ಕಿಂಗ್​ ಕೊಹ್ಲಿ, ಬೆಥೆಲ್​ ಸಿಡಿಲಬ್ಬರ.. ಶೆಫರ್ಡ್ ವೇಗದ ಅರ್ಧಶತಕ; ಚೆನ್ನೈಗೆ ಬಿಗ್ ಟಾರ್ಗೆಟ್​ ಕೊಟ್ಟ RCB

ಬೆಂಗಳೂರಿನಲ್ಲಿ ನಡೆಯುತ್ತಿರುವ ಐಪಿಎಲ್​ ಪಂದ್ಯದಲ್ಲಿ ರಾಯಲ್ ಚಾಲೆಂಜರ್ಸ್​ ಬೆಂಗಳೂರು ತಂಡ ಬೃಹತ್​ ಮೊತ್ತದ ಟಾರ್ಗೆಟ್​ ಅನ್ನು ಚೆನ್ನೈ ಸೂಪರ್ ಕಿಂಗ್ಸ್​ಗೆ ನೀಡಿದೆ. ವಿರಾಟ್ ಕೊಹ್ಲಿ, ಜಾಕೋಬ್ ಬೆಥೆಲ್ ಮತ್ತು ರೊಮಾರಿಯೋ ಶೆಫರ್ಡ್ ಅವರ ಭರ್ಜರಿ ಅರ್ಧಶತಕದಿಂದ ಈ ಗುರಿಯನ್ನು ಆರ್​ಸಿಬಿ ಸೆಟ್ ಮಾಡಿದೆ.

ಎಂ ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ ಟಾಸ್ ಗೆದ್ದ ಚೆನ್ನೈ ಸೂಪರ್​ ಕಿಂಗ್ಸ್​ ತಂಡದ ನಾಯಕ ಎಂ.ಎಸ್ ಧೋನಿ ಅವರು ಮೊದಲ ಫೀಲ್ಡಿಂಗ್ ಆಯ್ಕೆ ಮಾಡಿಕೊಂಡರು. ಇದರಿಂದ ಆರ್​ಸಿಬಿ ಬ್ಯಾಟಿಂಗ್​ಗೆ ಆಗಮಿಸಿತ್ತು. ವಿರಾಟ್​ ಕೊಹ್ಲಿ ಹಾಗೂ ಯಂಗ್ ಬ್ಯಾಟರ್ ಜಾಕೋಬ್ ಬೆಥೆಲ್​ ಆರ್​ಸಿಬಿ ಪರವಾಗಿ ಓಪನರ್​ಗಳಾಗಿ ಬಂದು ಅಬ್ಬರದ ಬ್ಯಾಟಿಂಗ್ ಪ್ರದರ್ಶನ ಮಾಡಿದರು.

ಇದನ್ನೂ ಓದಿ: 6, 6, 6, 6, 6; ಚೆನ್ನೈ ಬೌಲರ್​ಗಳಿಗೆ ಚಳಿ ಬಿಡಿಸಿದ ಕಿಂಗ್​ ಕೊಹ್ಲಿ.. ಮತ್ತೊಂದು ಅರ್ಧಶತಕ ಸಿಡಿಸಿದ ವಿರಾಟ್

ಚೆನ್ನೈ ವಿರುದ್ಧ 28 ಎಸೆತಗಳನ್ನು ಎದುರಿಸಿದ ಬೆಥೆಲ್ 8 ಅದ್ಭುತವಾದ ಬೌಂಡರಿಗಳು ಹಾಗೂ 2 ಅಮೋಘವಾಗ ಸಿಕ್ಸರ್​ನಿಂದ 53 ರನ್​ಗಳನ್ನು ಬಾರಿಸಿದರು. 55 ರನ್​ ಗಳಿಸಿ ಆಡುವಾಗ ಡೆವಾಲ್ಡ್​ ಬ್ರೆವಿಸ್​ ಅವರಿಗೆ ಕ್ಯಾಚ್ ಕೊಟ್ಟು ಔಟ್ ಆದರು. ಇನ್ನೊಂದೆಡೆ ಪಂದ್ಯದಲ್ಲಿ ಆರ್ಭಟದ ಬ್ಯಾಟಿಂಗ್ ಮಾಡಿದ ಕೊಹ್ಲಿ ಕೇವಲ 29 ಎಸೆತಗಳಲ್ಲಿ 3 ಬೌಂಡರಿ, 5 ಸಿಕ್ಸರ್​ಗಳಿಂದ ಅಮೋಘವಾದ ಅರ್ಧಶತಕ ಗಳಿಸಿದರು. 5 ಬೌಂಡರಿ, 5 ಸಿಕ್ಸರ್​ಗಳಿಂದ 62 ರನ್​ ಗಳಿಸಿ ಆಡುವಾಗ ಸ್ಯಾಮ್ ಕರನ್​ ಬೌಲಿಂಗ್​ನಲ್ಲಿ ಕೊಹ್ಲಿ ಔಟ್ ಆದರು.

​ ಈ ಪಂದ್ಯದಲ್ಲಿ ದೇವದತ್ ಪಡಿಕ್ಕಲ್ 17, ರಜತ್ ಪಾಟಿದಾರ್ 11, ಜಿತೇಶ್ ಶರ್ಮಾ 11 ಈ ಮೂವರು ವಿಫಲ ಬ್ಯಾಟಿಂಗ್ ಮಾಡಿದರು. ಆದರೆ ಕೊನೆಯಲ್ಲಿ ಟಿಮ್ ಡೇವಿಡ್​ ಜೊತೆಗೂಡಿ ಬ್ಯಾಟಿಂಗ್ ಮಾಡಿದ ರೊಮಾರಿಯೋ ಶೆಫರ್ಡ್ ಸಿಡಿಲಬ್ಬರದ ಬ್ಯಾಟಿಂಗ್ ಮಾಡಿ, ಚೆನ್ನೈ ಬೌಲರ್​ಗಳಿಗೆ ದಶದಿಕ್ಕು ದರ್ಶನ ಮಾಡಿದರು. ಕೇವಲ 14 ಬಾಲ್​ಗಳನ್ನು ಎದುರಿಸಿದ ರೊಮಾರಿಯೋ ಶೆಫರ್ಡ್ 4 ಬೌಂಡರಿ ಹಾಗೂ 6 ಸಿಕ್ಸರ್​ಗಳಿಂದ 53 ರನ್​ಗಳನ್ನು ಕೊಳ್ಳೆ ಹೊಡೆದರು. ಕೊನೆಯಲ್ಲಿ ರೊಮಾರಿಯೋ ಶೆಫರ್ಡ್ ಅವರ ಅಬ್ಬರದ ಬ್ಯಾಟಿಂಗ್​ನಿಂದ ಆರ್​ಸಿಬಿ 20 ಓವರ್​ಗಳಲ್ಲಿ 5 ವಿಕೆಟ್​ಗೆ 214 ರನ್​ಗಳ ಟಾರ್ಗೆಟ್​ ಅನ್ನು ಚೆನ್ನೈಗೆ ನೀಡಿದೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ