ಆರ್​​ಸಿಬಿ ಫ್ಯಾನ್ಸ್​ಗೆ ಗುಡ್​ನ್ಯೂಸ್​​; ಕ್ಯಾಪ್ಟನ್​ ಆಗಿ ಎಬಿಡಿ​​ ಕ್ರಿಕೆಟ್​​ಗೆ ಗ್ರ್ಯಾಂಡ್​ ಎಂಟ್ರಿ

ರಾಯಲ್​ ಚಾಲೆಂಜರ್ಸ್​ ತಂಡದ ಹೊಡಿಬಡಿ ಆಟಗಾರ. ಕೋಟ್ಯಾಂತರ ಅಭಿಮಾನಿಗಳ ಆರಾಧ್ಯ ದೈವ. ಆರ್​​ಸಿಬಿ ತಂಡದ ಆಪ್ಬಾಂಧವ ಎಂದು ಖ್ಯಾತಿಯಾಗಿರೋ 360 ಡಿಗ್ರಿ ಎಬಿ ಡಿವಿಲಿಯರ್ಸ್ ಮತ್ತೆ ಕ್ರಿಕೆಟ್​ ಮೈದಾನಕ್ಕೆ ಮರಳಿದ್ದಾರೆ.

ಬರೋಬ್ಬರಿ 3 ವರ್ಷಗಳ ಹಿಂದೆ ಅಂತರಾಷ್ಟ್ರೀಯ ಕ್ರಿಕೆಟ್​ಗೆ ನಿವೃತ್ತಿ ಘೋಷಿಸಿ ಎಬಿ ಡಿವಿಲಿಯರ್ಸ್ ಎಲ್ಲರಿಗೂ ಶಾಕ್​ ನೀಡಿದ್ದರು. ಈಗ ಮತ್ತೆ ತಾನು ಕ್ರಿಕೆಟ್​​ ಮೈದಾನಕ್ಕೆ ಇಳಿಯಲು ಮುಂದಾಗಿದ್ದಾರೆ. ಎಬಿ ಡಿವಿಲಿಯರ್ಸ್​​ ಈ ಬಗ್ಗೆ ಮಾತಾಡಿದ್ದು, ಬೌಲರ್‌ಗಳ ಬೆವರಿಳಿಸಲು ನಾನು ಸಿದ್ದ ಎಂದಿದ್ದಾರೆ.

ಎಬಿಡಿ ಕಮ್​ಬ್ಯಾಕ್​​

ಎಬಿ ಡಿವಿಲಿಯರ್ಸ್ ಮತ್ತೊಮ್ಮೆ ಕ್ರಿಕೆಟ್​ಗೆ ಕಮ್ ಬ್ಯಾಕ್ ಮಾಡುತ್ತಿದ್ದಾರೆ. ಮುಂಬರುವ ಜುಲೈ ತಿಂಗಳಲ್ಲಿ ನಡೆಯಲಿರೋ ವರ್ಲ್ಡ್ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್ (WCL) 2ನೇ ಸೀಸನ್​​ನಲ್ಲಿ ಸೌತ್​ ಆಫ್ರಿಕಾ ತಂಡವನ್ನು ಪ್ರತಿನಿಧಿಸಲಿದ್ದಾರೆ. ಗೇಮ್ ಚೇಂಜರ್ಸ್ ಸೌತ್ ಆಫ್ರಿಕಾ ಚಾಂಪಿಯನ್ಸ್ ತಂಡದ ಪರ ಕೇವಲ ಆಟಗಾರನಾಗಿ ಮಾತ್ರ ಕಣಕ್ಕಿಳಿಯುತ್ತಿಲ್ಲ. ಬದಲಿಗೆ ಸೌತ್​ ಆಫ್ರಿಕಾವನ್ನು ಲೀಡ್​ ಮಾಡಲಿದ್ದಾರೆ ಎಬಿಡಿ.

ಎಬಿಡಿ ಏನಂದ್ರು?

ಮುಂದಿನ ವಿಶ್ವ ಚಾಂಪಿಯನ್‌ಶಿಪ್ ಆಫ್ ಲೆಜೆಂಡ್ಸ್ 2025ರಲ್ಲಿ ನಾನು ದಕ್ಷಿಣ ಆಫ್ರಿಕಾ ತಂಡಕ್ಕಾಗಿ ಆಡುತ್ತೇನೆ. ಜುಲೈ 18 ರಿಂದ ಆಗಸ್ಟ್ 2 ರವರೆಗೆ ಈ ಟೂರ್ನಿ ನಡೆಯಲಿದೆ. ಮತ್ತೆ ಕ್ರಿಕೆಟ್​​ ಆಡುವ ಕ್ಷಣಕ್ಕಾಗಿ ಎದುರು ನೋಡುತ್ತಿದ್ದೇನೆ ಎಂದಿದ್ದಾರೆ ಎಬಿಡಿ.

ಎಬಿಡಿ ಕ್ರಿಕೆಟ್​ ಸಾಧನೆ

ಡಿವಿಲಿಯರ್ಸ್ ವಿಶ್ವದ ಒಬ್ಬ ಶ್ರೇಷ್ಠ ಬ್ಯಾಟರ್​. ತಾನು ಆಡಿರೋ 114 ಟೆಸ್ಟ್ ಪಂದ್ಯಗಳಲ್ಲಿ 22 ಶತಕಗಳ ಜತೆಗೆ ಬರೋಬ್ಬರಿ 8765 ರನ್ ಗಳಿಸಿದ್ದಾರೆ. 218 ಏಕದಿನ ಪಂದ್ಯಗಳಲ್ಲಿ 9577 ರನ್ ಸಿಡಿಸಿದ್ದಾರೆ. ಈ ಪೈಕಿ 25 ಶತಕಗಳು ಸೇರಿವೆ. ಟಿ20 ಮಾದರಿಯಲ್ಲೂ 78 ಪಂದ್ಯ ಆಡಿರೋ ಇವರು 1672 ರನ್ ಗಳಿಸಿದ್ದಾರೆ. ಜತೆಗೆ ಐಪಿಎಲ್‌ನಲ್ಲೂ ಅಬ್ಬರಿಸಿರೋ ಎಬಿಡಿ 184 ಪಂದ್ಯಗಳಲ್ಲಿ 5162 ರನ್ ಕಲೆ ಹಾಕಿದ್ದಾರೆ.

ಇದನ್ನೂ ಓದಿ:ರನ್​​ ಗಳಿಸಲು ಭಾರತದ ಬ್ಯಾಟರ್​​ಗಳ ಪರದಾಟ; ಇಂಗ್ಲೆಂಡ್​​ ವಿರುದ್ಧ ಟೀಮ್​ ಇಂಡಿಯಾಗೆ ಹೀನಾಯ ಸೋಲು

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ