ಟ್ರೋಫಿ ಗೆದ್ದ ಬೆನ್ನಲ್ಲೇ ಪಂಜಾಬ್ ಕಿಂಗ್ಸ್ ಸೇರಿದ RCB ತಂಡದ ಸ್ಫೋಟಕ ಬ್ಯಾಟರ್..!

2025ರ ಸೀಸನ್​ನಲ್ಲಿ ರಾಯಲ್ ಚಾಲೆಂಜರ್ಸ್ ಬೆಂಗಳೂರು ಅಮೋಘವಾದ ಸಾಧನೆ ಮಾಡಿದೆ. 17 ವರ್ಷಗಳಿಂದ ಟ್ರೋಫಿಯ ಬಗ್ಗೆ ಕನಸು ಕಂಡು.. ಕಂಡು 18ನೇ ಸೀಸನ್​ನಲ್ಲಿ ಟ್ರೋಫಿ ಪಡೆದುಕೊಂಡಿದೆ. ಇದೇ ಖುಷಿಯಲ್ಲಿರುವ ಆರ್​ಸಿಬಿ ತಂಡದ ಸ್ಫೋಟಕ ಬ್ಯಾಟರ್​ ಒಬ್ಬರು, ಪ್ರೀತಿ ಜಿಂಟಾ ಮಾಲೀಕತ್ವದ ಪಂಜಾಬ್​ ಕಿಂಗ್ಸ್​ ಒಡೆತನದ ಸೇಂಟ್​ ಲೂಸಿಯ ಕಿಂಗ್ಸ್ ತಂಡವನ್ನು ಸೇರಿಕೊಂಡಿದ್ದಾರೆ.

ಆರ್​ಸಿಬಿಯ ವಿಸ್ಫೋಟಕ ಬ್ಯಾಟರ್ ಆಗಿರುವ ಟಿಮ್ ಡೇವಿಡ್ ಅವರು ಬಾಲಿವುಡ್​ ನಟಿ ಪ್ರೀತಿ ಜಿಂಟಾ ಮಾಲೀಕತ್ವದ ಪಂಜಾಬ್​ ಕಿಂಗ್ಸ್​ನ ಸೇಂಟ್​ ಲೂಸಿಯ ಕಿಂಗ್ಸ್ ತಂಡದಲ್ಲಿ ಆಡಲಿದ್ದಾರೆ. ಆಗಸ್ಟ್​​ 15 ರಿಂದ ಕೆರೆಬಿಯನ್​ ಪ್ರೀಮಿಯರ್​ ಲೀಗ್ (ಸಿಪಿಎಲ್ 2025)​ ಪ್ರಾರಂಭವಾಗಲಿದೆ. ಈ ಲೀಗ್​ನ ಹಾಲಿ ಚಾಂಪಿಯನ್ ಆಗಿರುವ ಸೇಂಟ್​ ಲೂಸಿಯ ಕಿಂಗ್ಸ್ ತಂಡದಲ್ಲಿ ಟಿಮ್​ ಡೇವಿಡ್​ ಅವರು ಅಖಾಡಕ್ಕೆ ಇಳಿಯಲಿದ್ದಾರೆ.

ಇದನ್ನೂ ಓದಿ: RCBಗೆ ಟ್ರೋಫಿ ಗೆಲ್ಲಿಸಿಕೊಟ್ಟ ಖುಷಿಯಲ್ಲಿ ಮುಖ್ಯ ಕೋಚ್​ ಆ್ಯಂಡಿ ಫ್ಲವರ್ ಹೋಗಿದ್ದು ಎಲ್ಲಿಗೆ..?

2025ರ ಐಪಿಎಲ್​ನಲ್ಲಿ ಆರ್​ಸಿಬಿ ಪರವಾಗಿ ಬ್ಯಾಟ್ ಬೀಸಿದ್ದ ಟಿಮ್ ಡೇವಿಡ್​ ಅದ್ಭುತ ಪ್ರದರ್ಶನ ನೀಡಿದ್ದರು. ಆರ್​ಸಿಬಿಯಲ್ಲಿ 12 ಪಂದ್ಯಗಳನ್ನು ಆಡಿದ್ದ ಅವರು 186 ರನ್​ಗಳನ್ನು ಗಳಿಸಿದ್ದರು. ಚಿನ್ನಸ್ವಾಮಿ ಸ್ಟೇಡಿಯಂನಲ್ಲಿ ಪಂಜಾಬ್​ ವಿರುದ್ಧ ನಡೆದ ಪಂದ್ಯದಲ್ಲಿ ಕೇವಲ 26 ಬಾಲ್​ಗಳಲ್ಲಿ 50 ರನ್​ ಸಿಡಿಸಿದ್ದರು. ಇದು ಎಲ್ಲ ಆರ್​ಸಿಬಿ ಅಭಿಮಾನಿಗಳ ಮನ ಗೆದ್ದಿತ್ತು.

ಡಿಮ್ ಡೇವಿಡ್​ ಅವರನ್ನು ಆರ್​ಸಿಬಿ 3 ಕೋಟಿ ರೂಪಾಯಿಗಳಿಗೆ ಖರೀದಿ ಮಾಡಿತ್ತು. ಇದಕ್ಕಿಂತ ಮೊದಲು ಅವರು ಮುಂಬೈ ತಂಡದ ಪ್ಲೇಯರ್ ಆಗಿದ್ದರು. ಸದ್ಯ ಕೆರೆಬಿಯನ್​ ಪ್ರೀಮಿಯರ್​ ಲೀಗ್​​ನಲ್ಲಿ ಟಿಮ್​ ಡೇವಿಡ್​ ಪಂಜಾಬ್​ ಫ್ರಾಂಚೈಸಿ ಪರವಾಗಿ ಕಣಕ್ಕಿಳಿಯಲಿದ್ದಾರೆ ಅಷ್ಟೇ. ಆರ್​ಸಿಬಿ ತಂಡವನ್ನು ಬಿಟ್ಟು ಹೋಗುತ್ತಿಲ್ಲ. ಮತ್ತೆ ಐಪಿಎಲ್ ವೇಳೆಗೆ ವಾಪಸ್ ಆಗಲಿದ್ದಾರೆ.

ವಿಶೇಷ ಸೂಚನೆ: ಕ್ರಿಕೆಟ್‌ನ ಸುದ್ದಿಗಳಿಗಾಗಿ ಪ್ರತಿದಿನ ಬೆಳಗ್ಗೆ 8.30ಕ್ಕೆ ನ್ಯೂಸ್‌ಫಸ್ಟ್‌ಚಾನೆಲ್​​ನಲ್ಲಿ ‘ರನ್ ಭೂಮಿ’ ವೀಕ್ಷಿಸಿ