2025ರ ಐಪಿಎಲ್​​; ಕೊಹ್ಲಿ ಆಪ್ತನಿಗೆ ಆರ್​​ಸಿಬಿ ಕ್ಯಾಪ್ಟನ್ಸಿ ಪಟ್ಟ ಗ್ಯಾರಂಟಿ!

ಆರ್​ಸಿಬಿ ಮುಂದಿನ ಕ್ಯಾಪ್ಟನ್ ಯಾರು? ಅನ್ನೋ ಪ್ರಶ್ನೆ ಅಭಿಮಾನಿಗಳಲ್ಲಿ ಕುತೂಹಲ ಹುಟ್ಟಿಸಿದೆ. ಇತ್ತೀಚೆಗೆ ನಡೆದ ಮೆಗಾ ಹರಾಜಿನಲ್ಲಿ ನಾಯಕತ್ವ ಇರೋ ಯಾವೊಬ್ಬ ಆಟಗಾರನನ್ನು ಖರೀದಿ ಮಾಡಲಿಲ್ಲ. ಇದು ಮೇಲ್ನೋಟಕ್ಕೆ ಕೊಹ್ಲಿಯೇ ನಾಯಕ ಅನ್ನೋ ಸುಳಿವು ನೀಡ್ತಿದೆ. ಒಂದು ವೇಳೆ ಕೊಹ್ಲಿ ಕ್ಯಾಪ್ಟನ್​ ಆಗದಿದ್ರೆ, ರಜತ್​ ಪಾಟಿದಾರ್​ಗೆ ಧಕ್ಕಿದರೂ ಅಚ್ಚರಿ ಇಲ್ಲ.

ರಜತ್​​ ಪಾಟಿದಾರ್​ಗೆ ನಾಯಕತ್ವ

ಕಳೆದ ಕೆಲ ವರ್ಷಳಿಂದ ಆರ್​ಸಿಬಿ ತಂಡದ ಭಾಗವಾಗಿದ್ದಾರೆ ರಜತ್​ ಪಾಟಿದಾರ್. ಇವರು 2025ರ ಐಪಿಎಲ್ ಸೀಸನ್​​ನಲ್ಲಿ​​ ಆರ್​ಸಿಬಿ ಹೊಸ ಕ್ಯಾಪ್ಟನ್​ ಸಾಧ್ಯತೆ ದಟ್ಟವಾಗಿದೆ. ಈಗಾಗಲೇ ರಜತ್ ಮೇಲೆ ಒಲವು ಹೊಂದಿರುವ ಆರ್​ಸಿಬಿ ಮ್ಯಾನೇಜ್​ಮೆಂಟ್, ಪಟ್ಟ ಕಟ್ಟಲು ರೆಡಿಯಾಗಿದೆ. ಇದಕ್ಕೆ ವಿರಾಟ್​ ಕೊಹ್ಲಿ ಗ್ರೀನ್​ ಸಿಗ್ನಲ್ ನೀಡಬೇಕಿದೆ.

ಪವರ್ ಹಿಟ್ಟರ್​ ಆಗಿರೋ ರಜತ್, ನಾಯಕನಾಗಿ ಸೈಯದ್ ಮುಷ್ತಾಕ್ ಅಲಿಯಲ್ಲಿ ಯಶಸ್ಸು ಕಂಡಿದ್ದಾರೆ. 10 ಪಂದ್ಯಗಳ 9 ಇನ್ನಿಂಗ್ಸ್‌ಗಳಿಂದ 61.14 ಸರಾಸರಿಯಲ್ಲಿ ಬರೋಬ್ಬರಿ 428 ರನ್ ಕಲೆಹಾಕಿದ್ದಾರೆ. 186.04 ಸ್ಟ್ರೈಕ್‌ರೇಟ್‌ನಲ್ಲಿ ಬ್ಯಾಟ್ ಬೀಸಿರುವ ರಜತ್, 32 ಬೌಂಡರಿ, 31 ಸಿಡಿಸಿದ್ದಾರೆ. ಮೊದಲ ಅವಕಾಶದಲ್ಲೇ ರನ್ನರ್ಸ್​ ಆಪ್ ಸ್ಥಾನಕ್ಕೇರಿಸಿದ ಸಾಧನೆಯನ್ನು ಮಾಡಿದ್ದಾರೆ. ಈಗ ಆರ್​ಸಿಬಿ ನಾಯಕತ್ವದ ಪಟ್ಟದ ರೇಸ್​ನಲ್ಲಿ ಮುಂಚೂಣಿಯಾಗಿ ನಿಲ್ಲುವಂತೆ ಮಾಡಿದೆ.

31 ವರ್ಷದ ರಜತ್ ಪಾಟಿದಾರ್​, ದೇಶಿ ಕ್ರಿಕೆಟ್ ಹಾಗೂ ಆರ್​ಸಿಬಿ ಪರವೂ ಕನ್ಸಿಸ್ಟೆನ್ಸಿ ಪರ್ಫಾಮೆನ್ಸ್ ನೀಡ್ತಿದ್ದಾರೆ. ಇದಲ್ಲಕ್ಕಿಂತ ಮಿಗಿಲಾಗಿ ಆರ್​ಸಿಬಿ ಪರ ಮಿಡಲ್ ಆರ್ಡರ್​ನ ಬಲವಾಗಿದ್ದಾರೆ. ರಜತ್​ ಪಾಟಿದಾರ್​ ಮೇಲೆ ಭರವಸೆ ಹೊಂದಿರುವ ಮ್ಯಾನೇಜ್​ಮೆಂಟ್, ನಾಯಕತ್ವದ ಪಟ್ಟ ಕಟ್ಟುವ ಲೆಕ್ಕಾಚಾರದಲ್ಲಿದೆ.

ಇದನ್ನೂ ಓದಿ:2025ರ ಐಪಿಎಲ್​​: ರಿಂಕು ಸಿಂಗ್​ಗೆ ಬಿಗ್​ ಶಾಕ್​ ಕೊಟ್ಟ ಕೆಕೆಆರ್; ಅಸಲಿಗೆ ಆಗಿದ್ದೇನು?

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್