ಕಳೆದ ಪಂದ್ಯದಲ್ಲಿ ಅಬ್ಬರಿಸಿದ್ದ ಕನ್ನಡಿಗ ರನೌಟ್​.. ರಾಜಸ್ಥಾನ್ ತಂಡ​ಕ್ಕೆ ಸಾಧಾರಣ ಟಾರ್ಗೆಟ್

ತವರಿನಲ್ಲಿ ನಡೆದ ಪಂದ್ಯದಲ್ಲಿ ಡೆಲ್ಲಿ ಕ್ಯಾಪಿಟಲ್ಸ್​ ತಂಡ ಸಾಧಾರಣ ಮೊತ್ತದ ಟಾರ್ಗೆಟ್​ ದಾಖಲು ಮಾಡಿದೆ. 20 ಓವರ್​ಗಳನ್ನು ಆಡಿ 5 ವಿಕೆಟ್​ ನಷ್ಟಕ್ಕೆ ಡೆಲ್ಲಿ ಕ್ಯಾಪಿಟಲ್ಸ್​, ರಾಜಸ್ಥಾನ್ ರಾಯಲ್ಸ್​ ಟೀಮ್​ಗೆ 189 ರನ್​ಗಳ ಗುರಿ ನೀಡಿದೆ.

ಅರುಣ್​ ಜೇಟ್ಲಿ ಸ್ಟೇಡಿಯಂನಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಗೆದ್ದ ರಾಜಸ್ಥಾನ್ ರಾಯಲ್ಸ್ ತಂಡದ ನಾಯಕ ಸಂಜು ಸ್ಯಾಮ್ಸನ್ ಅವರು ಫೀಲ್ಡಿಂಗ್ ಆಯ್ಕೆ ಮಾಡಿ, ಡೆಲ್ಲಿ ತಂಡವನ್ನು ಮೊದಲ ಬ್ಯಾಟಿಂಗ್​ಗೆ ಆಹ್ವಾನ ಮಾಡಿದರು. ತಂಡದ ಪರ ಓಪನರ್ ಆಗಿ ಕ್ರೀಸ್​ಗೆ ಆಗಮಿಸಿದ ಮೆಕ್​ಗುರ್ಕ್​ ಹಾಗೂ ಅಭಿಷೇಕ್ ಪೊರೆಲ್ ಉತ್ತಮ ಆರಂಭ ಪಡೆಯಲಿಲ್ಲ. ಕೇವಲ 9 ರನ್​ಗೆ ಮೆಕ್​ಗುರ್ಕ್ ವಿಕೆಟ್​ ಒಪ್ಪಿಸಿದರು. ಇವರ ನಂತರ ಬಂದ ಕನ್ನಡಿಗ ಕರುಣ್ ನಾಯರ್ ರನ್​ ಔಟ್ ಆಗಿ ಬಂದಷ್ಟೇ ವೇಗವಾಗಿ ಪೆವಿಲಿಯನ್ ಸೇರಿದ.

ಇದನ್ನೂ ಓದಿ: IPL ಇತಿಹಾಸದಲ್ಲೇ ವಿಶೇಷ ದಾಖಲೆ.. ಕೆಕೆಆರ್​ ಲೆಜೆಂಡ್​ ರೆಕಾರ್ಡ್​ ಸರಿಗಟ್ಟಿದ ಚಹಲ್​

ಆದರೆ ಅಭಿಷೇಕ್ ಪೊರೆಲ್ ಮಾತ್ರ ಕ್ರೀಸ್​ನಲ್ಲೇ ಇದ್ದರು. ಈ ವೇಳೆ ಪೊರೆಲ್​ಗೆ ಜೊತೆಯಾದ ಕನ್ನಡಿಗ ಕೆ.ಎಲ್ ರಾಹುಲ್ ಅವರು ತಂಡದ ರನ್​ಗಳನ್ನು ಸುಧಾರಣೆಗೆ ತಂದರು. ಕೆ.ಎಲ್​ ರಾಹುಲ್​ 32 ಎಸೆತಗಳಲ್ಲಿ 2 ಫೊರ್, 2 ಸಿಕ್ಸರ್​ನಿಂದ 38 ರನ್​ಗಳಿಸಿ ಬ್ಯಾಟ್​ ಬೀಸುವಾಗ ಕ್ಯಾಚ್​ ಕೊಟ್ಟು ಹೊರ ನಡೆದರು. ಇವರ ಬೆನ್ನಲ್ಲೇ ಅಭಿಷೇಕ್ ಪೊರೆಲ್ ಕೂಡ ಪೆವಿಲಿಯನ್​ ಸೇರಿದರು.

ಅಭಿಷೇಕ್ ಪೊರೆಲ್ ಭರ್ಜರಿ ಬ್ಯಾಟಿಂಗ್ ಮಾಡಿ, 37 ಎಸೆತಗಳಲ್ಲಿ 5 ಫೊರ್, 1 ಸಿಕ್ಸರ್​ನಿಂದ 49 ರನ್​ಗಳನ್ನು ಬಾರಿಸಿದರು. ರಿಯಾನ್​ ಪರಾಗ್​ಗೆ ಕ್ಯಾಚ್​ ಕೊಡುವ ಮೂಲಕ ಕೇವಲ 1 ರನ್​​ನಿಂದ ಅರ್ಧಶತಕ ಮಿಸ್ ಮಾಡಿಕೊಂಡರು. ಕ್ಯಾಪ್ಟನ್​ ಅಕ್ಷರ್ ಪಟೇಲ್ ಅವರು ಕೇವಲ 14 ಎಸೆತಗಳಲ್ಲಿ 4 ಫೋರ್, 2 ಸಿಕ್ಸರ್​ನಿಂದ 34 ರನ್​ಗೆ ಔಟ್​ ಆದರು. ಅಶುತೋಷ್ ಶರ್ಮಾ 15, ಸ್ಟಬ್ಸ್​ ಅಜೇಯ 34 ರನ್​ ಗಳಿಸಿ ತಂಡಕ್ಕೆ ನೆರವಾದರು. ಇದರಿಂದ ಡೆಲ್ಲಿ ಕ್ಯಾಪಿಟಲ್ಸ್​ ತಂಡ 20 ಓವರ್​ಗಳಲ್ಲಿ 5 ವಿಕೆಟ್​ಗೆ 189 ರನ್​ಗಳ ಟಾರ್ಗೆಟ್ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ