IND vs AUS ಟೆಸ್ಟ್ ಸರಣಿ​ ಗೆಲ್ಲೋದು ಯಾರು..? ಭವಿಷ್ಯ ನುಡಿದ ರವಿ ಶಾಸ್ತ್ರಿ

ಇಂಡೋ ಆಸಿಸ್ ಟೆಸ್ಟ್ ಸಿರೀಸ್​ ಗೆಲ್ಲೋದ್ಯಾರು? ಟೀಮ್ ಇಂಡಿಯಾನಾ? ಆಸ್ಟ್ರೇಲಿಯಾನಾ? ಇದು ವಿಶ್ವ ಕ್ರಿಕೆಟ್ ಅಭಿಮಾನಿಗಳ ಮಿಲಿಯನ್ ಡಾಲರ್ ಪ್ರಶ್ನೆ. ಇದೀಗ ಬ್ರಿಸ್ಬಿನ್​ನಲ್ಲಿ ಮೂರನೇ ಟೆಸ್ಟ್ ಆರಂಭವಾಗಿದ್ದು, ಮಳೆಯಿಂದಾಗಿ ಪಂದ್ಯವನ್ನು ತಾತ್ಕಾಲಿಕವಾಗಿ ನಿಲ್ಲಿಸಲಾಗಿದೆ.

ರವಿ ಶಾಸ್ತ್ರಿ ಭವಿಷ್ಯ
ಟೆಸ್ಟ್​ ಸರಣಿ ಗೆಲ್ಲೋ ಹಾಟ್ ಫೇವರಿಟ್ಸ್​ ಯಾರೆಂಬ ಡಿಬೇಟ್ ಜೋರಾಗಿದ್ದು, ಟೆಸ್ಟ್​ ಸರಣಿಯ ಗೆಲುವಿನ ಬಗ್ಗೆ ಟೀಮ್ ಇಂಡಿಯಾದ ಮಾಜಿ ಕೋಚ್ ರವಿ ಶಾಸ್ತ್ರಿ ಭವಿಷ್ಯ ನುಡಿದಿದ್ದಾರೆ.

ಟೀಮ್ ಇಂಡಿಯಾ ಗಾಬ್ಬಾದಲ್ಲಿ ಗೆಲ್ಲುವುದು ಮುಖ್ಯವಾಗಿದೆ. ಏಕೆಂದರೆ ಸರಣಿ 1-1ರ ಸಮಬಲದಲ್ಲಿದೆ. ಗಾಬ್ಬಾ ಟೆಸ್ಟ್ ಪಂದ್ಯ ಯಾವ ತಂಡ ಗೆಲ್ಲುತ್ತದೆಯೋ, ಆ ತಂಡವೇ ಸರಣಿ ಗೆಲ್ಲುತ್ತೆ ಎಂದು ನಾನು ಭಾವಿಸುತ್ತೇನೆ. ಈ ಬಗ್ಗೆ ನನಗೆ ಯಾವುದೇ ಅನುಮಾನ ಇಲ್ಲ-ರವಿ ಶಾಸ್ತ್ರಿ, ಮಾಜಿ ಕೋಚ್

ಗಬ್ಬಾ ಗೆದ್ದವರೇ ಬಾರ್ಡರ್ ಗವಾಸ್ಕರ್ ಟೆಸ್ಟ್ ಸರಣಿ ಮುಡಿಗೇರಿಸಿಕೊಳ್ತಾರೆ. ಇದು ರವಿ ಶಾಸ್ತ್ರಿ, ಸರಣಿ ಪರಿಸ್ಥಿತಿಯ ಲಕ್ಕಾಚಾರವನ್ನೇ ಹಾಕಿಯೇ ಹೇಳ್ತಿದ್ದಾರೆ. ಗಬ್ಬಾ ಗೆದ್ದವ ಸುಖಾಸುಮ್ಮನೆ ಹೇಳ್ತಿಲ್ಲ. ಇದಕ್ಕೆ ಕಾರಣಗಳೂ ಇವೆ. ಈ ಹಿಂದಿನ ಸರಣಿಗಳು ಕೂಡ ಗಬ್ಬಾ ಗೆದ್ದವರೇ ಬಾಸ್ ಅನ್ನೋದನ್ನ ನಿರೂಪಿಸಿವೆ.

ಇದನ್ನೂ ಓದಿ:IND vs AUS: ಮೂರನೇ ಟೆಸ್ಟ್​​ಗೆ ದಿಢೀರ್ ಅಡ್ಡಿ.. ಅರ್ಧಕ್ಕೆ ಸ್ಥಗಿತಗೊಂಡ ಆಟ..!

2021ರಲ್ಲಿ ಟೀಮ್ ಇಂಡಿಯಾ ವಿಕ್ಟರಿ..!

2020-22ರ ಆಸ್ಟ್ರೇಲಿಯಾ ಪ್ರವಾಸ. ಈ ಪ್ರವಾಸ ಟೀಮ್ ಇಂಡಿಯಾ ಅಭಿಮಾನಿಗಳಂತೂ ಮರೆಯಲ್ಲ. 36 ರನ್​ಗಳ ಆಲೌಟ್​.. ಸ್ಟಾರ್ ಆಟಗಾರರ ಅಲಭ್ಯತೆ.. ಸತತ ಇಂಜುರಿಗಳಿಂದ ಹಿನ್ನಡೆ ಅನುಭವಿಸಿದ್ದ ಟೀಮ್ ಇಂಡಿಯಾ, ಪುಟಿದೇಳುವ ಒನ್ ಪರ್ಸೆಟ್ ನಂಬಿಕೆಯೂ ಇರಲಿಲ್ಲ. ನಂತರದ ಮೆಲ್ಬೋರ್ನ್ ಟೆಸ್ಟ್​ನಲ್ಲಿ ರೋಚಕ ಗೆಲುವು ದಾಖಲಿಸಿದ್ದ ಟೀಮ್ ಇಂಡಿಯಾ, ಸಿಡ್ನಿ ಪಂದ್ಯವನ್ನು ಡ್ರಾ ಮಾಡಿಕೊಂಡಿತ್ತು. ಟೆಸ್ಟ್​ ಸರಣಿ ಕೈವಶ ಮಾಡಿಕೊಳ್ಳಬೇಕಾದ್ರೆ ಗಾಬ್ಬಾ ಕೋಟೆ ಬೇಧಿಸಬೇಕಿತ್ತು.

ಇಲ್ಲಿ ಗೆಲ್ಲೋದು ಅನಾನುಭವಿ ಟೀಮ್ ಇಂಡಿಯಾಗೆ ಸುಲಭದ ಮಾತಿರಲಿಲ್ಲ. ಗೆಲ್ಲುವ ಹಠ, ಎದುರಾಗಿದ್ದ ಅಪಮಾನ ಆಸ್ಟ್ರೇಲಿಯನ್ಸ್​ಗೆ ಬುದ್ಧಿಕಲಿಸಬೇಕು ಅನ್ನೋ ಒಂದು ಮನೋಭಾವ ಬಿಟ್ರೆ, ಇದೇ ಹೋರಾಟದ ಮನೋಭಾವದಲ್ಲೇ ಕಣಕ್ಕಿಳಿದ ಟೀಮ್ ಇಂಡಿಯಾ, ಮೊದಲ ಇನ್ನಿಂಗ್ಸ್​ನಲ್ಲಿ ಹಿನ್ನಡೆ ಅನುಭವಿಸಿತು. 2ನೇ ಇನ್ನಿಂಗ್ಸ್​ನಲ್ಲಿ ಟಕ್ಕರ್ ನೀಡಿತ್ತು. 327 ರನ್​ಗಳ ಗುರಿ ಬೆನ್ನಟ್ಟಿದ ಯಂಗ್ ಇಂಡಿಯಾ, ಗಬ್ಬಾ ಕೋಟೆಯನ್ನ ಬೇಧಿಸಿ ಆಸ್ಟ್ರೇಲಿಯನ್ನರ ಸೊಕ್ಕು ಅಡಗಿಸಿತ್ತು. 2-1 ಅಂತರದಿಂದ ಸರಣಿ ಗೆದ್ದು ಇತಿಹಾಸ ನಿರ್ಮಿಸಿತು.

27 ವರ್ಷಗಳ ಬಳಿಕ ಗೆಲುವು ಸರಣಿ ಡ್ರಾ

ಯುವ ಸೈನ್ಯದೊಂದಿಗೆ ಕಾಂಗರೂಗಳ ನಾಡಿಗೆ ಕಾಲಿಟ್ಟ ವಿಂಡೀಸ್​, ಈ ವರ್ಷದ ಆರಂಭದಲ್ಲೇ ಹೊಸ ಭಾಷ್ಯ ಬರೆದಿತ್ತು. ಮೊದಲ ಪಂದ್ಯ ಸೋತಿದ್ದ ವಿಂಡೀಸ್, 2ನೇ ಪಂದ್ಯದಲ್ಲಿ ಗೆಲ್ಲೋ ಎಳ್ಳಷ್ಟು ನಂಬಿಕೆ ಇರಲಿಲ್ಲ. 2ನೇ ಇನ್ನಿಂಗ್ಸ್​ನಲ್ಲಿ 216 ರನ್​​ ಗುರಿ ಪಡೆದಿದ್ದ ಆಸಿಸ್, ಸುಲಭ ಗೆಲುವಿನ ನಿರೀಕ್ಷೆಯಲ್ಲಿತ್ತು. ಶಾಮರ್ ಜೋಸೆಫ್ ಎಂಬ ಬಿರುಗಾಳಿ ಆಸಿಸ್ ಉಡೀಸ್ ಆಯ್ತು. 8 ರನ್​ಗಳ ಹಿಸ್ಟಾರಿಕಲ್ ಗೆಲುವು ದಾಖಲಿಸಿದ ವಿಂಡೀಸ್​​​ ತಂಡ ಗಬ್ಬಾ ಮೈದಾನದಲ್ಲಿ ಕುಣಿದು ಕುಪ್ಪಳಿಸಿತು. ಬರೋಬ್ಬರಿ 27 ವರ್ಷಗಳ ನಂತರ ಆಸಿಸ್ ನೆಲದಲ್ಲಿ ಗೆಲುವಿನ ಸಿಹಿ ಕಂಡಿತು. ಸರಣಿಯನ್ನು ಡ್ರಾ ಮಾಡಿಕೊಳ್ತು. ಕಾಮೆಂಟರಿ ಮಾಡ್ತಿದ್ದ ದಿಗ್ಗಜ ಬ್ರಿಯಾನ್​​​ ಲಾರಾ ಹಾಗೂ ಕಾರ್ಲ್​ ಹೂಪರ್ ಖುಷಿ ತಾಳಲಾರದೇ ಕಣ್ಣೀರು ಸುರಿಸಿದ್ರು.

ಇದನ್ನೂ ಓದಿ:ದೊಡ್ಡ ದುರಂತದಿಂದ ಪಾರು ಮಾಡಿದ AI.. ಈ ಗ್ರೇಟ್​ ಜಾಬ್​ಗೆ ಸೆಲ್ಯೂಟ್ ಹೊಡೆಯಲೇಬೇಕು!

ಬ್ರಿಸ್ಬೇನ್ ಗೆದ್ದವರಿಗೆ ರಿಲ್ಯಾಕ್ಸ್​, ಸೋತವರಿಗೆ ಟೆನ್ಶನ್!

ಗೆದ್ದು ಟೆಸ್ಟ್​ ಸರಣಿ ವಶಪಡಿಸಿಕೊಂಡಿದ್ದ ಟೀಮ್ ಇಂಡಿಯಾಗೆ, ಇವತ್ತಿನಿಂದ ಶುರುವಾಗ್ತಿರುವ ಟೆಸ್ಟ್​ ನಿಜಕ್ಕೂ ಮೋಸ್ಟ್ ಕ್ರೂಶಿಯಲ್​. 2ನೇ ಟೆಸ್ಟ್ ಗೆದ್ದಿರುವ ಆಸ್ಟ್ರೇಲಿಯಾ, ಸದ್ಯ ಆತ್ಮವಿಶ್ವಾಸದಲ್ಲಿದೆ. ಮೆಲ್ಬರ್ನ್ ಹಾಗೂ ಸಿಡ್ನಿಗೆ ಹೋಲಿಕೆ ಮಾಡಿದ್ರೆ ಗಬ್ಬಾ ಮೋರ್ ಫಾಸ್ಟ್​ ಆ್ಯಂಡ್ ಬೌನ್ಸಿ.. ಹೀಗಾಗಿ ಈ ಟಫೆಸ್ಟ್​ ಕಂಡೀಷನ್ಸ್​ ಗೆದ್ದರೆ, ಟೀಮ್ ಇಂಡಿಯಾ ಆತ್ಮವಿಶ್ವಾಸದಲ್ಲಿ ಮುಂದಿನ ಎರಡು ಮ್ಯಾಚ್ ಗೆಲ್ಲೋದು ದೊಡ್ಡದೇನಲ್ಲ.

ಇದನ್ನೂ ಓದಿ:ಚೈತ್ರಾ ಕಣ್ಣೀರು, ಧನು-ರಜತ್ ಬಿಗ್ ಫೈಟ್​; ಇಂದು ಕಿಚ್ಚನ ಕ್ಲಾಸ್ ಯಾರಿಗೆ..? ವೀಕ್ಷಕರು ಎಕ್ಸೈಟ್..!

ವಿಶೇಷ ಸೂಚನೆ: ಕ್ರಿಕೆಟ್​​ನ ವಿಶೇಷ ಸುದ್ದಿಗಳಿಗಾಗಿ ವೀಕ್ಷಿಸಿ 'ರನ್ ಭೂಮಿ' ಪ್ರತಿದಿನ ಬೆಳಗ್ಗೆ 8.27ಕ್ಕೆ ನ್ಯೂಸ್ ಫಸ್ಟ್ ಚಾನೆಲ್