ಬ್ಯಾಟ್ ತಗೊಂಡು ಹೊಡೆಯಲು ಯತ್ನಿಸಿದ R ಅಶ್ವಿನ್​.. ಸ್ಟಾರ್​ ಸ್ಪಿನ್ನರ್ ಮೇಲೆ ಸಾಲು ಸಾಲು ಆರೋಪ

ರವಿಚಂದ್ರನ್ ಅಶ್ವಿನ್ ದಿ ಲೆಜೆಂಡರಿ ಸ್ಪಿನ್ನರ್. ತಮಿಳುನಾಡಿನ ಈ ಆಫ್ ಸ್ಪಿನ್ನರ್​ ಕೂಲ್ ಆ್ಯಂಡ್ ಕಾಮ್ ವ್ಯಕ್ತಿತ್ವದಿಂದಲೇ ಪರಿಚಯ. ಆದ್ರೀಗ ಇದೇ ಅಶ್ವಿನ್, ಕಿರಿಕ್ ಅಶ್ವಿನ್ ಆಗಿ ಬಿಟ್ಟಿದ್ದಾರೆ. ಈ ಹಿಂದೆ ದಾಖಲೆಗಳ ಮೂಲಕ ಸದ್ದು ಮಾಡ್ತಿದ್ದ ಅಶ್ವಿನ್, ಈಗ ಕಿರಿಕ್​​ ಮಾಡ್ಕೊಂಡೇ ಹೆಚ್ಚು ಸೌಂಡ್ ಮಾಡ್ತಿದ್ದಾರೆ.

ಅಶ್ವಿನ್.. ಟೀಮ್ ಇಂಡಿಯಾದ ಲೆಜೆಂಡರಿ ಆಫ್ ಸ್ಪಿನ್ನರ್. ಅಂತರಾಷ್ಟ್ರೀಯ ಕ್ರಿಕೆಟ್​ನಿಂದ ದೂರವಾಗಿರುವ ಅಶ್ವಿನ್, ಟೀಮ್ ಇಂಡಿಯಾ ಪರ ಮಾಡಿದ ದಾಖಲೆಗಳಿಗೆ ಲೆಕ್ಕವಿಲ್ಲ. ಟೀಮ್ ಇಂಡಿಯಾದ ಮ್ಯಾಚ್ ವಿನ್ನರ್ ಅಂತಾನೇ ಕರೆಸಿಕೊಳ್ತಿದ್ದ ಅಶ್ವಿನ್, ಅದೆಷ್ಟೋ ಪಂದ್ಯಗಳಲ್ಲಿ ಆಪ್ತರಕ್ಷಕನಾಗಿ ನಿಂತಿದ್ದಿದೆ. ತಂಡವನ್ನು ಗೆಲ್ಲಿಸಿದ್ದಿದೆ. ಆದ್ರೀಗ ಇದೇ ಅಶ್ವಿನ್, ಕಿರಿಕ್​ ಹಾಗೂ ವಿವಾದಗಳಿಂದಲೇ ಚರ್ಚೆಯಲ್ಲಿದ್ದಾರೆ. ಇದಕ್ಕೆಲ್ಲಾ ಕಾರಣ ತಮಿಳುನಾಡು ಪ್ರೀಮಿಯರ್ ಲೀಗ್​ನಲ್ಲಿ ಮಾಡಿಕೊಂಡ ಅವಾಂತರಗಳು.

ವಿವಾದ 01- ಅಶ್ವಿನ್ ವಿರುದ್ಧ ಬಾಲ್ ಟ್ಯಾಂಪರಿಂಗ್ ಆರೋಪ

ಟೀಮ್ ಇಂಡಿಯಾದ ಮಾಜಿ ಆಟಗಾರ, ದಿಂಡಿಗಲ್ ಡ್ರ್ಯಾಗನ್ಸ್​ ಕ್ಯಾಪ್ಟನ್​​ ಆರ್​​.ಅಶ್ವಿನ್​, ವಿರುದ್ಧ ಬಾಲ್ ಟ್ಯಾಂಪರಿಂಗ್ ಆರೋಪ ಕೇಳಿ ಬಂದಿದೆ. ಈ ಕುರಿತು ಮಧುರೈ ಪ್ಯಾಂಥರ್ಸ್ ಅಧಿಕೃತ ದೂರು ದಾಖಲಿಸಿದೆ. ಚೆಂಡು ಭಾರಗೊಳಿಸಲು ದಿಂಡಿಗಲ್ ಡ್ರ್ಯಾಗನ್ಸ್​, ರಾಸಾಯನಿಕ ಸಂಸ್ಕರಿಸಿದ ಟವೆಲ್‌ ಬಳಸಿದೆ ಎಂದು ಗಂಭೀರ ಆರೋಪ ಮಾಡಿದೆ. ಇದೇ ಕಾರಣಕ್ಕೆ ಚೆಂಡು ಹೊಡೆದಾಗ ಲೋಹದ ಮಾದರಿಯ ಶಬ್ದ ಬರುತ್ತಿತ್ತು ಎಂದು ಆರೋಪಿಸಿದೆ.

ವಿವಾದ​​​​​​ 02- ಔಟ್​ ನೀಡಿದಕ್ಕೆ ಅಂಪೈರ್​ ಮೇಲೆ ಸಿಟ್ಟು..

ತಿರುಪ್ಪೂರ್ ತಮಿಜಾನ್ಸ್ ವಿರುದ್ಧದ ಪಂದ್ಯ. ಈ ಪಂದ್ಯದಲ್ಲಿ 18 ರನ್​ಗಳಿಸಿ ಬ್ಯಾಟ್ ಬೀಸ್ತಿದ್ದ ದಿಂಡಿಗಲ್ ಡ್ರ್ಯಾಗನ್ಸ್ ನಾಯಕ ಅಶ್ವಿನ್, ಸಾಯಿ ಕಿಶೋರ್ ಎಸೆದ 4ನೇ ಓವರ್​​ನ 4ನೇ ಎಸೆತದಲ್ಲಿ ಎಲ್​​ಬಿಡ್ಲೂ ಆಗಿದ್ದರು. ಮಹಿಳಾ ಅಂಪೈರ್ ಔಟ್​​​​ ಎಂದು ತೀರ್ಪು ನೀಡಿದರು. ಇದಕ್ಕೆ ಕುಪಿತಗೊಂಡಿದ್ದ ಅಶ್ವಿನ್, ಅಂಪೈರ್ ಜೊತೆ ವಾಗ್ವಾದಕ್ಕಿಳಿದಿದ್ದರು. ಅಶ್ವಿನ್ ರೋಷಾವೇಷ ಇಷ್ಟಕ್ಕೆ ನಿಲ್ಲಲಿಲ್ಲ. ಪೆವಿಲಿಯನ್​ಗೆ ಹೆಜ್ಜೆ ಹಾಕುತ್ತಾ ಸಾಗಿದ ಕ್ಯಾಪ್ಟನ್ ಅಶ್ವಿನ್, ಗ್ಲೌಸ್​​ ಎಸೆದು ಆಕ್ರೋಶ ಹೊರಹಾಕಿದ್ದರು.

ಅಷ್ಟೇ ಅಲ್ಲ, ಈ ಘಟನೆಗೂ ಮುನ್ನ ಅಂಪೈರ್​ ವೈಡ್ ನೀಡಿದ್ದಕ್ಕೆ ಅಶ್ವಿನ್, ಫುಲ್ ಗರಂ ಆಗಿದ್ದರು. ಆದ್ರೆ, ಅಶ್ವಿನ್​​​, ಡಿಆರ್​ಎಸ್​ ತೆಗೆದುಕೊಂಡರು ಉಪಯೋಗಕ್ಕೆ ಬಾರಲಿಲ್ಲ. ಇದೇ ಘಟನೆಯೇ ಇಷ್ಟೆಲ್ಲಾ ರದ್ದಾಂತಕ್ಕೆ ನಾಂದಿಯಾಡಿತು.

ವಿವಾದ 03- ಸಾಯಿ ಕಿಶೋರ್ ಮೇಲೆ ಹಲ್ಲೆಗೆ ಮುಂದಾಗಿದ್ದ ಅಶ್ವಿನ್..!

2016 ಇದೇ ತಮಿಳುನಾಡು ಪ್ರೀಮಿಯರ್ ಲೀಗ್​ನಲ್ಲಿ ಚೆಪಾಕ್​ ಸೂಪರ್ ಗಿಲ್ಲಿಸ್ ಎದುರು ಅಶ್ವಿನ್, ಸಾಯಿ ಕಿಶೋರ್ ಮೇಲೆ ಕೈ ಮಿಲಾಯಿಸಲು ಮುಂದಾಗಿದರು. ಇದಕ್ಕೆ ಕಾರಣವಾಗಿದ್ದು ಸಾಯಿ ಕಿಶೋರ್ ಸೆಲೆಬ್ರೇಷನ್. ಸಾಯಿ ಕಿಶೋರ್​ಗೆ ಅಶ್ವಿನ್ ವಿಕೆಟ್ ಒಪ್ಪಿಸಿದ್ರು. ಈ ವೇಳೆ ವಿಕೆಟ್ ಪಡೆದ ಸಂಭ್ರಮದಲ್ಲಿ ಸಾಯಿ, ಅಶ್ವಿನ್​ ಮುಂದೆ ಅಗ್ರೆಸ್ಸಿವ್ ಸೆಲೆಬ್ರೇಷನ್ ಮಾಡಿದ್ರು. ಈ ವೇಳೆ ತಾಳ್ಮೆ ಕಳೆದುಕೊಂಡಿದ್ದ ಅಶ್ವಿನ್, ಬ್ಯಾಟ್ ಎತ್ತಿ ಹೊಡೆಯಲು ಯತ್ನಿಸಿದರು. ಕೆಲ ಕಾಲ ಕ್ರೀಡಾಂಗಣ ಅಕ್ಷರಶಃ ರಣಾಂಗಣವಾಗಿತ್ತು.

ವಿವಾದ 04- ಡಿಆರ್​ಎಸ್​ಗೆ ಸವಾಲ್ ಎಸೆದಿದ್ದ ಅಶ್ವಿನ್..!

2023ರ ತಮಿಳುನಾಡು ಪ್ರೀಮಿಯರ್ ಲೀಗ್​.. ಈ ಲೀಗ್​ನಲ್ಲಿ ಭಾರೀ ಚರ್ಚೆ ಹಾಗೂ ವಿವಾದಕ್ಕೆ ಕಾರಣವಾಗಿದ್ದು ಅಶ್ವಿನ್, ಬ್ಯಾಕ್ ಟು ಬ್ಯಾಕ್ ಎರಡು ಡಿಆರ್​ಎಸ್ ತೆಗೆದುಕೊಂಡಿದ್ದಾಗಿತ್ತು. ಯಾಕಂದ್ರೆ, ತಿರುಚ್ಚಿ ಗ್ರ್ಯಾಂಡ್ ಚೋಳಾಸ್ ಎದುರಿನ ಪಂದ್ಯದಲ್ಲಿ ರಾಜ್​ಕುಮಾರ್, ವಿಕೆಟ್ ಕೀಪರ್​ಗೆ ಕ್ಯಾಚ್ ನೀಡಿದ್ರು. ಇದಕ್ಕೆ ಆನ್​ಫೀಲ್ಡ್ ಅಂಪೈರ್ ಔಟ್​ ಎಂದು ತೀರ್ಪು ನೀಡಿದ್ರು.

ಆದ್ರೆ, ಬ್ಯಾಟರ್​ ಆನ್​ಫೀಲ್ಡ್​ ಅಂಪೈರ್ ತೀರ್ಪು ಪ್ರಶ್ನಿಸಿ ಡಿಆರ್​ಎಸ್ ಮೋರೆ ಹೋದರು. ಅಲ್​ಟ್ರಾ ಎಡ್ಜ್​​ನಲ್ಲಿ ಬಾಲ್​​ ಹಾಗೂ ಬ್ಯಾಟ್ ನಡುವೆ ಅಂತರ ಕಾಣ್ತಿತ್ತು. ಸ್ನಿಕೋ ಮೀಟರ್​ನಲ್ಲಿ ಬಾಲ್ ತಾಗಿದಂತೆ ಕಾಣ್ತಿದ್ದರು. ಥರ್ಡ್ ಅಂಪೈರ್ ನಾಟೌಟ್ ತೀರ್ಪು ನೀಡಿದ್ರು. ಇದಕ್ಕೆ ಬೇಸರಗೊಂಡಿದ್ದ ಅಶ್ವಿನ್, ಥರ್ಡ್ ಅಂಪೈರ್ ತೀರ್ಪನ್ನೇ ಪ್ರಶ್ನಿಸಿ ಮತ್ತೆ ಡಿಆರ್​ಎಸ್ ತೆಗೆದುಕೊಂಡಿದ್ದರು.

ಇದನ್ನೂ ಓದಿ:ಬೈಕ್ ಸವಾರನ ಮೇಲೆ ಮರಬಿದ್ದು ಮೆದುಳು ನಿಷ್ಕ್ರಿಯ.. ಆಸ್ಪತ್ರೆಯ ಬಿಲ್ ಪಾವತಿ ಮಾಡಿದ BBMP

ವಿವಾದ 5- ಸಹ ಆಟಗಾರನೇ ಮೇಲೆಯೇ ಕೋಪ..!

2024ರ ಎಲಿಮಿನೇಟರ್ ಮ್ಯಾಚ್.. ಈ ಪಂದ್ಯದಲ್ಲಿ ದಿಂಡಿಗಲ್ ಡ್ರ್ಯಾಗನ್ಸ್​ 23 ಎಸೆತಗಳಲ್ಲಿ 22 ರನ್ ಗಳಿಸಬೇಕಿತ್ತು. ಈ ವೇಳೆ ಶರತ್ ಕುಮಾರ್, ಡೀಪ್​ ಫಾರ್ವರ್ಡ್​ ಮೇಲೆ ಹೊಡೆಯಲು ಯತ್ನಿಸಿದರು. ಆದ್ರೆ, ಫೀಲ್ಡರ್​ನ ಮಹಾ ಯಡವಟ್ಟಿನಿಂದ ಕ್ಯಾಚ್ ಮಿಸ್ಸಾಯ್ತು. ಈ ವೇಳೆ ಬ್ಯಾಟರ್​​ಗೆ ಕೈ ಸನ್ಹೆ ಮೂಲಕ ನಿಂದಿಸಿದರು.

ಆರ್​.ಅಶ್ವಿನ್​ರ ಈ ಕಿರಿಕ್ ಇಲ್ಲೇ ಅಲ್ಲ. ಐಪಿಎಲ್​​​​​​​​ನಲ್ಲೂ ಜೋಸ್ ಬಟ್ಲರ್​​ನ ಮಂಕಡಿಂಗ್ ಮಾಡಿ ವಿವಾದ ಮೇಮೈಲೆ ಎಳೆದುಕೊಂಡಿದ್ರು. ಕೆಲ ವಿಚಾರಗಳಲ್ಲಿ ಅಶ್ವಿನ್, ಕ್ರಿಕೆಟ್ ರೂಲ್​ ಬುಕ್​ನಂತೆಯೇ ನಡೆದುಕೊಂಡರು. ತನ್ನ ಮುಂಗೋಪದಿಂದ ಕಿರಿಕ್ ಅಶ್ವಿನ್, ಬ್ಯಾಡ್ ಬಾಯ್ ಎಂಬ ನಿಕ್ ನೇಮ್ಸ್ ಬರುವಂತೆ ಮಾಡಿರೋದು ಸುಳ್ಳಲ್ಲ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ