ಬಿಸಿಸಿಐನ ವಾರ್ಷಿಕ ಒಪ್ಪಂದದಲ್ಲಿ ಆರ್​ಸಿಬಿ ಕ್ಯಾಪ್ಟನ್.. ಎಷ್ಟು ಕೋಟಿ ಸಂಭಾವನೆ ನೀಡುತ್ತೆ..?

ಬಿಸಿಸಿಐ ತನ್ನ ವಾರ್ಷಿಕ ಒಪ್ಪಂದದಲ್ಲಿರುವ ಆಟಗಾರರ ಹೆಸರನ್ನು ಘೋಷಣೆ ಮಾಡಿದೆ. ವಿಶೇಷ ಅಂದ್ರೆ ಬಿಸಿಸಿಐನ ಕೇಂದ್ರ ಒಪ್ಪಂದದಲ್ಲಿ ಆರ್​ಸಿಬಿ ಕ್ಯಾಪ್ಟನ್ ರಜತ್ ಪಾಟೀದಾರ್ ಇದ್ದಾರೆ.

ಬಿಸಿಸಿಐ A+ ಕ್ಯಾಟಗರಿಯಲ್ಲಿ ನಾಲ್ವರು ಆಟಗಾರರು ಇದ್ದಾರೆ. ರೋಹಿತ್ ಶರ್ಮಾ, ವಿರಾಟ್ ಕೊಹ್ಲಿ, ಜಸ್​ಪ್ರಿತ್ ಬುಮ್ರಾ ಹಾಗೂ ರವೀಂದ್ರ ಜಡೇಜಾ ಇದ್ದಾರೆ. ಬಿಸಿಸಿಐನ ಈ ಒಪ್ಪಂದದಲ್ಲಿ ಒಟ್ಟು 34 ಆಟಗಾರರು ಒಳಗೊಂಡಿದ್ದಾರೆ. A+ ವಿಭಾಗದಲ್ಲಿ ಆಟಗಾರರು ವಾರ್ಷಿಕವಾಗಿ 7 ಕೋಟಿ ರೂಪಾಯಿ ಸಂಭಾವನೆ ಪಡೆದರೆ, ವಿಭಾಗದಲ್ಲಿ 5 ಕೋಟಿ ರೂಪಾಯಿ ಹಾಗೂ B ವಿಭಾಗದಲ್ಲಿ 3 ಕೋಟಿ, C ವಿಭಾಗದಲ್ಲಿ 1 ಕೋಟಿ ರೂಪಾಯಿ ಸಂಭಾವನೆ ಪಡೆಯಲಿದ್ದಾರೆ.

34 ಆಟಗಾರರಲ್ಲಿ 20 ಆಟಗಾರರು ಸಿ ಕ್ಯಾಟಗರಿ ಒಪ್ಪಂದದಲ್ಲಿ ಇದ್ದಾರೆ. ಅದರಲ್ಲಿ ರಜತ್ ಪಾಟೀದಾರ್ ಕೂಡ ಇದ್ದಾರೆ. ಅವರಿಗೆ ಬಿಸಿಸಿಐ ವಾರ್ಷಿಕ ಒಂದು ಕೋಟಿ ಸಂಭಾವನೆ ನೀಡಲಿದೆ. ಇನ್ನು ಕಳೆದ ಬಾರಿಯೂ ರಜತ್ ಪಾಟೀದಾರ್​, ಸಿ ಕ್ಯಾಟಗರಿಯಲ್ಲಿದ್ದರು. 2024ರ ಒಪ್ಪಂದಿಂದ ಕೈಬಿಡಲಾಗಿದ್ದ ಇಶಾನ್ ಕಿಶನ್, ಶ್ರೇಯಸ್ ಅಯ್ಯರ್​​ ಲಕ್ ಬದಲಾಗಿದೆ. ಇಬ್ಬರನ್ನೂ ಬಿಸಿಸಿಐ ತನ್ನ ಒಪ್ಪಂದದಲ್ಲಿ ಮತ್ತೆ ಸೇರಿಸಿಕೊಂಡಿದೆ.

ಇದನ್ನೂ ಓದಿ: ಬಿಸಿಸಿಐನ ವಾರ್ಷಿಕ ಒಪ್ಪಂದದಲ್ಲಿ ಆರ್​ಸಿಬಿ ಕ್ಯಾಪ್ಟನ್.. ಎಷ್ಟು ಕೋಟಿ ಸಂಭಾವನೆ ನೀಡುತ್ತೆ..?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್