ಚೆಪಾಕ್​​ನಲ್ಲಿ ಧೋನಿ ಅಭಿಮಾನಿಗಳಿಗೆ ಚಮಕ್ ಕೊಟ್ಟ ರವಿಂದ್ರ ಜಡೇಜಾ -Video

ನಿನ್ನೆ ಚೆನ್ನೈನಲ್ಲಿ ಕೋಲ್ಕತ್ತ ನೈಟ್​ ರೈಡರ್ಸ್​ ಹಾಗೂ ಚೆನ್ನೈ ಸೂಪರ್ ಕಿಂಗ್ಸ್​ ತಂಡಗಳು ಮುಖಾಮುಖಿ ಆಗಿದ್ದವು. ಈ ವೇಳೆ ಸಿಎಸ್​ಕೆ ತಂಡದ ಎಂಎಸ್​ ಧೋನಿ ಅಭಿಮಾನಿಗಳಿಗೆ ರವೀಂದ್ರ ಜಡೇಜಾ ಚಮಕ್ ಕೊಟ್ಟ ಪ್ರಸಂಗ ನಡೆಯಿತು.

ಎರಡನೇ ಇನ್ನಿಂಗ್ಸ್​ನಲ್ಲಿ ಬ್ಯಾಟಿಂಗ್ ಮಾಡ್ತಿದ್ದ ಸಿಎಸ್​ಕೆ ತಂಡವು 16.5ನೇ ಓವರ್​ನಲ್ಲಿ ಶಿವಂ ದುಬೆ ವಿಕೆಟ್ ಕಳೆದುಕೊಂಡಿತ್ತು. ಈ ವೇಳೆ ಮೂರು ವಿಕೆಟ್ ಕಳೆದುಕೊಂಡು 135 ರನ್​ಗಳಿಸಿತ್ತು. ಸಿಎಸ್​ಕೆಗೆ ಗೆಲ್ಲಲು ಕೇವಲ ಮೂರು ರನ್​​ಗಳ ಅಗತ್ಯ ಇತ್ತು. ದುಬೆ ವಿಕೆಟ್​ ಬಿದ್ದ ಬಳಿಕ ಕ್ರೀಸ್​​ಗೆ ಯಾರು ಬರುತ್ತಾರೆ ಎಂಬ ನಿರೀಕ್ಷೆ ಹೆಚ್ಚಾಗಿತ್ತು.

ಈ ವೇಳೆ ರವಿಂದ್ರ  ಜಡೇಜಾ, ಡ್ರೆಸ್ಸಿಂಗ್​ ರೂಮ್​ನಿಂದ ಬ್ಯಾಟಿಂಗ್​ ಬಂದಂತೆ ಮೈದಾನದತ್ತ ಬರುತ್ತಾರೆ. ಆಗ ಧೋನಿ ಅಭಿಮಾನಿಗಳು, ತಲಾ, ಧೋನಿ ಎಂದು ಜೋರಾಗಿ ಕೂಗುತ್ತಾರೆ. ನಂತರ ಜಡೇಜಾ, ನಗಾಡುತ್ತ ವಾಪಸ್​​ ಡ್ರೆಸ್ಸಿಂಗ್ ರೂಮ್​​ಗೆ ಹೋಗುತ್ತಾರೆ. ಆಗ ಧೋನಿ ಮೈದಾನಕ್ಕೆ ಬರುತ್ತಾರೆ. ಅಭಿಮಾನಿಗಳ ಝೈಂಕಾರ ಜೋರಾಗಿತ್ತು. ಜಡೇಜಾ, ಚಪಾಕ್​​ನಲ್ಲಿ ಕ್ರಿಕೆಟ್ ಪ್ರೇಮಿಗಳಿಗೆ ಚಮಕ್ ನೀಡಿರೋದು ಇದೀಗ ವೈರಲ್​ ಆಗಿದೆ.

Ravindra Jadeja teased the Chepauk crowd by coming ahead of MS Dhoni then going back. 🤣

- This is amazing!! ❤️👌 pic.twitter.com/KPp4FewM17

— Mufaddal Vohra (@mufaddal_vohra) April 9, 2024

ನಿನ್ನೆಯ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ವಿರುದ್ಧ ಚೆನ್ನೈ ಸೂಪರ್​ ಕಿಂಗ್ಸ್​​​ ಗೆದ್ದು ಬೀಗಿದೆ. ಕೋಲ್ಕತ್ತಾ ನೈಟ್ ರೈಡರ್ಸ್ ವಿರುದ್ಧ ಚೆನ್ನೈ ಸೂಪರ್ ಕಿಂಗ್ಸ್ 7 ವಿಕೆಟ್ ಗಳ ಭರ್ಜರಿ ಗೆಲುವು ಸಾಧಿಸಿದೆ. ಈ ಮೂಲಕ ಕಳೆದ ಎರಡು ಪಂದ್ಯಗಳಲ್ಲಿ ಸೋತಿದ್ದ ಚೆನ್ನೈ, ಇದೀಗ ಗೆಲುವಿನ ಲಯಕ್ಕೆ ಮರಳಿದೆ. ಈ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡ, ನಿಗದಿತ 20 ಓವರ್​ಗಳಲ್ಲಿ 9 ವಿಕೆಟ್‌ ನಷ್ಟಕ್ಕೆ 137 ರನ್‌ ಗಳಿಸಿತು. ಈ ಗುರಿ ಬೆನ್ನತ್ತಿದ ಚೆನ್ನ 17.4 ಓವರ್‌ಗಳಲ್ಲಿ 141 ರನ್ ಗಳಿಸುವ ಮೂಲಕ ಭರ್ಜರಿ ಜಯ ಸಾಧಿಸಿತು.

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ