ಈ ಜೋಡಿಗೆ ಕ್ರಿಕೆಟ್ ಜಗತ್ತು ಫಿದಾ.. ಆಂಗ್ಲರಿಗೆ ಜಡೇಜಾ-ಸುಂದರ್ ಕೊಟ್ಟ ಕಾಟ ಅಷ್ಟಿಷ್ಟಲ್ಲ..!

ಟೀಮ್​ ಇಂಡಿಯಾ ಮ್ಯಾಂಚೆಸ್ಟರ್​​ ಟೆಸ್ಟ್​ನಲ್ಲಿ ಹೀನಾಯ ಸೋಲು ಕಾಣುತ್ತೆ ಅಂತಾ ಕ್ರಿಕೆಟ್​ ಜಗತ್ತು ನಿನ್ನೆ ನಿರ್ಧರಿಸಿ ಬಿಟ್ಟಿತ್ತು. ಡ್ರಾ ಬಗ್ಗೆ ಕ್ರಿಕೆಟ್​​ ಲೋಕದಲ್ಲಿ ಬಹುಶಃ ಯಾರೊಬ್ಬರೂ ಯೋಚಿಸಿರಲಿಲ್ಲ ಬಿಡಿ. ಅಸಾಧ್ಯ ಅಂದುದನ್ನ ಸಾಧ್ಯವಾಗಿಸಿ ಜಗತ್ತಿಗೆ ತೋರಿಸೋದೆ ನಮ್ಮ ಟೀಮ್​ ಇಂಡಿಯಾ ಶಕ್ತಿ. ನಿನ್ನೆ ಮ್ಯಾಂಚೆಸ್ಟರ್​ನ ಓಲ್ಡ್​ ಟ್ರಾಪರ್ಡ್​ನಲ್ಲೂ ಆಗಿದ್ದು ಅದೇ!

ಟೀಮ್​ ಇಂಡಿಯಾದ ಅಂತಿಮ ದಿನದಾಟದ ಹೋರಾಟ ಶುರುವಾಗಿದ್ದು 2 ವಿಕೆಟ್​​ ನಷ್ಟಕ್ಕೆ 174 ರನ್​ಗಳೊಂದಿಗೆ. 4ನೇ ದಿನದಾಟದ ಕೊನೆಯ 2 ಸೆಷನ್​​ಗಳಲ್ಲಿ ಸುದೀರ್ಘ ಹೋರಾಟ ನಡೆಸಿದ್ದ ಕೆ.ಎಲ್​ ರಾಹುಲ್​, ಶುಭ್​ಮನ್​ ಗಿಲ್​ ಮೇಲೆ ಇಡೀ ಟೀಮ್​ ಇಂಡಿಯಾ ಡಿಫೆಂಡ್​ ಆಗಿತ್ತು. ಕ್ರಿಸ್​ನಲ್ಲಿ ಸೆಟಲ್​ ಆದ ಇವರಿಬ್ಬರು ತಂಡಕ್ಕೆ ಇನ್ನಷ್ಟು ಕೊಡುಗೆ ನೀಡ್ತಾರೆ ಅನ್ನೋ ನಿರೀಕ್ಷೆಯಿತ್ತು. ಅಂದುಕೊಂಡಂತೆ ಗಿಲ್​-ರಾಹುಲ್​​ ರಕ್ಷಣಾತ್ಮಕ ಆಟದೊಂದಿಗೆ ದಿನದಾಟ ಆರಂಭಿಸಿದ್ರು.

ಇದನ್ನೂ ಓದಿ: ಭರ್ಜರಿ ಬ್ಯಾಚುಲರ್ 2 ವಿನ್ನರ್ ಸುನೀಲ್​ಗೆ ಸಿಕ್ಕ ಹಣ ಎಷ್ಟು..?

ಗುಡ್​​ ಸ್ಟಾರ್ಟ್​ ಸಿಕ್ಕ ಸಮಾಧಾನದ ಬೆನ್ನಲ್ಲೇ ಶಾಕ್​ ಎದುರಾಯ್ತು. 90 ರನ್​ಗಳಿಸಿ ಶತಕದತ್ತ ಮುನ್ನುಗ್ತಾ ಇದ್ದ ಕೆ.ಎಲ್.ರಾಹುಲ್​ ಎಲ್​ಬಿ ಬಲೆಗೆ ಬಿದ್ರು. ಇಂಗ್ಲೆಂಡ್​ ಕ್ಯಾಪ್ಟನ್​​ ಬೆನ್​ ಸ್ಟೋಕ್ಸ್, ಕನ್ನಡಿಗನ ವಿಕೆಟ್ ಕಬಳಿಸಿದ್ರು. ಇದ್ರೊಂದಿಗೆ 188 ರನ್​ಗಳ ಸುದೀರ್ಘ ಜೊತೆಯಾಟಕ್ಕೆ ಬ್ರೇಕ್​ ಬಿತ್ತು.

ರಾಹುಲ್​ ವಿಕೆಟ್​​ ಕಳೆದುಕೊಂಡ ಮಾತ್ರಕ್ಕೆ ಟೀಮ್​ ಇಂಡಿಯಾ ಹೋರಾಟ ನಿಲ್ಲಲಿಲ್ಲ. ಬಳಿಕ ಜೊತೆಯಾದ ಶುಭ್​​ಮನ್​ ಗಿಲ್​-ವಾಷಿಂಗ್ಟನ್​ ಸುಂದರ್​​ ಆಂಗ್ಲರಿಗೆ ಮತ್ತಷ್ಟು ಕಾಟ ಕೊಟ್ರು. ಸೂಪರ್ಬ್​ ಆಟ ಮುಂದುವರೆಸಿದ ಟೀಮ್​ ಇಂಡಿಯಾ ನಾಯಕ ಶುಭ್​ಮನ್​, ಮತ್ತೊಂದು ಸೆಂಚುರಿ ಸಿಡಿಸಿದ್ರು. ಈ ಪ್ರವಾಸದಲ್ಲಿ 4ನೇ ಶತಕ ಸಿಡಿಸಿದ ಸಾಧನೆ ಮಾಡಿದ್ರು.

ಶತಕ ಸಿಡಿಸಿದ ಬೆನ್ನಲ್ಲೇ ಶುಭ್​ಮನ್​ ಗಿಲ್​ ಇಂಜುರಿ ಕಾಡಿತು. ಆ ಬಳಿಕ ಏಕಾಗ್ರತೆ ಕಳೆದುಕೊಂಡ ಗಿಲ್​, ಜೋಫ್ರಾ ಆರ್ಚರ್​ಗೆ ವಿಕೆಟ್​ ಒಪ್ಪಿಸಿದ್ರು. ಟೀಮ್​ ಇಂಡಿಯಾ ನಾಯಕನ ಆಟ 103 ರನ್​ಗಳಿಗೆ ಅಂತ್ಯವಾದ ಬೆನ್ನಲ್ಲೇ ಇಂಗ್ಲೆಂಡ್​​ ಪಾಳೆಯದಲ್ಲಿ ಮತ್ತೆ ಗೆಲುವಿನ ಆಸೆ ಚಿಗುರೊಡೆದಿತ್ತು. ಕನಸನ್ನ ವಾಷಿಂಗ್ಟನ್ ಸುಂದರ್​, ರವೀಂದ್ರ ಜಡೇಜಾ ಧ್ವಂಸ ಮಾಡಿದ್ರು.

ಇದನ್ನೂ ಓದಿ: ಆನೆ ದಾಳಿಯಿಂದ ಕಾಫಿನಾಡಲ್ಲಿ ಮತ್ತೊಂದು ಬಲಿ.. 4 ದಿನದ ಅಂತರದಲ್ಲಿ 2ನೇ ಜೀವ ಇನ್ನಿಲ್ಲ

5ನೇ ವಿಕೆಟ್​​ಗೆ ಕ್ರಿಸ್​ನಲ್ಲಿ ಜೊತೆಯಾದ ಜಡೇಜಾ-ಸುಂದರ್​​ ಸೊಗಸಾದ ಪಾರ್ಟನರ್​ಶಿಪ್​ ಬಿಲ್ಡ್​ ಮಾಡಿದರು. ಮೊದಲ ಎಸೆತದಲ್ಲೇ ಜೀವದಾನ ಪಡೆದ ಜಡೇಜಾ, ಆ ಬಳಿಕ ಆಂಗ್ಲರಿಗೆ ಸಖತ್​ ಕಾಟ ಕೊಟ್ರು. ಸುಂದರ್​-ಜಡೇಜಾ ಯಾವ ಕ್ಷಣದಲ್ಲೂ ತಾಳ್ಮೆಯನ್ನೇ ಕಳೆದುಕೊಳ್ಳಲಿಲ್ಲ. ಬ್ಯಾಡ್​​ ಬಾಲ್​ಗಳನ್ನ ಮಾತ್ರ ಫನಿಶ್​ ಮಾಡಿದ ಈ ಜೋಡಿ ರನ್​ಗಳಿಕೆಗಿಂತ ವಿಕೆಟ್​ ಕಾಯ್ದುಕೊಳ್ಳುವತ್ತಲೇ ಗಮನ ಹರಿಸಿತು.

2ನೇ ಸೆಷನ್​ ಪೂರ್ತಿ ವಿಕೆಟ್​ ಬಿಟ್ಟುಕೊಡದ ಜಡೇಜಾ-ಸುಂದರ್​, 3ನೇ ಸೆಷನ್​​ನಲ್ಲೂ ಇಂಗ್ಲೆಂಡ್​ ಬೌಲರ್​ಗಳನ್ನ ಸತಾಯಿಸಿದ್ರು. ಇಬ್ಬರ ಆಟಕ್ಕೆ ಆಂಗ್ಲ ಪಡೆ ಬೆಸ್ತು ಬಿತ್ತು. 5 ವಿಕೆಟ್​ಗೆ 334 ಎಸೆತಗಳನ್ನ ಎದುರಿಸಿದ ಈ ಜೋಡಿ 203 ರನ್​ಗಳ ಅಜೇಯ ಜೊತೆಯಾಟವಾಡಿತು. ಮೊದಲ ಎಸೆತದಲ್ಲೇ ಜೀವದಾನ ಪಡೆದುಕೊಂಡ ರವೀಂದ್ರ ಜಡೇಜಾ ಅಂತಿಮವಾಗಿ ಶತಕ ಸಿಡಿಸಿದ್ರು. ಸಿಕ್ಸರ್​ ಸಿಡಿಸಿ ಓಲ್ಡ್​ ಟ್ರಾಫರ್ಡ್​ ಆಂಗಳಲ್ಲಿ ಸೆಂಚುರಿಯನ್ನ ಸಂಭ್ರಮಿಸಿದರು.

ಇದನ್ನೂ ಓದಿ: ಒಂದು ಹೊತ್ತಿನ ಊಟಕ್ಕೆ ಪರದಾಡ್ತಿದ್ದ ಸಾಹಸ ಕಲಾವಿದ.. ಆದ್ರೆ ಈಗ ಅವರ ಮಗನ ಸಿನಿಮಾ 800 ಕೋಟಿ ರೂ ಗಳಿಸಿದೆ

ಜಡೇಜಾ ಬೆನ್ನಲ್ಲೇ ವಾಷಿಂಗ್ಟನ್​ ಸುಂದರ್​​ ಕೂಡ ಶತಕ ಸಿಡಿಸಿದ್ರು. ತಂಡವನ್ನ ಸೋಲಿನಿಂದ ಪಾರು ಮಾಡಿ ಕರಿಯರ್​​ನ ಚೊಚ್ಚಲ ಟೆಸ್ಟ್​ ಶತಕವನ್ನ ಅವಿಸ್ಮರಣೀಯಗೊಳಿಸಿಕೊಂಡ್ರು. ಸುಂದರ್​ - ಜಡೇಜಾ ಜೊತೆಯಾಟಕ್ಕೆ ಬಳಲಿ ಬೆಂಡಾಗಿತ್ತು. ಸುಂದರ್​ ಶತಕ ಸಿಡಿಸಿದ ಬೆನ್ನಲ್ಲೇ ಬೆನ್​ಸ್ಟೋಕ್ಸ್ ಶೇಕ್​ಹ್ಯಾಂಡ್​ ಮಾಡಿ ಶರಣಾದ್ರು. ರಣರೋಚಕ ಡ್ರಾ ಸಾಧಿಸಿದ ಟೀಮ್​ ಇಂಡಿಯಾ, ಸರಣಿಯನ್ನ ಜೀವಂತವಾಗಿರಿಸಿಕೊಳ್ಳುವಲ್ಲಿ ಯಶಸ್ವಿಯಾಯ್ತು.

ಇದನ್ನೂ ಓದಿ: ಔರಾ ಫಾರ್ಮಿಂಗ್​​ ಟ್ರೆಂಡ್; ಕ್ರೀಡಾ ಲೋಕವೇ ಫುಲ್ ಫಿದಾ.. ಸೂರ್ಯಕುಮಾರ್​​​, ಕನ್ನಡತಿ ಶ್ರೇಯಾಂಕ ಜಾಲಿ ಜಾಲಿ!

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ