ಚಿನ್ನ ಕಳ್ಳಸಾಗಾಟ ಕೇಸ್​ಗೆ ಬಿಗ್ ಟ್ವಿಸ್ಟ್​ ಕೊಟ್ಟ ರನ್ಯಾ ರಾವ್.. ಅಸಲಿ ಕಳ್ಳರು ಯಾರು?

ವಿದೇಶದಿಂದ ಅಕ್ರಮವಾಗಿ ಚಿನ್ನವನ್ನು ಬಚ್ಚಿಟ್ಟುಕೊಂಡು ಬಂದ ಪ್ರಕರಣದಲ್ಲಿ ಸ್ಯಾಂಡಲ್​ವುಡ್ ನಟಿ ರನ್ಯಾ ರಾವ್ (Actress Ranya Rao) ಅರೆಸ್ಟ್ ಆಗಿದ್ದಾರೆ. ಗೋಲ್ಡ್​ ಸ್ಮಗ್ಲಿಂಗ್​ ಕೇಸ್​ನಲ್ಲಿ (Gold Smuggling) ಬಂಧನಕ್ಕೆ ಒಳಗಾಗಿರುವ ಕಳಂಕಿತ ನಟಿ, ಪ್ರಕರಣಕ್ಕೆ ಹೊಸ ಟ್ವಿಸ್ಟ್ ನೀಡಿದ್ದಾರೆ.

‘ನಾನು ಟ್ರ್ಯಾಪ್​​ಗೆ ಒಳಗಾಗಿದ್ದೆ’ ಎಂದು ನಟಿ ರನ್ಯಾ ರಾವ್ ಹೇಳಿಕೆ ನೀಡಿದ್ದಾರಂತೆ. ಹೀಗಾಗಿ ಪ್ರಕರಣದ ಮೇಲೆ ಮತ್ತಷ್ಟು ಅನುಮಾನಗಳು DRI Officials ಅಧಿಕಾರಿಗಳಿಗೆ ಕಾಡಿದೆ ಎನ್ನಲಾಗುತ್ತಿದೆ. ನಟಿಯ ಹೇಳಿಕೆಯ ಆಧಾರದ ಮೇಲೆ ‘ಟ್ರ್ಯಾಪ್​’ ಹಿಂದಿರುವ ಸೂತ್ರಧಾರಿಗಳಿಗಾಗಿ ಕಂದಾಯ ಗುಪ್ತಚರ ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ತೀವ್ರ ಶೋಧಕಾರ್ಯ ನಡೆಸ್ತಿದ್ದಾರೆ.

ರನ್ಯಾ ಹೇಳಿಕೆ ಏನು..?

ಈ ಪ್ರಕರಣದಲ್ಲಿ ನನ್ನದೇನೂ ತಪ್ಪಿಲ್ಲ. ನಾನು ಚಿನ್ನಾಭರಣಗಳ ಸ್ಮಗ್ಲರ್​​ಗಳಿಂದ ಟ್ರ್ಯಾಪ್​ಗೆ ಒಳಗಾದೆ ಎಂಬ ಹೇಳಿಕೆ ನೀಡಿದ್ದಾರೆ ಎನ್ನಲಾಗಿದೆ. ಹಾಗಾದರೆ ನಟಿಗೆ ಬೆದರಿಕೆ ಹಾಕಿ ಈ ಕೆಲಸ ಮಾಡಿಸಿದ್ದು ಯಾರು? ಪ್ರಕರಣದ ಹಿಂದೆ ಇರುವ ಅಸಲಿ ಕೈ ಯಾವುದು ಎನ್ನುವ ತನಿಖೆಯನ್ನು ಅಧಿಕಾರಿಗಳು ನಡೆಸುತ್ತಿದ್ದಾರೆ. ಚಿನ್ನ ಸಾಗಣೆ ಕೇಸ್​ನಲ್ಲಿ ರನ್ಯಾ ಕೂಡ ಕಮೀಷನ್​ ಪಡೆದಿದ್ದಾರೆ ಎನ್ನಲಾಗ್ತಿದೆ.

ಇದನ್ನೂ ಓದಿ:ಇಂದು ರನ್ಯಾ ರಾವ್ ತೀರ್ಪು.. ತನಿಖೆ ವೇಳೆ ಕಾಡಿವೆ ಆ ಮೂರು ಪ್ರಶ್ನೆಗಳು..!

ಹೀಗಾಗಿ ಅಧಿಕಾರಿಗಳು ಎಲ್ಲಾ ಆಯಾಮದಲ್ಲೂ ತನಿಖೆ ಆರಂಭಿಸಿದ್ದಾರೆ. ನಟಿ ಹೇಳ್ತಿರೋದು ನಿಜನಾ? ಇಲ್ಲ, ಈ ಪ್ರಕರಣದಲ್ಲಿ ತಾನು ಮುಗ್ಧೆ ಎಂದು ಹೇಳಲು ಆ ರೀತಿಯ ಹೇಳಿಕೆ ನೀಡುತ್ತಿದ್ದಾರಾ? ಹಣದ ಆಸೆಗೆ ಬಿದ್ದು ಚಿನ್ನ ಸಾಗಾಟದಲ್ಲಿ ಭಾಗಿಯಾಗಿದ್ದರಾ ಎಂಬ ಪ್ರಶ್ನೆ ಶುರುವಾಗಿದೆ.

27ಕ್ಕೂ ಹೆಚ್ಚು ಬಾರಿ ದುಬೈ ಯಾತ್ರೆ

ಆರು ತಿಂಗಳ ಅವಧಿಯಲ್ಲಿ ರನ್ಯಾ ರಾವ್ ಬರೋಬ್ಬರಿ 27ಕ್ಕೂ ಹೆಚ್ಚು ಬಾರಿ ದುಬೈ ಪ್ರವಾಸ ಮಾಡಿದ್ದಾರೆ. ಈ ಬಗ್ಗೆಯೂ ಅಧಿಕಾರಿಗಳು ನಟಿಯನ್ನು ಪ್ರಶ್ನೆ ಮಾಡ್ತಿದ್ದಾರೆ. ದುಬೈಗೆ ನಿರಂತರವಾಗಿ ಹೋಗಿ ಬರುತ್ತಿರುವ ಬಗ್ಗೆಯೂ ಕೇಳಿದ್ದಾರೆ ಎನ್ನಲಾಗಿದೆ.

ಇದನ್ನೂ ಓದಿ: ಫೈನಲ್​ ಪಂದ್ಯದ ಪ್ಲೇಯಿಂಗ್-11ರಲ್ಲಿ ಭಾರೀ ಬದಲಾವಣೆ? ಅಸಲಿ ವಿಚಾರ ಬಿಚ್ಚಿಟ್ಟ ಗವಾಸ್ಕರ್..!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ