ಈ ಆಟಗಾರನ ಕೈಯಲ್ಲಿದೆ RCB ಫೈನಲ್ ಭವಿಷ್ಯ.. ಇವತ್ತು ಸೆಂಟರ್ ಆಫ್ ಅಟ್ರಾಕ್ಷನ್ ಇವರೇ..!

ರೆಡ್ ಆರ್ಮಿಗಳ ಫೈರಿ ಬ್ಯಾಟಲ್​​ಗೆ ಕೌಂಟ್​ಡೌನ್ ಶುರುವಾಗಿದೆ. ಪಂಜಾಬ್​-ಆರ್​​ಸಿಬಿ ಇಬ್ಬರಲ್ಲಿ ಯಾರು ಮೊದಲು ಫೈನಲ್​​​ಗೆ ಎಂಟ್ರಿ ನೀಡ್ತಾರೆ ಅನ್ನೋ ಕುತೂಹಲ ದುಪ್ಪಟ್ಟಾಗಿದೆ. ಮತ್ತೊಮ್ಮೆ ಕಿಂಗ್ ಕೊಹ್ಲಿಯೇ ಸೆಂಟರ್ ಆಫ್ ಅಟ್ರಾಕ್ಷನ್ ಆಗಿದ್ದಾರೆ. ಆರ್​​ಸಿಬಿಯ ಬ್ಯಾಟಿಂಗ್​ ಸೂಪರ್​ ಸ್ಟಾರ್​ ಮೇಲೆ ಎಲ್ಲರ ಕಣ್ಣಿದೆ.

ಪ್ರಸಕ್ತ ಐಪಿಎಲ್ ಸೀಸನ್​​ನಲ್ಲಿ ಅದ್ಬುತ ಪ್ರದರ್ಶನ ನೀಡಿರುವ ವಿರಾಟ್​ ಕೊಹ್ಲಿ, ಆರ್​ಸಿಬಿ ಪಾಲಿನ ಆಪದ್ಬಂದವರಾಗಿದ್ದಾರೆ. ಪ್ರತಿ ಮ್ಯಾಚ್​ನಲ್ಲಿ ತಂಡದ ಗೆಲುವಿನಲ್ಲಿ ಕಾಣಿಕೆ ನೀಡಿದ್ದಾರೆ. ತಂಡಕ್ಕೆ ಗೆಲುವಿನ ಕಾಣಿಕೆ ನೀಡಿರುವ ವಿರಾಟ್, ಆರ್​ಸಿಬಿಯ ರಿಯಲ್ ಮ್ಯಾಚ್ ವಿನ್ನರ್ ಆಗಿ ಮೆರೆದಾಡಿದ್ದಾರೆ. ಒಂದಲ್ಲ, ಎರಡಲ್ಲ.. ಲೀಗ್​ ಹಂತದಲ್ಲಿ ಸಾಲಿಡ್ ಆಟವಾಡಿರುವ ವಿರಾಟ್​, 13 ಪಂದ್ಯಗಳಿಂದ 602 ರನ್ ಸಿಡಿಸಿದ್ದಾರೆ. ಈ ಪೈಕಿ 8 ಅರ್ಧಶತಕ ಸಿಡಿಸಿರುವ ವಿರಾಟ್​, 147.91ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್​ ಬೀಸಿ ಅಭಿಮಾನಿಗಳನ್ನು ರಂಜಿಸಿದ್ದಾರೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಮ್ಯಾಚ್ ವಿನ್ನರ್ ಆಗಿದ್ದಾರೆ. ಆದ್ರೀಗ ಅದೇ ಮ್ಯಾಚ್ ವಿನ್ನರ್ ವಿರಾಟ್, ಪ್ಲೇ ಆಫ್​ನಲ್ಲಿ ವಿಲನ್​ ಆಗ್ತಾರಾ ಎಂಬ ಟೆನ್ಶನ್ ಶುರುವಾಗಿದೆ.

ಇದನ್ನೂ ಓದಿ: RCB ಅಭಿಮಾನಿಗಳಿಗೆ ಐದು ಖುಷಿಯ ವಿಚಾರಗಳು.. ಪಂಜಾಬ್​ ವಿರುದ್ಧದ ಪಂದ್ಯಕ್ಕೆ ಸಖತ್ ಬೂಸ್ಟ್..!

ಲೀಗ್​ ಸ್ಟ್ರೈಜ್​ನಲ್ಲಿ ಕೊಹ್ಲಿ ವೈಲೆಂಟ್​

ಪ್ರಚಂಡ ಫಾರ್ಮ್​ನಲ್ಲಿರುವ ವಿರಾಟ್​ ಕೊಹ್ಲಿ, ಲೀಗ್​ ಸ್ಟೇಜ್​ನಲ್ಲಿ ಅಬ್ಬರಿಸಿ ಬೊಬ್ಬೆರೆಸಿದ್ದಾರೆ ನಿಜ. ಬಿಗ್ ಮ್ಯಾಚ್ ಪ್ಲೇಯರ್ ಅಂತಾನೇ ಕರೆಸಿಕೊಳ್ಳುವ ಕೊಹ್ಲಿ, ಐಪಿಎಲ್​ನ ಪ್ಲೇ ಆಫ್ ಪಂದ್ಯಗಳಲ್ಲಿ ಕಂಪ್ಲೀಟ್ ಸೈಲೆಂಟ್ ಆಗಿದ್ದಾರೆ. ಅದು ಕೂಡ ಒಂದಲ್ಲ.. ಎರಡಲ್ಲ.. ಆರ್​ಸಿಬಿ ಪ್ಲೇ ಆಫ್​ನಲ್ಲಿ ಆಡಿರುವ ಎಲಿಮಿನೇಟರ್, ಕ್ವಾಲಿಫೈಯರ್​​, ಕ್ವಾಲಿಫೈಯರ್​​-2 ಸೇರಿದಂತೆ ಫೈನಲ್​ ಪಂದ್ಯಗಳಲ್ಲೂ ವಿರಾಟ್​ ಬ್ಯಾಟ್​, ಸದ್ದು ಮಾಡದ ಸೈಲೆಂಟ್ ಆಗಿದೆ.

ಪ್ಲೇಆಫ್ ಸ್ಟೇಜ್​​​​ನಲ್ಲಿ ಕೊಹ್ಲಿ

2009ರಿಂದ 2024ರ ತನಕ ಎಲಿಮಿನೇಟರ್, ಕ್ವಾಲಿಫೈಯರ್​-1, ಕ್ವಾಲಿಫೈಯರ್​​-2, ಫೈನಲ್​​ ಸೇರಿದಂತೆ 15 ಪಂದ್ಯಗಳನ್ನಾಡಿರುವ ವಿರಾಟ್, 26.23 ಬ್ಯಾಟಿಂಗ್ ಅವರೇಜ್​ನಲ್ಲಿ 341 ರನ್ ಗಳಿಸಿದ್ದಾರೆ. 2 ಅರ್ಧಶತಕ ಗಳಿಸಿರುವ ಕೊಹ್ಲಿ, 121.78ರ ಬ್ಯಾಟಿಂಗ್ ಸ್ಟ್ರೈಕ್​ರೇಟ್​​ ಹೊಂದಿದ್ದಾರೆ. ವಿರಾಟ್ ಕೊಹ್ಲಿಯ ಈ ಟ್ರ್ಯಾಕ್ ರೆಕಾರ್ಡ್​ ಆರ್​ಸಿಬಿ ಪಾಲಿಗೆ ಮುಗ್ಗಲ ಮುಳ್ಳಾಗಿದೆ.

ಇದನ್ನೂ ಓದಿ: RCB ಅಭಿಮಾನಿಗಳಿಗೆ ಐದು ಖುಷಿಯ ವಿಚಾರಗಳು.. ಪಂಜಾಬ್​ ವಿರುದ್ಧದ ಪಂದ್ಯಕ್ಕೆ ಸಖತ್ ಬೂಸ್ಟ್..!

ಸಿಡಿತಾರಾ ಕೊಹ್ಲಿ?

ಒಂದಿಬ್ಬರ ಪ್ರಾರ್ಥನೆ, ಬೇಡಿಕೆ, ಮನದ ವೇದನೆಯಲ್ಲ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ತಂಡದ ಕೋಟ್ಯಾಂತರ ಅಭಿಮಾನಿಗಳ ಮನದ ಆವೇದನೆ. ಲೀಗ್​ ಸ್ಟೇಜ್​ನಲ್ಲಿ ಅಬ್ಬರಿಸಿರುವ ವಿರಾಟ್​, ಪ್ಲೇ ಆಫ್​​ನಲ್ಲಿ ಪವರ್ ಫುಲ್ ಪರ್ಫಾಮೆನ್ಸ್​ ನೀಡಿದ್ರೆ ಗೆಲುವು ಕಷ್ಟವೇನಲ್ಲ. ಹೀಗಾಗಿ ಲೀಗ್​ ಸ್ಟೇಜ್​ನಲ್ಲಿ ವಿರಾಟ್​ ವಿರಾಟ ರೂಪ ದರ್ಶನವಾದಂತೆಯೇ ಪ್ಲೇ ಆಫ್​ನಲ್ಲೂ ಸಿಡಿದೇಳಲಿ ಅನ್ನೋದೇ ಫ್ಯಾನ್ಸ್​ ಫ್ರಾರ್ಥನೆ. ಅಭಿಮಾನಿಗಳ ಆ ಆಶಾಭಾವನೆ ನನಸಾಗುವ ಸಾಧ್ಯತೆ ದಟ್ಟವಾಗಿದೆ.

ಪಂಜಾಬ್ ಎದುರು ಕೊಹ್ಲಿ

ಪಂಜಾಬ್ ಎದುರು 34 ಪಂದ್ಯಗಳನ್ನಾಡಿರುವ ವಿರಾಟ್​, 36.80ರ ಬ್ಯಾಟಿಂಗ್ ಅವರೇಜ್​ನಲ್ಲಿ 1104 ರನ್ ಗಳಿಸಿದ್ದಾರೆ. 6 ಅರ್ಧಶತಕ, 1 ಶತಕ ಸಿಡಿಸಿರುವ ಶ್ರೇಯಸ್ ಅಯ್ಯರ್, 133.49ರ ಸ್ಟ್ರೈಕ್​ರೇಟ್​ನಲ್ಲಿ ಬ್ಯಾಟ್ ಬೀಸಿದ್ದಾರೆ. ಪಂಜಾಬ್ ಎದುರು ಅದ್ಬುತ ಟ್ರ್ಯಾಕ್ ರೆಕಾರ್ಡ್ ಹೊಂದಿರುವ ಕೊಹ್ಲಿ, ಇವತ್ತು ಸಿಡಿಯುತ್ತಾರೆ ಅನ್ನೋ ನಂಬಿಕೆ ಹುಟ್ಟಿಹಾಕಿದೆ.

ವಿರಾಟ್ ಕೈಯಲ್ಲಿದೆ ಆರ್​ಸಿಬಿ ಫೈನಲ್ ಭವಿಷ್ಯ

ರಾಯಲ್ ವಾಲೆಂಜರ್ಸ್ ಬೆಂಗಳೂರು ತಂಡದ ಫೈನಲ್​ ಭವಿಷ್ಯ. ನೂರಕ್ಕೆ ನೂರರಷ್ಟು ವಿರಾಟ್ ಕೊಹ್ಲಿಯ ಪ್ರದರ್ಶನದ ಮೇಲೆದೆ ಅನ್ನೋದ್ರಲ್ಲಿ ಡೌಟಿಲ್ಲ. ಯಾಕಂದ್ರೆ ಲೀಗ್​ ಸ್ಟೇಜ್​ನಲ್ಲಿ ವಿರಾಟ್, ವಿರಾಟ ದರ್ಶನ ಪ್ರದರ್ಶಿಸಿದ ಪ್ರತಿ ಮ್ಯಾಚ್ ಆರ್​ಸಿಬಿ ಗೆದ್ದು ಬೀಗಿದೆ. ಇದಕ್ಕೆ ಬೆಸ್ಟ್​ ಎಕ್ಸಾಂಪಲ್​.. ವಿರಾಟ್ ಅರ್ಧಶತಕ ಸಿಡಿಸಿದ ಎಟಕ್ಕೆಂಟು ಮ್ಯಾಚ್​ಗಳಲ್ಲಿ ಆರ್​ಸಿಬಿ ತಂಡದ ಗೆಲುವಿನಯಾನ.. ಹೀಗಾಗಿ ಇಂದಿನ ಪಂದ್ಯದಲ್ಲಿ ವಿರಾಟ್, ವೀರವೇಶದ ಬ್ಯಾಟಿಂಗ್ ನಡೆಸಿದ್ರೆ. ಆರ್​ಸಿಬಿ ಗೆಲುವಿನ ಜೊತೆಗೆ ಫೈನಲ್​ಗೆ ಎಂಟ್ರಿ ನೀಡುವ ಕನಸು ನನಸಾಗುವುದು ಗ್ಯಾರಂಟಿ. ಇದೆಲ್ಲವೂ ಆಪದ್ಬಾಂದವ ವಿರಾಟ್​, ಕೈಯಲ್ಲಿಯೇ ಇದೆ.

ಇದನ್ನೂ ಓದಿ: Qualifier-1: ಬೆಂಗಳೂರು ತಂಡ ಸಂಪೂರ್ಣ ಬದಲಾಗಲಿದೆಯೇ..? RCB ಸಂಭಾವ್ಯ ಪ್ಲೇಯಿಂಗ್ 11 ಪಟ್ಟಿ..!

ಬಿಗ್ ಮ್ಯಾಚ್ ಪ್ಲೇಯರ್​, ಕ್ರೈಸಿಸ್ ಮ್ಯಾನ್ ಎಂದೇ ಕರೆಸಿಕೊಳ್ಳವ ವಿರಾಟ್​ಗೆ, ಈಗ ಪ್ಲೇ ಆಪ್ ಪಂದ್ಯಗಳಲ್ಲಿ ಮ್ಯಾಚ್ ವಿನ್ನರ್ ಅನ್ನೋದನ್ನ ನಿರೂಪಿಸಿಕೊಳ್ಳುವ ಜೊತೆಗೆ ಕೋಟ್ಯಾಂತರ ಅಭಿಮಾನಿಗಳ ಕನಸು ನನಸಾಗಿಸುವ ಬೆಟ್ಟದಷ್ಟು ನಿರೀಕ್ಷೆ ವಿರಾಟ್​ ಕೊಹ್ಲಿ ಮೇಲಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ