ಪಂಜಾಬ್ ಕಿಂಗ್ಸ್​ ಸ್ಟ್ರಾಂಗ್ ಕಂಬ್ಯಾಕ್.. ಯುವ ಆಟಗಾರನಿಗಾಗಿ ಸ್ಥಾನ ತ್ಯಾಗ ಮಾಡಿದ ಸಂಜು

ಜೈಪುರದಲ್ಲಿ ನಡೆಯುತ್ತಿರುವ ಪಂಜಾಬ್ ಕಿಂಗ್ಸ್ ಹಾಗೂ ರಾಜಸ್ಥಾನ್ ರಾಯಲ್ಸ್ ನಡುವಿನ ಪಂದ್ಯವು ತೀವ್ರ ರೋಚಕತೆಗೆ ತಿರುಗಿದೆ. ಆರಂಭದಲ್ಲಿ ವಿಕೆಟ್ ಮೇಲೆ ವಿಕೆಟ್ ಕಳೆದುಕೊಂಡಿದ್ದ ಪಂಜಾಬ್ ಕಿಂಗ್ಸ್​, 219 ರನ್​ಗಳ ಬೃಹತ್ ಮೊತ್ತವನ್ನು ಕಲೆ ಹಾಕಿದೆ.

ಪಂಜಾಬ್ ಪರ ನೆಹಾಲ್ ವಧೇರಾ 37 ಬಾಲ್​ನಲ್ಲಿ 70 ರನ್​ಗಳಿಸಿ ಭರ್ಜರಿ ಕಾಣಿಕೆ ನೀಡಿದರು. ಐದು ಸಿಕ್ಸರ್ ಹಾಗೂ ಐದು ಬೌಂಡರಿ ಬಾರಿಸಿ, ವೀಕ್ಷಕರನ್ನು ರಂಜಿಸಿದರು. ಕ್ಯಾಪ್ಟನ್ ಅಯ್ಯರ್, ವಧೇರಾಗೆ ಉತ್ತಮ ಸಾಥಿಯಾದರು. 25 ಬಾಲ್​ನಲ್ಲಿ 30 ರನ್​ಗಳ ಕಾಣಿಕೆ ನೀಡಿದರು. ನಂತರ ಬಂದ ಶಶಾಂಕ್ ಸಿಂಗ್ ಮತ್ತು ಓಮರ್​​ಜಾಯ್ ಸಖತ್ ಆಟವಾಡಿದರು. ಶಶಾಂಕ್ 30 ಬಾಲ್​ನಲ್ಲಿ 59 ರನ್​ಗಳಿಸಿದ್ರೆ, ಒಮರ್​ಜಾಯ್ 9 ಬಾಲ್​ನಲ್ಲಿ 21 ರನ್​ಗಳಿಸಿದರು. ಆ ಮೂಲಕ ಪಂಜಾಬ್ ಕಿಂಗ್ಸ್, 20 ಓವರ್​ನಲ್ಲಿ ಐದು ವಿಕೆಟ್ ಕಳೆದುಕೊಂಡು 219 ರನ್​ಗಳಿಸಿದೆ.

ಇದನ್ನೂ ಓದಿ: ನಿನ್ನೆಯ ಪಂದ್ಯ ರದ್ದು.. ಅಭಿಮಾನಿಗಳಿಗೆ ಬಿಗ್​ ಅಪ್​ಡೇಟ್ಸ್​ ಕೊಟ್ಟ ಆರ್​ಸಿಬಿ..

ರಾಜಸ್ಥಾನ್ ರಾಯಲ್ಸ್ ಗೆಲ್ಲಲು 220 ರನ್​ಗಳ ಅಗತ್ಯ ಇದೆ. ಪಂಜಾಬ್ ಕಿಂಗ್ಸ್​ಗೆ ಉತ್ತರವಾಗಿ ರಾಜಸ್ಥಾನ್ ರಾಯಲ್ಸ್ ಅದ್ಭುತವಾಗಿ ಬ್ಯಾಟಿಂಗ್ ಮಾಡ್ತಿದೆ. ಕೇವಲ ಮೂರು ಓವರ್ ಮುಕ್ತಾಯದ ವೇಳೆಗೆ 50 ರನ್​ಗಳ ಗಡಿ ದಾಟಿದೆ. ಯಶಸ್ವಿ ಜೈಸ್ವಾಲ್, ವೈಭವ್ ಸೂರ್ಯವಂಶಿ ಬ್ಯಾಟಿಂಗ್ ಮಾಡ್ತಿದ್ದಾರೆ.

ವಿಶೇಷ ಅಂದ್ರೆ ರಾಜಸ್ಥಾನ್ ರಾಯಲ್ಸ್​ಗೆ ಸಂಜು ಸ್ಯಾಮ್ಸನ್ ಕ್ಯಾಪ್ಟನ್ ಆಗಿ ಕಂಬ್ಯಾಕ್ ಮಾಡಿದ್ದಾರೆ. ಆರಂಭಿಕ ಆಟಗಾರನಾಗಿ ಕಣಕ್ಕೆ ಇಳಿಯುತ್ತಿದ್ದ ಸಂಜು, ವೈಭವ್​ ಸೂರ್ಯವಂಶಿಗಾಗಿ ತಮ್ಮ ಸ್ಥಾನವನ್ನು ತ್ಯಾಗ ಮಾಡಿದ್ದಾರೆ. ಈ ಮೊದಲು ಸಂಜು ಅವರ ಅನುಪಸ್ಥಿತಿಯಲ್ಲಿ ವೈಭವ್ ಸ್ಥಾನ ಪಡೆದಿದ್ದರು. ಇದೀಗ ವೈಭವ್​​ಗಾಗಿ ಸಂಜು ತಮ್ಮ ಬ್ಯಾಟಿಂಗ್ ಕ್ರಮಾಂಕವನ್ನು ತ್ಯಾಗ ಮಾಡಿದ್ದಾರೆ.

ಇದನ್ನೂ ಓದಿ: ಯೂಟ್ಯೂಬರ್ ಆಗುವ ಮೊದಲು ಜ್ಯೋತಿ ಮಲ್ಹೋತ್ರ ಹೇಗಿದ್ದಳು..? ಈಕೆ ಭಲೇ ಕಿಡಿಗೇಡಿ ಲೇಡಿ..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್