈಟ್ರಾಕ್ಸ್ ವರ್ಲ್ಡ್ ಏರ್‌ಲೈನ್ ಪ್ರಶಸ್ತಿಯನ್ನು ಪಡೆದಿರುವುದು ನಮಗೆ ತುಂಬಾ ಹೆಮ್ಮೆ ಆಗುತ್ತಿದೆ. ಈ ಮನ್ನಣೆ ನಾವು ಮಾಡಿದ ಸೇವೆಗೆ ಸಿಕ್ಕ ಪ್ರತಿಫಲವಾಗಿದೆ. ಈ ಪ್ರಶಸ್ತಿಯು ವಿಮಾನಯಾನ ಸಂಸ್ಥೆ ಇನ್ನಷ್ಟು ಕೆಲಸ ಮಾಡಲು ಉತ್ತೇಜನ ನೀಡಿದಂತೆ ಆಗಿದೆ. ಇದು ನಮ್ಮ ಸಂಸ್ಥೆಯ ಉತ್ಸಾಹ, ನಿಖರತೆ ಹಾಗೂ ಉದ್ದೇಶದ ಆಚರಣೆಯಾಗಿದೆ ಎಂದು ಕತಾರ್ ಏರ್ವೇಸ್ ಗ್ರೂಪ್‌ನ ಸಿಇಒ ಬದ್ರ್ ಮೊಹಮ್ಮದ್ ಅಲ್-ಮೀರ್ ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ