₹5 ಲಕ್ಷಕ್ಕೆ ಒಂದು ಹೆಣ್ಣು.. 1,500 ಕನ್ಯೆಯರನ್ನು ಮಾರಾಟ ಮಾಡಿದ ಮಹಿಳೆ; ಇದು ಖತರ್ನಾಕ್ ಜಾಲ!

ಮಾನವ ಕಳ್ಳ ಸಾಗಾಣಿಕೆ ದೇಶದಲ್ಲಿ ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವುದು ಒಂದು ಆತಂಕಕ್ಕೆ ಕಾರಣವಾದರೆ. ಎನ್​ಜಿಒ ಸೋಗಲ್ಲಿ ಇರುವವರೇ ಇಂತಹದನ್ನು ಮಾಡುತ್ತಿದ್ದಾರೆ ಎನ್ನುವುದು ಮತ್ತೊಂದು ದೊಡ್ಡ ಆತಂಕ. ಹೌದು ರಾಜಸ್ಥಾನದಲ್ಲಿ ಇಂತಹ ಒಂದು ಖತರ್ನಾಕ್ ಎನ್​ಜಿಒವನ ರಹಸ್ಯವನ್ನು ಬೇಧಿಸಿದ್ದಾರೆ ಪೊಲೀಸರು. ಈ ಎನ್​ಜಿಒ ಸಂಸ್ಥೆಗೆ ಬಡವರ ಹೆಣ್ಣು ಮಕ್ಕಳೇ ಟಾರ್ಗೆಟ್​. ಅವರಿಂದ ನಿಮ್ಮ ಮಗುವಿಗೆ ಮದುವೆ ಮಾಡಿಸುತ್ತೇನೆ ಎಂದು ಹೇಳಿ ಅವರಿಂದ ಯುವತಿಯರು, ಬಾಲಕಿಯರನ್ನು ಬಿಡದೆ ಪಡೆದುಕೊಂಡು ಅವರನ್ನು ಲಕ್ಷಾಂತರ ರೂಪಾಯಿಗೆ ಮಾರುತ್ತಿದ್ದ ಎನ್​ಜಿಒನ ಅಸಲಿ ರೂಪ ಈಗ ಹೊರಗೆ ಬಂದಿದೆ.

ರಾಜಸ್ಥಾನದ ರಾಜಧಾನಿ ಜೈಪುರನಿಂದ 30 ಕಿಲೋ ಮೀಟರ್​ ದೂರದಲ್ಲಿರುವ ಬಸ್ಸಿ ಬಳಿಯಿರುವ ಸುಜನಾಪುರ ಎಂಬ ಗ್ರಾಮದಲ್ಲಿ, ಗಾಯಿತ್ರಿ ಸರ್ವ ಸಮಾಜ ಸೇವೆ ಎಂಬ ಒಂದು ಎನ್​ಜಿಒವನ್ನು ಫಾರ್ಮ್​ಹೌಸ್​ನಲ್ಲಿ ನಡೆಸಲಾಗುತ್ತಿತ್ತು. ಈ ಒಂದು ಎನ್​ಜಿಒ ಸಾಮೂಹಿಕ ವಿವಾಹ ಮಾಡಿಸುವ ಉದ್ದೇಶದಿಂದ ಸ್ಥಾಪಿಸಲಾಗಿದೆ ಎಂದು ಹೇಳಿಕೊಂಡಿತ್ತು. ಆದರೆ ಬಡವರ ಮನೆಯ ಬಾಲಕಿಯರನ್ನು ಖರೀದಿಸಿ ಬೇರೆಯವರಿಗೆ ಮಾರಾಟ ಮಾಡುತ್ತಿದ್ದರು ಎಂದು ಈಗ ತಿಳಿದು ಬಂದಿದೆ.

ಇದನ್ನೂ ಓದಿ: 30 ವರ್ಷ, 3 ಮಕ್ಕಳು.. ಮತಾಂತರಗೊಂಡು PUC ವಿದ್ಯಾರ್ಥಿ ಜೊತೆ ಮದುವೆಯಾದ ಮಹಿಳೆ!

ಒಂದು ಗ್ಯಾಂಗ್​ನ ಸದಸ್ಯರು ಬಿಹಾರ, ಪಶ್ಚಿಮ ಬಂಗಾಳ, ಒಡಿಶಾ ಮತ್ತು ಉತ್ತರಪ್ರದೇಶದಿಂದ ಇಲ್ಲಿಗೆ ಬಂದಿರುವ ಬಡವರ ಹೆಣ್ಣು ಮಕ್ಕಳನ್ನು ಮದುವೆ ಮಾಡಿಸುವುದಾಗಿ ಭರವಸೆ ನೀಡಿ ಅವರನ್ನು ಕರೆದುಕೊಂಡು ಬಂದು ಗಾಯಿತ್ರಿ ವಿಶ್ವಕರ್ಮಳಿಗೆ ಮಾರುತ್ತಿದ್ದರು. ಈಕೆ ಗಾಯಿತ್ರಿ ಸರ್ವ ಸೇವಾ ಸಮಾಜ ಫೌಂಡೇಷನ್​ ಎನ್​ಜಿಒನ ನಿರ್ದೇಶಕಿ. ಈಕೆ ಯಾರು ಮದುವೆಗಾಗಿ ಹೆಣ್ಣನ್ನು ಹುಡುಕುತ್ತಿರುತ್ತಾರೋ ಅಂತವರನ್ನು ಗುರುತಿಸಿ 2.5 ಲಕ್ಷ ರೂಪಾಯಿಯಿಂದ 5 ಲಕ್ಷ ರೂಪಾಯಿಯವರೆಗೆ ಮಾರುತ್ತಿದ್ದರು ಎಂದು ಬಸ್ಸಿ ಪೊಲೀಸ್​ ಠಾಣೆಯ ಉಸ್ತುವಾರಿ ಅಭಿಜಿತ್ ಪಾಟೀಲ್ ಹೇಳಿದ್ದಾರೆ.

ಇದನ್ನೂ ಓದಿ:ಮುಂಬೈ 26/11 ದಾಳಿಯ ಮಾಸ್ಟರ್​ ಮೈಂಡ್ ಗಡಿಪಾರು.. ಇಂದು ಮಧ್ಯಾಹ್ನ ಭಾರತಕ್ಕೆ ರಾಣಾ!

ಇನ್ನು ಹೀಗೆ ಖರೀದಿ ಮಾಡಲಾದ ಹೆಣ್ಣು ಮಕ್ಕಳ ದರವನ್ನು ಅವರ ಮೈಬಣ್ಣ, ಎತ್ತರ ಮತ್ತು ವಯಸ್ಸಿನ ಆಧಾರದ ಮೇಲೆ ನಿಗದಿಯಾಗುತ್ತಿತ್ತಂತೆ. ಎನ್​ಜಿಒನ ನಿರ್ದೇಶಕಿ ಗಾಯಿತ್ರಿ ಅವರ ಫೇಕ್ ಆಧಾರ್ ಕಾರ್ಡ್​ ತಯಾರಿಸಿ ಅವರ ವಯಸ್ಸನ್ನು 18ಕ್ಕೆ ಮಾರ್ಪಾಡು ಮಾಡುತ್ತಿದ್ದಳಂತೆ. ಇಂತಹ 1,500 ಮದುವೆಗಳನ್ನು ಆಕೆ ಮಾಡಿದ್ದಾಳೆ ಮತ್ತು ಆಕೆಯ ಮೇಲೆ ಈಗಾಗಲೇ 10 ಕೇಸ್​ಗಳು ದಾಖಲಾಗಿದ್ದವು ಎಂದು ಹೇಳಲಾಗಿದೆ.

ಈ ಖತರ್ನಾಕ ಜಾಲ ಬಯಲಾಗಿದ್ದು ಹೇಗೆ?
ಕಳೆದ ಹಲವು ವರ್ಷಗಳಿಂದ ಗಾಯಿತ್ರಿಯ ಈ ದಂಧೆ ಜಾರಿಯಲ್ಲಿಯೇ ಇತ್ತು. ಆದ್ರೆ ಆಕೆಯ ಅಸಲಿ ಬಣ್ಣ ಆಚೆಗೆ ಬಂದಿದ್ದು 16 ವರ್ಷದ ಯುವತಿ ಈ ಒಂದು ಜಾಲದಿಂದ ತಪ್ಪಿಸಿಕೊಂಡು ಓಡಿ ಬಂದ ಮೇಲೆ ಬೆಳಕಿಗೆ ಬಂದಿದೆ. ಉತ್ತರಪ್ರದೇಶದ 16 ವರ್ಷದ ಬಾಲಕಿ, ಗಾಯಿತ್ರಿಯ ಫಾರ್ಮ್​ಹೌಸ್​ನಿಂದ ತಪ್ಪಿಸಿಕೊಂಡು ಬಂದು ಪೊಲೀಸರ ಎದುರು ಎಲ್ಲ ಸತ್ಯವನ್ನು ಹೇಳಿದ್ದಾಳೆ. ಬಾಲಕಿಯ ಹೇಳಿಕೆಯ ಆಧಾರದ ಮೇಲೆ ಪೊಲೀಸರು ಗಾಯಿತ್ರಿ ಫಾರ್ಮ್​ಹೌಸ್​ ಮೇಲೆ ದಾಳಿ ಮಾಡಿ ಆಕೆಯನ್ನು ಅರೆಸ್ಟ್​ ಮಾಡಿದ್ದಾರೆ. ಅವಳ ಜೊತೆಗೆ ಹುನುಮಾನ್, ಭಗವಾನ್ ದಾಸ್​ ಮತ್ತು ಮಹೇಂದ್ರ ಎಂಬ ಮೂವರನ್ನು ಕೂಡ ಅರೆಸ್ಟ್ ಮಾಡಲಾಗಿದೆ.

ಇನ್ನು ಗ್ರಾಮಸ್ಥರು ಹೇಳುವ ಪ್ರಕಾರ ನಮಗೆ ಈ ಎನ್​ಜಿಒ ಬಗ್ಗೆ ಬಡಮಕ್ಕಳನ್ನು ಮದುವೆ ಮಾಡಿಸಿಕೊಡುವ ಒಂದು ಸಂಸ್ಥೆಯೆಂದು ಅಷ್ಟೇ ತಿಳಿದಿದ್ದೇವು. ಕಾರಣ ಆಕೆಯ ಫಾರ್ಮ್​ಹೌಸ್​ ಗ್ರಾಮದ ಕೊನೆಯ ತುದಿಯಲ್ಲಿದೆ. ನಾಲ್ಕು ತಿಂಗಳ ಹಿಂದೆಯೂ ಕೂಡ ಒಬ್ಬ ಬಾಲಕಿ ಅಲ್ಲಿಂದ ಓಡಿ ಬಂದಿದ್ದಳು. ನಮ್ಮ ಮುಂದೆ ಏನೇನೋ ಹೇಳಿದಳು. ಆದರೆ ನಮಗೆ ಆಕೆಯ ಭಾಷೆ ಅರ್ಥವಾಗದ ಕಾರಣ ನಾವು ಅದನ್ನು ಗಂಭೀರವಾಗಿ ಪರಿಗಣಿಸಲಿಲ್ಲ ಎಂದು ಹೇಳಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ