ರಂಜನಿ ರಾಘವನ್, ಮೋಕ್ಷಿತಾ, ಭವ್ಯಾ ಗೌಡ.. ಈ ಮೂವರಲ್ಲಿ ಯಾರಾಗ್ತಾರೆ ಕರ್ಣನ ಹೀರೋಯಿನ್!

ಕನ್ನಡತಿ ಮೂಲಕ ಕಿರುತೆರೆಯ ಸೂಪರ್​ ಸ್ಟಾರ್​ ಆಗಿ ಮಿಂಚಿದ್ದು ನಟ ಕಿರಣ್​ ರಾಜ್​. ಸಾಲು ಸಾಲು ಸಿನಿಮಾಗಳ ಆಫರ್​ ನಡುವೆಯೂ ಡಾಕ್ಟರ್​ ಕರ್ಣ ಆಗಿ ಟಿವಿ ಪರೆದೆ ಮೇಲೆ ಮಿಂಚೋಕೆ ಮತ್ತೇ ಬರ್ತಿದ್ದಾರೆ. ಮಹಿಳಾ ಪ್ರಧಾನ ಕಥೆಗಳೇ ಹೆಚ್ಚು. ಧಾರಾವಾಹಿ ಟೈಟಲ್​ ಕೂಡ ನಾಯಕಿಯ ಮೂಲಕ ಶುರುವಾಗ್ತಿರುತ್ತೆ.

ಇದನ್ನೂ ಓದಿ: 10 ತಿಂಗಳ ಬಳಿಕ ಶೂಟಿಂಗ್‌ನಲ್ಲಿ ಭಾಗಿಯಾದ ನಟ ದರ್ಶನ್; ಟಾಪ್ 10 ಫೋಟೋ ಇಲ್ಲಿವೆ!

ಎಲ್ಲೋ ಬೆರಳಿಣಿಕೆಯಷ್ಟು ನಾಯಕನನ್ನ ಒಳಗೊಂಡ ಶೀರ್ಷಿಕೆಗಳು ಬರುತ್ತೆ. ಕರ್ಣ ಟೋಟಲಿ ವಿಭಿನ್ನ ಧಾರಾವಾಹಿ. ನಾಯಕನ ಪಾತ್ರ ಹಲವು ಆಯಾಮಗಳಲ್ಲಿ ಸಾಗುತ್ತೆ. ತೂಕ ಇರೋ ಪಾತ್ರ. ಮನೆಯವರ ದ್ವೇಷದ ನಡುವೆಯೂ ಮಗನಾಗಿ ಕರ್ತವ್ಯ ನಿರ್ವಹಿಸೋದು, ಊರಿಗೆ ಬೇಕಾದ ವ್ಯಕ್ತಿಯಾಗಿರ್ತಾನೆ. ಲವರ್​ ಬಾಯ್​.. ಆದರೆ ಮುಂದೆ ಸೈಕೋ ಆಗ್ತಾನೆ. ಹೀಗೆ ಸಾಕಷ್ಟು ಪರ್ಫಾಮನ್ಸ್​ ಬಯಸುವ ಅದ್ಭುತವಾದ ಪಾತ್ರ. ಕಿರಣ್​ ರಾಜ್​ ಪರ್ಫಾಮನ್ಸ್​ ಹೇಗಿರಲಿದೆ ಎಂಬ ಕುತೂಹಲ ಸಹಜವಾಗಿಯೇ ಇದೆ. ಸದ್ಯ ಮತ್ತೊಂದು ವಿಚಾರ ಹೆಚ್ಚು ಚರ್ಚೆ ಆಗ್ತಿದೆ. ಕಿರಣ್​ಗೆ ನಾಯಕಿ ಆಗೋರು ಯಾರು?

ಕರ್ಣ ಪ್ರೋಮೋ ರಿಲೀಸ್ ಆಗುತ್ತಿದ್ದಂತೆ ಕಿರಣ್​ ರಾಜ್​ ಅವರಿಗೆ ಶುಭಾಶಯಗಳ ಮಾಹಾಪೂರವೇ ಹರಿದು ಬಂದಿದೆ. ಜೊತೆಗೆ ನಾಯಕಿ ಯಾರು ಆಗಲಿದ್ದಾರೆ ಅನ್ನೋ ಚರ್ಚೆಗಳು ಶುರುವಾಗಿದೆ. ಮುಖ್ಯವಾಗಿ ಕೇಳಿ ಬರ್ತಿರೋ ಹೆಸರುಗಳು ರಂಜಿನಿ ರಾಘವನ್​, ಮೋಕ್ಷಿತಾ ಹಾಗೂ ಭವ್ಯಾ. ಕಿರಣ್ ರಾಜ್​​ ಅಭಿಮಾನಿಗಳೂ ಸೋಷಿಯಲ್​ ಮೀಡಿಯಾದಲ್ಲಿ ಸಿಕ್ಕಾಪಟ್ಟೆ ಚರ್ಚೆ ಮಾಡ್ತಿರೋ ವಿಚಾರ ನಾಯಕಿಯದ್ದು. ರಂಜಿನಿ ಹಾಗೂ ಕಿರಣ್​ ಜೋಡಿ ಕನ್ನಡತಿ ಮೂಲಕ ಸೂಪರ್​ ಹಿಟ್​ ಆಗಿದೆ. ಇದೇ ಜೋಡಿ ಮತ್ತೇ ಮರಳಲ್ಲಿ ಅನ್ನೋದು ಹರ್ಷ ಭುವಿ ಫ್ಯಾನ್ಸ್ ಆಶಯ.

ಇದನ್ನೂ ಓದಿ:ಅಭಿಮಾನಿಗೆ ಕೊಟ್ಟ ಮಾತು ಉಳಿಸಿಕೊಂಡ ನಟ​ ಕಿರಣ್ ರಾಜ್‌.. ಕನ್ನಡ ಕಿರುತೆರೆಯಲ್ಲೇ ಅತಿ ಹೆಚ್ಚು ಸಂಭಾವನೆ ಪಡೆದ್ರಾ!

ಇನ್ನೂ, ಬಿಗ್​ಬಾಸ್​ ಮೂಲಕ ಅಪಾರ ಫ್ಯಾನ್ಸ್​ ಸಂಪಾದನೆ ಮಾಡಿರೋ ಮೋಕ್ಷಿತಾ ಹಾಗೂ ಭವ್ಯಾ ಹೆಸರು ಕೇಳಿ ಬರ್ತಿದೆ. ಮೋಕ್ಷಿತಾನೇ ಕಿರಣ್​ಗೆ ಬೆಸ್ಟ್ ಜೋಡಿ ಅಂತಿದ್ರೇ, ಇನ್ನೊಂದು ಇಷ್ಟು ಜನ ಇಲ್ಲ.. ಇಲ್ಲ.. ಭವ್ಯಾನೇ ಕಿರಣ್​ಗೆ ಜೋಡಿಯಾಗ್ಬೇಕು ಅಂತಿದ್ದಾರೆ. ಕಮೆಂಟ್​ ಬಾಕ್ಸ್​ನಲ್ಲಿ ತಮ್ಮ ನೆಚ್ಚಿನ ನಟಿಯನ್ನ ಬೆಂಬಲಿಸಿ ಫ್ಯಾನ್ಸ್​ಗಳ ವಾರ್​ಯೇ ನಡಿತಿದೆ.

ಅಂದ್ಹಾಗೆ, ಕರ್ಣ ಧಾರಾವಾಹಿ ನಿರ್ಮಾಣ ಮಾಡ್ತಿರೋದು ಜನಪ್ರಿಯ ನಿರ್ಮಾಪಕಿ, ನಿರ್ದೇಶಕಿ ಶ್ರುತಿ ನಾಯ್ಡು. ಶ್ರುತಿ ನಾಯ್ಡು ಅವರ ಹೊಸ ನಾಯಕಿಯರನ್ನ ಪರಿಚಯಿಸೋದರಲ್ಲಿ ಸದಾ ಮುಂದು. ಕರ್ಣನಿಗೆ ಹೊಸ ನಾಯಕಿನ ತುರುತ್ತಾರಾ? ಇಲ್ಲ ಫ್ಯಾನ್ಸ್​ಗಳ ಅಭಿಲಾಶೆಯಂತೆ ಸದ್ಯದ ಪಾಪ್ಯೂಲರ್​ ನಟಿಯನ್ನ ಪಿಕ್​ ಮಾಡ್ತಾರಾ ಅಂತ ಕಾದು ನೋಡಬೇಕಿದೆ.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ