ರಾಮಾಚಾರಿ ಸೀರಿಯಲ್ ನಿರ್ದೇಶಕ ರಾಮ್ ಜೀ ಮೇಲೆ ಲೈಂಗಿಕ ಕಿರುಕುಳದ ಆರೋಪ; FIR ದಾಖಲು

ಬೆಂಗಳೂರು: ರಾಮಾಚಾರಿ ಸೇರಿದಂತೆ ಮಂಗಳಗೌರಿ ಮದುವೆ, ನಾಗಿಣಿ 2 ಸೇರಿ 16 ಸೀರಿಯಲ್ ನಿರ್ದೇಶನ ಮಾಡಿರುವ ಕೆ.ಎಸ್‌ ರಾಮ್‌ ಜೀ ಮೇಲೆ ಯುವತಿಯರಿಗೆ ಲೈಂಗಿಕ ಕಿರುಕುಳ ನೀಡಿರುವ ಆರೋಪ ವೈರಲ್ ಆಗಿದೆ.

ರಾಮಾಚಾರಿ ಸೀರಿಯಲ್‌ ನಿರ್ದೇಶಕ ಕೆ.ಎಸ್‌ ರಾಮ್ ಜೀ ವಿರುದ್ಧ ಇನ್​​ಸ್ಟಾಗ್ರಾಂನಲ್ಲಿ ಪೋಸ್ಟ್​ ಮಾಡಲಾಗಿದ್ದು, ಯುವತಿಯರಿಗೆ ಲೈಗಿಂಕ ಕಿರುಕುಳ‌ ನೀಡಿದ್ದಾರೆಂದು ಆರೋಪಿಸಲಾಗಿದೆ. ನಕಲಿ ಖಾತೆಯಿಂದ ಲೈಂಗಿಕ ಕಿರುಕುಳದ ಪೋಸ್ಟ್ ಮಾಡಿದ್ದು, ಪಶ್ಚಿಮ ವಿಭಾಗದ ಸೈಬರ್ ಕ್ರೈಂ ಠಾಣೆಯಲ್ಲಿ ನಿರ್ದೇಶಕ ರಾಮ್ ಜೀ ಅವರೇ ದೂರು ನೀಡಿದ್ದಾರೆ.

ಮಂಗಳಗೌರಿ ಮದುವೆ, ನಾಗಿಣಿ 2 ಸೇರಿ 16 ಸೀರಿಯಲ್ ನಿರ್ದೇಶನ ಮಾಡಿರುವ ರಾಮ್‌ ಜೀ ಸದ್ಯ ರಾಮಾಚಾರಿ ಧಾರಾವಾಹಿ ನಿರ್ದೇಶನ ಮಾಡುತ್ತಿದ್ದಾರೆ. ರಾಮ್​ಜೀ ಹೆಜ್ಜಾರು ಎಂಬ ಕನ್ನಡ ಸಿನಿಮಾಗೂ ಆ್ಯಕ್ಷನ್ ಕಟ್ ಹೇಳುತ್ತಿದ್ದಾರೆ.

ಕಳೆದ ಜನವರಿ 24ರಂದು Exposing_Ram_ji ಇನ್​​ಸ್ಟಾ ಖಾತೆ ಕ್ರಿಯೇಟ್ ಮಾಡಲಾಗಿದೆ. ಆ ಪೇಜ್‌ನಲ್ಲಿ ರಾಮ್ ಜೀ ಫೋಟೋ ಬಳಸಿಕೊಂಡು ಯುವತಿಯರಿಗೆ ನಿರ್ದೇಶಕರಿಂದ ಲೈಂಗಿಕ ಕಿರುಕುಳ ಅಂತ ಪೋಸ್ಟ್ ಮಾಡಲಾಗಿದೆ.

ಇದನ್ನೂ ಓದಿ: ಸೀರೆಯಲ್ಲಿ ಅಪ್ಸರೆಯಂತೆ ಕಂಡ ಮೋಕ್ಷಿ.. ಫೋಟೋ ಹಂಚಿಕೊಂಡು LOVE ಸ್ಟೋರಿ ಹೇಳಿದ ಚೆಲುವೆ..! 

ನಿರ್ದೇಶಕರ ವಿರುದ್ಧ ಲೈಂಗಿಕ ಕಿರುಕುಳ ಅಂತ ಪೋಸ್ಟ್​ ಮಾಡಿದ್ದು, ಆರೋಪಗಳನ್ನ ರಾಮ್ ಜೀ ನಿರಾಕರಿಸಿದ್ದಾರೆ. ನನ್ನ ಬೆಳವಣಿಗೆ ಸಹಿಸದೆ ಹೀಗೆ ಮಾಡ್ತಿದ್ದಾರೆ. ಅಪರಿಚಿತ ವ್ಯಕ್ತಿ ವಿರುದ್ಧ ಸೂಕ್ತ ಕ್ರಮ ಜರುಗಿಸಬೇಕು ಎಂದು ಪಶ್ಚಿಮ ವಿಭಾಗದ ಸೈಬರ್ ಕ್ರೈಂ ಠಾಣೆಯಲ್ಲಿ ನಿರ್ದೇಶಕ ರಾಮ್‌ ಜೀ ಎಫ್ಐಆರ್ ದಾಖಲು ಮಾಡಿದ್ದಾರೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ