ಹರಾಜಿಗೆ ಮುನ್ನ RCB ಮಹತ್ವದ ಹೆಜ್ಜೆ; ಬೆಂಗಳೂರು ತಂಡ ಸೇರಿದ ಚಾಂಪಿಯನ್ ಕೋಚ್

ಬಹುನಿರೀಕ್ಷಿತ 2025ರ ಇಂಡಿಯನ್ ಪ್ರೀಮಿಯರ್‌ ಲೀಗ್ ಮೆಗಾ ಹರಾಜಿಗೆ ಕೇವಲ 5 ದಿನಗಳ ಮಾತ್ರ ಬಾಕಿ ಇದೆ. ಈ ಮೆಗಾ ಹರಾಜು ಪ್ರಕ್ರಿಯೆ ಮೇಲೆ ಕ್ರಿಕೆಟ್‌ ಅಭಿಮಾನಿಗಳ ಕಣ್ಣು ನೆಟ್ಟಿದೆ. ಮುಂದಿನ ಸೀಸನ್​​ಗಾಗಿ ಬಲಿಷ್ಠ ತಂಡ ಕಟ್ಟಲು ಎಲ್ಲಾ ತಂಡಗಳು ಭರ್ಜರಿ ತಯಾರಿ ಮಾಡಿಕೊಳ್ಳುತ್ತಿವೆ. ಈ ಮಧ್ಯೆ ಆರ್​​ಸಿಬಿ ತಂಡ ಮಹತ್ವದ ನಿರ್ಧಾರ ತೆಗೆದುಕೊಂಡಿದೆ.

ಆರ್‌ಸಿಬಿ ವಿರಾಟ್ ಕೊಹ್ಲಿ, ರಜತ್ ಪಾಟಿದಾರ್ ಮತ್ತು ಯಶ್ ದಯಾಳ್ ಅವರನ್ನು ಮಾತ್ರ ರಿಟೈನ್ ಮಾಡಿಕೊಂಡು ಉಳಿದ ಎಲ್ಲರನ್ನು ರಿಲೀಸ್​ ಮಾಡಿದೆ. ಮೆಗಾ ಹರಾಜಿನಲ್ಲಿ ಬಲಿಷ್ಠ ಆಟಗಾರರ ಖರೀದಿಗೆ ಆರ್​​ಸಿಬಿ ಸಜ್ಜಾಗಿದೆ. ಇದಕ್ಕೂ ಮುನ್ನ ಆರ್‌ಸಿಬಿ ತಂಡಕ್ಕೆ ಹೊಸ ಬೌಲಿಂಗ್ ಕೋಚ್ ನೇಮಕ ಆಗಿದ್ದಾರೆ.

ಹೊಸ ಬೌಲಿಂಗ್​ ಕೋಚ್​ ಯಾರು?

ಆರ್​​ಸಿಬಿ ತಂಡದ ಅಧಿಕೃತ ಖಾತೆಯಿಂದಲೇ​ ಆರ್​​ಸಿಬಿ ಹೊಸ ಬೌಲಿಂಗ್​​ ಕೋಚ್​ ಹೆಸರು ಘೋಷಣೆ ಮಾಡಲಾಗಿದೆ. ಈ ಮೂಲಕ ಹೇಗಾದ್ರೂ ಮಾಡಿ ಕಪ್​ ಗೆಲ್ಲಲೇಬೇಕು ಎಂದು ಜಿದ್ದಿಗೆ ಬಿದ್ದಿರೋ ಆರ್​​ಸಿಬಿ ಭಾರೀ ಸ್ಟ್ರಾಟರ್ಜಿ ಮಾಡಿಕೊಂಡಿದೆ.

ಇದರ ಭಾಗವಾಗಿ ಆರ್‌ಸಿಬಿ ಹೊಸ ಬೌಲಿಂಗ್ ಕೋಚ್ ನೇಮಕ ಮಾಡಿಕೊಂಡಿದೆ. ಈ ಬೌಲಿಂಗ್ ಕೋಚ್ ಬೇರೆ ಯಾರು ಅಲ್ಲ, ಓಂಕಾರ್ ಸಾಲ್ವಿ. ಮುಂಬೈ ರಣಜಿ ತಂಡದ ಕೋಚ್ ಆಗಿದ್ದ ಓಂಕಾರ್ ಸಾಲ್ವಿ ಅವರು ತಂಡವನ್ನು ಚಾಂಪಿಯನ್ ಮಾಡುವಲ್ಲಿ ಪ್ರಮುಖ ಪಾತ್ರವಹಿಸಿದ್ರು. ಕೆಕೆಆರ್​ ತಂಡದ ಜತೆಗೂ ಸಾಲ್ವಿ ಸಹಾಯಕ ಕೋಚ್ ಆಗಿ ಕೆಲಸ ಮಾಡಿದ್ರು.

ಯಾರು ಈ ಓಂಕಾರ್ ಸಾಲ್ವಿ?

ಟೀಮ್ ಇಂಡಿಯಾದ ಮಾಜಿ ಕ್ರಿಕೆಟರ್​ ಅವಿಷ್ಕರ್ ಸಾಲ್ವಿ. ಇವರ ಸಹೋದರ ಓಂಕಾರ್ ಸಾಲ್ವಿ. ಓಂಕಾರ್ ಸಾಲ್ವಿ ಕೋಚ್​ ಆಗಿದ್ದಾಗ ಮುಂಬೈ ತಂಡ ರಣಜಿ ಟ್ರೋಫಿ ಗೆದ್ದಿತ್ತು. ಸಾಲ್ವಿ 2005ರಲ್ಲಿ ಮಧ್ಯಪ್ರದೇಶ ವಿರುದ್ಧ ರೈಲ್ವೇಸ್‌ಗಾಗಿ ಲಿಸ್ಟ್ ಎ ಆಟ ಆಡಿದ್ರು.

Omkar Salvi roped in as the new Bowling Coach of RCB! pic.twitter.com/fIPdNRxn0o

— RCBIANS OFFICIAL (@RcbianOfficial)

Omkar Salvi roped in as the new Bowling Coach of RCB! pic.twitter.com/fIPdNRxn0o

— RCBIANS OFFICIAL (@RcbianOfficial) November 18, 2024

">November 18, 2024

ದಿನೇಶ್​ ಕಾರ್ತಿಕ್​​ ಜೊತೆ ಸ್ಟ್ರಾಟರ್ಜಿ

ಈಗಾಗಲೇ ಆರ್​​ಸಿಬಿ ಬ್ಯಾಟಿಂಗ್​ ಕೋಚ್​ ಮತ್ತು ಮೆಂಟರ್​ ಆಗಿ ದಿನೇಶ್​ ಕಾರ್ತಿಕ್​ ಅವರನ್ನು ಆಯ್ಕೆ ಮಾಡಲಾಗಿದೆ. ಇವರು ಮೆಗಾ ಹರಾಜಿನಲ್ಲಿ ಯಾರನ್ನು ಖರೀದಿ ಮಾಡಬೇಕು ಎಂದು ಭರ್ಜರಿ ಕಾರ್ಯತಂತ್ರ ರೂಪಿಸುತ್ತಿದ್ದಾರೆ. ಈಗ ನೂತನ ಬೌಲಿಂಗ್ ಕೋಚ್‌ ಆಗಿ ನೇಮಕಗೊಂಡಿರುವ ಓಂಕಾರ್ ಸಾಲ್ವಿ ಅವರು ದಿನೇಶ್​ ಕಾರ್ತಿಕ್​ ಅವರೊಂದಿಗೆ ಆರ್​​ಸಿಬಿ ತಂಡವನ್ನು ಚಾಂಪಿಯನ್​ ಮಾಡಲು ಕೆಲಸ ಮಾಡಲಿದ್ದಾರೆ.

ಇದನ್ನೂ ಓದಿ:ಆಸೀಸ್​ ಟೆಸ್ಟ್​ ಸರಣಿ; ಟೀಮ್​ ಇಂಡಿಯಾಗೆ ಸ್ಟಾರ್​ ಪ್ಲೇಯರ್​ ಎಂಟ್ರಿ; ಬಂತು ಮೆಗಾ ಪವರ್​!

ವಿಶೇಷ ಸೂಚನೆ: ಎಲ್ಲಾ DTH & Cableನಲ್ಲಿ ನ್ಯೂಸ್​ಫಸ್ಟ್​ ಚಾನೆಲ್​​​ ಲಭ್ಯ