ರಜತ್ ಪಾಟಿದಾರ್​ಗೆ RCB ಪಟ್ಟ..? ಕ್ಯಾಪ್ಟನ್ಸಿ ನೀಡಲು ಇದೆ 8 ಕಾರಣಗಳು..!

ಐಪಿಎಲ್ ಮೆಗಾ ಹರಾಜು ಮುಗಿದರೂ ಆರ್​​ಸಿಬಿ ಇನ್ನೂ ಕ್ಯಾಪ್ಟನ್​ ಯಾರೆಂದು ಘೋಷಣೆ ಮಾಡಿಲ್ಲ. ನಾಯಕತ್ವ ವಿಚಾರವನ್ನು ರಹಸ್ಯವಾಗಿಯೇ ಇಟ್ಟಿರುವ ಆರ್​ಸಿಬಿ ಮ್ಯಾನೇಜ್ಮೆಂಟ್ ಕೊಹ್ಲಿ ಶಿಷ್ಯ ರಜತ್ ಪಾಟಿದಾರ್​ಗೆ ಪಟ್ಟ ಕಟ್ಟಲು ಮುಂದಾಗಿದೆ ಎನ್ನಲಾಗಿದೆ.

ಕಳೆದ ಕೆಲ ವರ್ಷಳಿಂದ ಆರ್​ಸಿಬಿ ತಂಡದ ಭಾಗವಾಗಿರುವ ರಜತ್​ ಪಾಟಿದಾರ್, ಸೀಸನ್-18ರಲ್ಲಿ ಆರ್​ಸಿಬಿ ನೂತನ ನಾಯಕನಾಗುವ ಸಾಧ್ಯತೆ ದಟ್ಟವಾಗಿದೆ. ಈಗಾಗಲೇ ರಜತ್ ಮೇಲೆ ಒಲವು ಹೊಂದಿರುವ ಆರ್​ಸಿಬಿ ಮ್ಯಾನೇಜ್​ಮೆಂಟ್ ಕ್ಯಾಪ್ಟನ್ಸಿ ನೀಡಲು ಮುಂದಾಗಿದೆ. ಇದಕ್ಕೆ ವಿರಾಟ್​ ಕೊಹ್ಲಿ ಗ್ರೀನ್​ ಸಿಗ್ನಲ್ ನೀಡಬೇಕಿದೆ ಎಂದು ವರದಿಯಾಗಿದೆ.

ಇದನ್ನೂ ಓದಿ:ಬಿಗ್​ಬಾಸ್​ ಮನೆಯಲ್ಲಿ ದೆವ್ವ, ಭೂತಗಳ ಓಡಾಟ.. ಕಾಣಿಸಿಕೊಂಡ ಆತ್ಮದ ನೆರಳಿನ ಅಸಲಿ ಕತೆ ಏನು?

ನಾಯಕತ್ವ ನಿಭಾಯಿಸಲು ಜೈ

ಪವರ್ ಹಿಟ್ಟರ್​ ಆಗಿರುವ ರಜತ್, ನಾಯಕನಾಗಿ ಸೈಯದ್ ಮುಷ್ತಾಕ್ ಅಲಿಯಲ್ಲಿ ಯಶಸ್ಸು ಕಂಡಿದ್ದಾರೆ. 10 ಪಂದ್ಯಗಳ 9 ಇನ್ನಿಂಗ್ಸ್‌ಗಳಿಂದ 61.14 ಸರಾಸರಿಯಲ್ಲಿ ಬರೋಬ್ಬರಿ 428 ರನ್ ಕಲೆಹಾಕಿದ್ದಾರೆ. 186.04 ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್ ಬೀಸಿರುವ ರಜತ್, 32 ಬೌಂಡರಿ, 31 ಸಿಡಿಸಿದ್ದಾರೆ. ಮೊದಲ ಅವಕಾಶದಲ್ಲೇ ರನ್ನರ್ಸ್​ ಆಪ್ ಸ್ಥಾನಕ್ಕೇರಿಸಿದ ಸಾಧನೆಯನ್ನು ಮಾಡಿದ್ದಾರೆ. ಈಗ ಆರ್​ಸಿಬಿ ನಾಯಕತ್ವದ ಪಟ್ಟದ ರೇಸ್​ನಲ್ಲಿ ಮುಂಚೂಣಿಯಾಗಿ ನಿಲ್ಲುವಂತೆ ಮಾಡಿದೆ.

ಪಾಟಿದಾರ್​ಗೆ ಪಟ್ಟ ಯಾಕೆ..?

• ಸೈಯದ್ ಮುಷ್ತಾಕ್ ಆಲಿ ಟೂರ್ನಿಯಲ್ಲಿ ಮಧ್ಯ ಪ್ರದೇಶ ನಾಯಕನಾಗಿ ಸಕ್ಸಸ್
• ರಜತ್​ ನಾಯಕತ್ವದಲ್ಲಿ 10 ಪಂದ್ಯಗಳಲ್ಲಿ ಮಧ್ಯ ಪ್ರದೇಶ 8 ಪಂದ್ಯ ಗೆಲುವು
• ಹೈ-ಫ್ರೆಷರ್ ಗೇಮ್​ಗಳಲ್ಲಿ ರಜತ್​ಗಿದೆ ಬಿಗ್ ಇನ್ನಿಂಗ್ಸ್​ ಕಟ್ಟಬಲ್ಲ ಸಾಮರ್ಥ್ಯ
• ಬೌಲಿಂಗ್ ಚೇಂಜ್‌, ಫೀಲ್ಡಿಂಗ್‌ ಅಡ್ಜಸ್ಟ್​ಮೆಂಟ್​ನಲ್ಲಿ ನಾಯಕತ್ವದ ಚಾಣಾಕ್ಷತೆ
• ಕಳೆದ ಸೀಸನ್​ನಲ್ಲಿ ಆರ್​ಸಿಬಿ ಪರ ಪಾಟಿದಾರ್​ ಮ್ಯಾಚ್ ವಿನ್ನಿಂಗ್ ಆಟ
• ಕೂಲ್ ಅಂಡ್ ಕಾಮ್, ಎಲ್ಲರೊಂದಿಗೆ ಬೆರೆಯುವ ಗುಣ ರಜತ್​ಗೆ ಇದೆ
• ಆರ್​ಸಿಬಿ ತಂಡದ ಕಲ್ಚರ್​ ಬಗ್ಗೆ ರಜತ್​ ಪಾಟಿದಾರ್​ಗೆ ಅರಿವು
• ಮುಂದಿನ 2 ವರ್ಷ ಆರ್​ಸಿಬಿ ನಾಯಕನಾಗಿ ರಜತ್ ಪಾಟಿದಾರ್

31 ವರ್ಷದ ರಜತ್ ಪಾಟಿದಾರ್​, ದೇಶಿ ಕ್ರಿಕೆಟ್ ಹಾಗೂ ಆರ್​ಸಿಬಿ ಪರವೂ ಕನ್ಸಿಸ್ಟೆನ್ಸಿ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಇದಲ್ಲಕ್ಕಿಂತ ಮಿಗಿಲಾಗಿ ಆರ್​ಸಿಬಿ ಪರ ಮಿಡಲ್ ಆರ್ಡರ್​ನ ಬಲವಾಗಿದ್ದಾರೆ. ರಜತ್​ ಪಾಟಿದಾರ್​ ಮೇಲೆ ಭರವಸೆ ಹೊಂದಿರುವ ಮ್ಯಾನೇಜ್​ಮೆಂಟ್, ಎರಡ್ಮೂರು ವರ್ಷಗಳ ಕಾಲ ನಾಯಕತ್ವದ ಪಟ್ಟ ಕಟ್ಟುವ ಲೆಕ್ಕಾಚಾರದಲ್ಲಿದೆ.

ಇದನ್ನೂ ಓದಿ:ಐಪಿಎಲ್​ ಮೆಗಾ ಹರಾಜು: ಕೊಹ್ಲಿ ಆಪ್ತನ ಖರೀದಿಗೆ ಆರ್​​ಸಿಬಿ ದಿಢೀರ್​ ಹಿಂದೇಟು ಹಾಕಲು ಕಾರಣವೇನು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್