ಆರ್​​ಸಿಬಿ ಕ್ಯಾಪ್ಟನ್ಸಿಗೆ ಮೇಜರ್​ ಟ್ವಿಸ್ಟ್​; ಸ್ಫೋಟಕ ಸತ್ಯ ಬಿಚ್ಚಿಟ್ಟ ಸ್ಟಾರ್​ ಪ್ಲೇಯರ್

ಬಹುನಿರೀಕ್ಷಿತ 2025ರ ಇಂಡಿಯನ್​ ಪ್ರೀಮಿಯರ್​ ಲೀಗ್​​ಗೆ ಕ್ಷಣಗಣನೆ ಶುರುವಾಗಿದೆ. ಮೆಗಾ ಆಕ್ಷನ್​ನಲ್ಲಿ ಸ್ಟಾರ್​​​ ಆಟಗಾರರನ್ನು ಖರೀದಿ ಮಾಡಿ ಎಲ್ಲಾ ತಂಡಗಳು ಬಲಿಷ್ಠ ಆಗಿವೆ. ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಕೂಡ ಸ್ಟ್ರಾಂಗ್ ಆಗಿರೋ ಟೀಮ್ ಅನ್ನೇ ರೆಡಿ ಮಾಡಿಕೊಂಡಿದೆ. ಆದರೆ ಕ್ಯಾಪ್ಟನ್ ಯಾರು ಎನ್ನುವುದು ಎಲ್ಲರ ಕುತೂಹಲ ಕೆರಳಿಸಿದೆ. ಆದರೆ ಆರ್.ಅಶ್ವಿನ್ ಮಾತ್ರ ವಿರಾಟ್ ಕೊಹ್ಲಿಯೇ ಆರ್​ಸಿಬಿ ಕ್ಯಾಪ್ಟನ್ ಎಂದು ಹೇಳಿದ್ದಾರೆ.

ವಿರಾಟ್ ಕೊಹ್ಲಿ ಅವರು ಆರ್​ಸಿಬಿ ತಂಡದ ನಾಯಕರಾಗಿ ತಂಡವನ್ನು ಮುನ್ನಡೆಸುವ ಸಾಧ್ಯತೆ ಹೆಚ್ಚು ಇದೆ ಎಂದು ಟೀಮ್ ಇಂಡಿಯಾದ ಸ್ಪಿನ್ನರ್ ಆರ್​.ಅಶ್ವಿನ್ ಅವರು ಅಭಿಪ್ರಾಯ ಪಟ್ಟಿದ್ದಾರೆ. ಈ ಕುರಿತು ಮಾತನಾಡಿದ ಅವರು, 2025ರ ಐಪಿಎಲ್​ನ ಮೆಗಾ ಆಕ್ಷನ್​ನಲ್ಲಿ ಆರ್​ಸಿಬಿ ಫ್ರಾಂಚೈಸಿ ನಾಯಕನಾಗುವಂತ ಆಟಗಾರನನ್ನ ಖರೀದಿ ಮಾಡಿಲ್ಲ. ಹೀಗಾಗಿ​ ಕೊಹ್ಲಿ ಕ್ಯಾಪ್ಟನ್ ಆಗುವುದು ದಟ್ಟವಾಗಿದೆ. ಫ್ರಾಂಚೈಸಿ ಅಚ್ಚರಿ ಪ್ಲೇಯರ್​ನನ್ನ ನಾಯಕನಾಗಿ ಘೋಷಷಿಸಬೇಕು ಎಂದರೆ ಕೊಹ್ಲಿಗಿಂತ ಶ್ರೇಷ್ಠ ಆಟಗಾರ ಆ ತಂಡದಲ್ಲಿ ಸದ್ಯಕ್ಕೆ ಯಾರು ಇಲ್ಲ ಎಂದು ಹೇಳಿದ್ದಾರೆ.

ಇದನ್ನೂ ಓದಿ:ಕೋಟಿ ಕೋಟಿ ಹಣ ಗಳಿಸಿದ್ರೂ 400 ರೂಪಾಯಿ ಕೊಟ್ಟ ವ್ಯಕ್ತಿನ ಮರೆತಿಲ್ಲ ಪಾಂಡ್ಯ ಬ್ರದರ್ಸ್​; ಸಖತ್ ಸ್ಟೋರಿ!

ಆರ್​ಸಿಬಿ ಕ್ಯಾಪ್ಟನ್ ಯಾರು ಆಗಬಹುದೆಂದು ಕುತೂಹಲದಿಂದ ಅಭಿಮಾನಿಗಳು ಕಾಯುತ್ತಿರುವಾಗಲೇ ಆರ್.ಅಶ್ವಿನ್ ಅವರ ಮಾತು ಚರ್ಚೆ ಉಂಟು ಮಾಡಿವೆ. ಈ ಹಿಂದೆಯೇ ಅಂದರೆ 2013 ರಿಂದ 2021ರ ವರೆಗೆ ವಿರಾಟ್ ಕೊಹ್ಲಿ ಆರ್​ಸಿಬಿ ಕ್ಯಾಪ್ಟನ್ ಆಗಿದ್ದರು. ಈ ವೇಳೆ ತಂಡ ಉತ್ತಮವಾಗಿಯೇ ಪ್ರದರ್ಶನ ನೀಡಿತ್ತು. ಈಗ ಮತ್ತೆ ವಿರಾಟ್ ಕೊಹ್ಲಿ ಅವರೇ ನಾಯಕರಾಗಬಹುದೆಂದು ಹೇಳಲಾಗುತ್ತಿದೆ. ಆದರೆ ಫ್ರಾಂಚೈಸಿಯ ಅಂತಿಮ ಘೋಷಣೆಗಾಗಿ ಎಲ್ಲರೂ ಕಾಯುವಂತೆ ಆಗಿದೆ.

ಇನ್ನು 2025ರ ಐಪಿಎಲ್​ನ ಮೆಗಾ ಆಕ್ಷನ್​ನಲ್ಲಿ ಆರ್ ಅಶ್ವಿನ್ ಅವರನ್ನು ಚೆನ್ನೈ ಸೂಪರ್ ಕಿಂಗ್ಸ್ ಖರೀದಿ ಮಾಡಿದೆ. 9.75 ಕೋಟಿ ರೂಪಾಯಿ ನೀಡಿ ಸಿಎಸ್​ಕೆ ಖರೀದಿಸಿದೆ. ಈ ಮೂಲಕ ಆರ್ ಅಶ್ವಿನ್ ಅವರು ಮತ್ತೆ ತವರಿನ ಟೀಮ್​ನಲ್ಲಿ ಕಮಾಲ್ ಮಾಡಲಿದ್ದಾರೆ. ಇನ್ನುಳಿದಂತೆ ಕೆಲ ಐಪಿಎಲ್​ ಟೀಮ್​ಗಳ ನಾಯಕ ಯಾರು ಎಂದು ನಿರ್ಧಾರ ಆಗಬೇಕಿದೆ.

ಇದನ್ನೂ ಓದಿ:RCB ಸ್ಟಾರ್​ ಸಾಲ್ಟ್​​, ಜೇಕಬ್​ ಬ್ಯಾಟಿಂಗ್​ ಬೆಚ್ಚಿಬಿದ್ದ ಭಾರತ; ಟೀಮ್​ ಇಂಡಿಯಾಗೆ ಇಂಗ್ಲೆಂಡ್​ ಟಾರ್ಗೆಟ್​ ಎಷ್ಟು?

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ