13 ವರ್ಷದ ಹುಡುಗನ ಮೇಲೆ ಕೋಟಿ ಕೋಟಿ ಸುರಿದ ರಾಜಸ್ಥಾನ್​​; ಕಾರಣ ಬಿಚ್ಚಿಟ್ಟ ದ್ರಾವಿಡ್​

ಬಹುನಿರೀಕ್ಷಿತ ಇಂಡಿಯನ್​​ ಪ್ರೀಮಿಯರ್​ ಲೀಗ್​ 2025ರ ಮೆಗಾ ಹರಾಜಿನಲ್ಲಿ ಹೊಸ ಇತಿಹಾಸ ದಾಖಲಾಗಿದೆ. ರಾಜಸ್ಥಾನ್​​ ರಾಯಲ್ಸ್​ ತಂಡ ಕೇವಲ 13 ವರ್ಷದ ಹುಡುಗನ ಮೇಲೆ ಕೋಟಿ ಕೋಟಿ ಸುರಿದಿದೆ.

ಟೀಮ್​ ಇಂಡಿಯಾದ ಅಂಡರ್​ 19 ಕ್ರಿಕೆಟರ್​​ ಇವರು. ಹೆಸರು ವೈಭವ್​​ ಸೂರ್ಯವಂಶಿ. ಇವರು 2011 ಮಾರ್ಚ್​​​ 27ನೇ ತಾರೀಕು ಜನಿಸಿದ್ರು. ವೈಭವ್​​ ಅವರಿಗೆ 13 ವರ್ಷ 243 ದಿನಗಳಾಗಿವೆ. ಲೆಫ್ಟ್​ ಹ್ಯಾಂಡ್​ ಬ್ಯಾಟರ್​ ಆಗಿದ್ದು, ಜತೆಗೆ ಸ್ಲೋ ಲೆಫ್ಟ್​ ಆರ್ಮ್​ ಬೌಲರ್​ ಕೂಡ ಹೌದು.

ವೈಭವ್​​ ಸೂರ್ಯವಂಶಿಗೆ ಭಾರೀ ಪೈಪೋಟಿ

ಇನ್ನು, ಮೆಗಾ ಹರಾಜಿನಲ್ಲಿ ವೈಭವ್​​ ಸೂರ್ಯವಂಶಿ ಅವರನ್ನು ಫಸ್ಟ್​ ಬಿಡ್​ ಮಾಡಿದ್ದು ಡೆಲ್ಲಿ ಕ್ಯಾಪಿಟಲ್ಸ್​ ತಂಡ. ಬಳಿಕ 13 ವರ್ಷದ ಹುಡುಗನ ಹಿಂದೆ ಬಿದ್ದಿದ್ದು ರಾಜಸ್ಥಾನ್​ ರಾಯಲ್ಸ್​ ಟೀಮ್​​. ಕೊನೆಗೂ 1.10 ಕೋಟಿ ನೀಡಿ ಇವರನ್ನು ರಾಜಸ್ಥಾನ್​ ರಾಯಲ್ಸ್​ ಖರೀದಿ ಮಾಡಿದೆ.

ಯಾರು ಈ ವೈಭವ್​?

ಇವರು ಮೂಲತಃ ಬಿಹಾರದವರು. ಡೊಮೆಸ್ಟಿಕ್​ ಕ್ರಿಕೆಟ್​ನಲ್ಲಿ ಬಿಹಾರ ತಂಡವನ್ನು ಪ್ರತಿನಿಧಿಸೋ ಇವರು ಭಾರತ ಅಂಡರ್​ 19 ತಂಡದ ಪರ ಆಡುತ್ತಾರೆ. ಫಸ್ಟ್​ ಕ್ಲಾಸ್​ ಕ್ರಿಕೆಟ್​ನಲ್ಲಿ 5 ಪಂದ್ಯ ಆಡಿದ್ದು, 100 ರನ್​ ಕಲೆ ಹಾಕಿದ್ದಾರೆ. ಈ ಪೈಕಿ 18 ಫೋರ್​​, 1 ಸಿಕ್ಸರ್​ ಚಚ್ಚಿದ್ರು. ಒಂದು ಟಿ20 ಪಂದ್ಯ ಆಡಿದ್ದು, 13 ರನ್​​ ಗಳಿಸಿದ್ರು.

13 ವರ್ಷದ ಹುಡುಗನ ಖರೀದಿಗೆ ಕಾರಣ ಬಿಚ್ಚಿಟ್ಟ ದ್ರಾವಿಡ್​​

ಈ ಸಂಬಂಧ ಮಾತಾಡಿದ ರಾಹುಲ್ ದ್ರಾವಿಡ್, ಅವರಲ್ಲಿ ಉತ್ತಮ ಪ್ರತಿಭೆ ಇದೆ. ಹೀಗಾಗಿ ಅವರ ಬೆಳವಣಿಗೆಗೆ ನಾವು ಉತ್ತಮ ವಾತಾವರಣ ಒದಗಿಸಬಹುದು ಅಂದುಕೊಂಡಿದ್ದೇನೆ. ಅವನು ರಾಜಸ್ಥಾನ ರಾಯಲ್ಸ್ ನಡೆಸಿದ ಟ್ರಯಲ್ ಕ್ಯಾಂಪ್​​ಗೆ ಬಂದಿದ್ದ. ಅವನನ್ನು ನೋಡಿ ನಮಗೆ ತುಂಬಾ ಸಂತೋಷ ಆಯ್ತು ಎಂದರು.

ಇದನ್ನೂ ಓದಿ: RCB ಈ ಚಾನ್ಸ್​ ಬಳಸಿದ್ರೆ ಬಲಿಷ್ಠ ಟೀಮ್ ಕಟ್ಟಬಹುದಿತ್ತು.. ಫ್ರಾಂಚೈಸಿ ಮಾಡಿದ ತಪ್ಪು ಯಾವುದು?

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ